డెబిట్ కార్డ్ లేకుండా UPI PINను సెట్ చేయడం ఎలా? వెరీ సింపుల్‌..!

Upi Pin

UPI PIN: రోజువారీ చెల్లింపులు చేయడానికి యూపీఐ అత్యంత సౌకర్యవంతమైన మార్గంగా ఉంది. దీనివల్ల నగదు లేదా ఫిజికల్ కార్డుల అవసరం లేకుండా పోయింది. యూపీఐ ద్వారా డబ్బు పంపడానికి, మీకు డబ్బు స్వీకరించేవారి మొబైల్ నంబర్ లేదా యూపీఐ ఐడీ అవసరం. అయితే మీరు నాలుగు లేదా ఆరు అంకెల PINతో యూపీఐ లావాదేవీని ధృవీకరించాల్సి ఉంటుంది. వినియోగదారులు తమ యూపీఐ యాప్‌లలో తమ UPI PINలను యాక్టివేట్ చేసుకోవచ్చు. ప్రారంభంలో మీ UPI PINను సెట్ చేయడానికి డెబిట్ కార్డ్ తప్పనిసరిగా ఉండేది. అయితే ఇప్పుడు మీరు డెబిట్ కార్డ్ లేకుండా కూడా మీ యూపీఐ పిన్‌ను సెట్ చేసుకోవచ్చు. నేషనల్ పేమెంట్స్ కార్పొరేషన్ ఆఫ్ ఇండియా (NPCI) డెబిట్ కార్డ్ లేకుండానే మీ UPI PINను సెట్ చేసుకునేందుకు అనుమతిస్తుంది. అది ఎలా చేయాలో తెలుసుకుందాం..

ఇది కూడా చదవండి: Silver Price: కిలో వెండి ధర 10 గ్రాముల బంగారంతో సమానమవుతుందా? 57 శాతం పడిపోయిన వెండి ధరలు..!

యూపీఐ పిన్‌ను సెట్ చేయడానికి రెండు మార్గాలు:

మీరు మీ UPI PINను రెండు విధాలుగా యాక్టివేట్ చేసుకోవచ్చు

1) డెబిట్ కార్డ్ ద్వారా

2) ఆధార్ OTP ద్వారా.

డెబిట్ కార్డ్ లేకుండా మీ UPI PINను ఎలా సెటప్ చేసుకోవాలి?

ఆధార్ OTPని ఉపయోగించి UPIని యాక్టివేట్ చేయడానికి, మీరు రెండు షరతులను తప్పక పాటించాలి.

1) మీ మొబైల్ నంబర్ మీ ఆధార్ కార్డుతో లింక్ అయి ఉండాలి.

2) మీ మొబైల్ నంబర్ మీ బ్యాంకులో రిజిస్టర్ అయి ఉండాలి.

మీ బ్యాంక్ ఖాతా కోసం UPI PINను ఈ విధంగా సెటప్ చేసుకోవచ్చు:

• UPI అప్లికేషన్‌కు వెళ్లి, మీ బ్యాంక్ ఖాతా వివరాలను జోడించండి.
• తదుపరి దశలో మీ ఖాతా కోసం UPI PINను సెట్ చేసే ఆప్షన్‌ను ఎంచుకోండి.
• అప్లికేషన్ మీకు రెండు ఆప్షన్‌లను ఇస్తుంది. డెబిట్ కార్డ్ లేదా ఆధార్ ద్వారా యూపీఐ పిన్‌ను సెటప్ చేసుకోవడం. మీరు ‘ఆధార్’ ఆప్షన్‌ను ఎంచుకుని, మీ సమ్మతిని తెలియజేయాలి.
• ఆ తర్వాత మీ ఆధార్ నంబర్‌లోని మొదటి ఆరు అంకెలను నమోదు చేసి, ధృవీకరించడం ద్వారా మీ ఆధార్ నంబర్‌ను ధ్రువీకరించండి.
• ఆధార్‌తో అనుసంధానించిన మొబైల్ నంబర్‌కు మీకు ఒక OTP వస్తుంది. బ్యాంకుల నుండి వచ్చిన OTPని నమోదు చేయండి.
• తదుపరి పేజీలో కొత్త UPI PINని సృష్టించమని మిమ్మల్ని అడుగుతుంది.
• OTPని మళ్లీ నమోదు చేసి, నిర్ధారించండి.
• మీరు డెబిట్ కార్డ్ లేకుండా మీ బ్యాంక్ ఖాతా కోసం UPI PIN సెట్‌ అవుతుంది.

ఇది కూడా చదవండి: House Construction: మోసం చేసే బిల్డర్స్‌ని ఎలా గుర్తించాలి..? హౌస్‌ కాంట్రాక్ట్‌ ఇచ్చే ముందు ఇవి తెలుసుకోండి..!

మరిన్ని బిజినెస్ వార్తల కోసం ఇక్కడ క్లిక్ చేయండి