Jobs Hiring: భారత్‌లో భారీగా పెరిగిన ఉద్యోగ నియమాకాలు.. ఆ రంగంలోనే కొత్త ఉద్యోగాలు అధికం
‘ఎంప్లాయ్మెంట్ అవుట్‌లుక్‌ సర్వే’లో సంచలన విషయాలు బయటపడ్డాయి. కొత్త సంవత్సరం ప్రారంభం నుంచే నియమాకాలు బాగా పెరుగుతాయని మానవ వనరుల సేవల సంస్థ నివేదికలో తెలిపింది. ముఖ్యంగా ఐటీ రంగంలోనే కొత్త ఉద్యోగాలు అధికంగా ఉన్నట్లు వెల్లడైయ్యాయి.
జనవరి-మార్చి 2025 క్వార్టర్‌లో భారతదేశంలో నియామకాల సెంటిమెంట్ మునుపటి క్వార్టర్‌, గత సంవత్సరంతో పోలిస్తే మూడు శాతం పాయింట్లు పెరిగింది. దేశం ప్రపంచ సగటు 25% కంటే 15 పాయింట్లు, యునైటెడ్ స్టేట్స్ కోస్టా కంటే ముందుంది. తాజా మ్యాన్‌పవర్‌గ్రూప్ ఎంప్లాయ్మెంట్ ఔట్‌లుక్ సర్వే ప్రకారం ఈ విషయాలు వెల్లడైయ్యాయి.
సర్వే చేసిన 3,150 మంది భారతీయ యజమానులలో 53% మంది తమ వర్క్‌ఫోర్స్‌ను విస్తరించాలని యోచిస్తున్నారు. అయితే 13% మంది నియామకం తగ్గుతుందని లేదా బ్యాక్‌ఫిల్ చేయడానికి ప్రణాళికలు లేవని భావిస్తున్నారు. 50% నికర ఉపాధి ఔట్‌లుక్ (NEO)తో, ఫైనాన్షియల్స్ & రియల్ ఎస్టేట్ (44%)తో IT రంగం ఎప్పటిలానే బలంగా ఉంది. కన్స్యూమర్ గూడ్స్ & సర్వీసెస్ (40%), ఎనర్జీ & యుటిలిటీస్ (38%), హెల్త్‌కేర్ &లైఫ్ సైన్సెస్ (38%) కూడా అగ్ర రంగాలలో ర్యాంక్ పొందాయి.
ఈ సందర్భంగా మ్యాన్‌పవర్‌గ్రూప్ ఇండియా కంట్రీ మేనేజర్ సందీప్ గులాటి మాట్లాడుతూ.. భారతదేశం ప్రపంచంలో అత్యంత వేగంగా అభివృద్ధి చెందుతున్న పెద్ద ఆర్థిక వ్యవస్థలలో ఒకటిగా ఉందన్నారు. జనవరి-మార్చి 2025 నాటికి భారత్ గ్లోబల్ లీడర్‌గా నిలుస్తుందని చెప్పడంలో ఎలాంటి సందేహం లేదని ఆయన తెలిపారు.ఆర్టిఫిషియల్ ఇంటెలిజెన్స్ (AI), పబ్లిక్ ఫండింగ్‌తో పాటుగా, IT రంగ ఉపాధి మార్కెట్‌కు ప్రయోజనం చేకూర్చయని ఆయన చెప్పారు. ఫలితంగా ఈ రంగం 50% ఔట్‌లుక్‌తో ముందుందన్నారు. తమ ఆపరేషన్ ఖర్చులను తగ్గించుకోవాలని చూస్తున్న పెద్ద సంస్థలు పెట్టే పెట్టుబడులు భారతదేశానికి ప్రయోజనం చేకూర్చేలా కనిపిస్తున్నాయన్నారు.
వెస్ట్ ఇండియా 43% ఔట్‌లుక్‌తో ముందంజలో ఉంది. మునుపటి క్వార్టర్‌తో పోలిస్తే నాలుగు పాయింట్లు పెరిగి, తూర్పు భారతదేశం 41% వద్ద ఉంది. 11 పాయింట్ల పెరిగింది. ఉత్తరం (39%) స్వల్పి పాయింట్లు తగ్గింది. దక్షిణ (38%) మూడు పాయింట్ల పెరుగుదలను నమోదు చేసింది. 5,000+ ఉద్యోగులను కలిగి ఉన్న సంస్థలు 48% వద్ద అత్యధిక ఔట్‌లుక్‌లను నివేదించడంతో పెద్ద సంస్థలు నియామకంలో పైచేయి సాధించాయి. పరిశ్రమలలో పెరుగుతున్న లింగ సమానత్వ ప్రయత్నాలను కూడా సర్వే హైలైట్ చేసింది. దాదాపు 66% సంస్థలు పే ఈక్విటీ కార్యక్రమాలతో ట్రాక్‌లో ఉన్నాయని నివేదించాయి. గత సంవత్సరం కంటే 8 శాతం పాయింట్ల మెరుగుదల కనిపించింది. IT రంగం 78%తో ముందుంది, ఫైనాన్షియల్స్ & రియల్ ఎస్టేట్ (69%), కన్స్యూమర్ గూడ్స్ & సర్వీసెస్ (67%), హెల్త్‌కేర్ & లైఫ్ సైన్సెస్ (66%) తర్వాతి స్థానాల్లో ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి