Bike Sales: స్ప్లెండర్ జోరు.. షైన్ దూకుడు.. ఏప్రిల్ నెల అమ్మకాల్లో టాప్ రేంజ్‌లో దూసుకుపోతున్న బైకులివే

April 2025 Most Selling Bikes

భారతీయ ద్విచక్ర వాహన మార్కెట్‌లో ఏప్రిల్ 2025 నెల అమ్మకాల నివేదికలు విడుదలయ్యాయి. అమ్మకాల్లో కొన్ని మోడళ్లు నిలకడను చూపగా, మరికొన్ని మోడళ్లు గత ఏడాదితో పోలిస్తే కాస్త తడబడ్డాయి. ఈ నెలలో కూడా హీరో స్ప్లెండర్ తన ఆధిపత్యాన్ని కొనసాగించి అగ్రస్థానంలో నిలిచింది. హోండా షైన్ అద్భుతమైన వృద్ధిని నమోదు చేసి రెండవ స్థానాన్ని దక్కించుకుంది.

అగ్రస్థానంలో హీరో స్ప్లెండర్

ఎప్పటిలాగే హీరో స్ప్లెండర్ అమ్మకాలలో అగ్రస్థానాన్ని నిలబెట్టుకుంది. ఏప్రిల్ 2025లో 1,97,893 యూనిట్లను విక్రయించింది. అయితే, గత ఏడాదితో పోలిస్తే అమ్మకాలు కాస్త తగ్గుముఖం పట్టాయి. మార్కెట్‌లో దీనికి ఉన్న పట్టు మాత్రం చెక్కుచెదరలేదు.

దూసుకువచ్చిన హోండా షైన్
హోండా షైన్ ఈ నెలలో అద్భుతమైన పనితీరును కనబరిచింది. ఏకంగా 1,68,908 యూనిట్లను విక్రయించి రెండవ స్థానాన్ని కైవసం చేసుకుంది. గత ఏడాదితో పోలిస్తే గణనీయమైన వృద్ధిని సాధించడం విశేషం.

బజాజ్ పల్సర్ జోరు

బజాజ్ పల్సర్ శ్రేణి మూడవ స్థానంలో నిలిచింది. ఏప్రిల్ 2025లో 1,24,012 యూనిట్లు అమ్ముడయ్యాయి. అయితే, గత ఏప్రిల్ 2024తో పోలిస్తే అమ్మకాలు స్వల్పంగా తగ్గుముఖం పట్టాయి.

టీవీఎస్ జోరు.. రాయల్ ఎన్‌ఫీల్డ్ నిలకడ

టీవీఎస్ అపాచీ నాలుగో స్థానంలో 45,633 యూనిట్ల అమ్మకాలతో నిలిచింది. గత ఏడాదితో పోలిస్తే స్వల్ప వృద్ధిని నమోదు చేసింది.

టీవీఎస్ రైడర్ 43,028 యూనిట్లతో ఐదవ స్థానంలో ఉండగా, గత ఏడాదితో పోలిస్తే అమ్మకాలు తగ్గాయి.

హీరో హెచ్ఎఫ్ డీలక్స్ 41,645 యూనిట్లతో ఆరవ స్థానంలో నిలిచింది.

బజాజ్ ప్లాటినా అమ్మకాలు తగ్గి 29,689 యూనిట్లకు పరిమితమయ్యాయి.

రాయల్ ఎన్‌ఫీల్డ్ క్లాసిక్ 350 26,801 యూనిట్లతో ఎనిమిదవ స్థానంలో నిలిచింది.

హోండా యూనికాన్ 26,017 యూనిట్ల అమ్మకాలతో స్వల్ప వృద్ధిని కనబరిచింది.

రాయల్ ఎన్‌ఫీల్డ్ హంటర్ 350 18,109 యూనిట్ల అమ్మకాలతో పదవ స్థానంలో నిలిచి వృద్ధిని సాధించింది.

మొత్తంమీద, ఏప్రిల్ 2025లో భారతీయ మోటార్‌సైకిల్ మార్కెట్‌లో మిశ్రమ ఫలితాలు కనిపించాయి. కొన్ని మోడళ్లు అద్భుతమైన వృద్ధిని సాధించగా, మరికొన్ని గత సంవత్సరం అమ్మకాలను అందుకోలేకపోయాయి.