Income Tax Alert: పన్ను చెల్లింపుదారులకు అలర్ట్‌.. డిసెంబర్‌ 31 చివరి తేదీ.. లేకపోతే ఇబ్బందులే..!

Income Tax

ఇప్పుడు కొత్త సంవత్సరం రావడానికి కొన్ని రోజులు మాత్రమే మిగిలి ఉన్నాయి. కొత్త సంవత్సరం ప్రారంభమయ్యే ముందు ఆదాయపు పన్నుకు సంబంధించిన మీ అన్ని పనులు పూర్తి చేసుకోవడం ఎంతో ముఖ్యం. 2021-22 ఆర్థిక సంవత్సరానికి సవరించిన ఆదాయపు పన్ను రిటర్న్‌ను దాఖలు చేయడానికి చివరి తేదీ 31 డిసెంబర్.. ఆదాయపు పన్ను చట్టం ప్రకారం ఒక వ్యక్తి అసలు ఆదాయపు పన్ను రిటర్న్‌ను దాఖలు చేయడానికి చివరి తేదీని కోల్పోయినట్లయితే, అతను డిసెంబర్ 31 వరకు ITRని కూడా ఫైల్ చేయవచ్చు. మీరు ఇంతకు ముందు మిస్ అయితే, ఇంకా అవకాశం ఉంది. ఒక వ్యక్తి జూలై 31, 2022న లేదా అంతకు ముందు రిటర్న్‌ను ఫైల్ చేయకుంటే అతను ఐటీఆర్‌ ఫైల్ చేయడానికి డిసెంబర్ 31, 2022 వరకు అవకాశం ఉంది.

అదే విధంగా, అసలు ఆదాయపు పన్ను రిటర్న్‌ను ఫైల్ చేసేటప్పుడు మీరు పొరపాటు చేసినట్లయితే, పన్ను చెల్లింపుదారు సవరించిన ఆదాయపు పన్ను రిటర్న్‌ను దాఖలు చేయడం ద్వారా దాన్ని సరిదిద్దవచ్చు. 2021-22 ఆర్థిక సంవత్సరానికి సవరించిన ఐటీఆర్‌ను దాఖలు చేయడానికి నెలాఖరు వరకు అవకాశం ఉంది.

మీరు ఐటీఆర్‌ ఫైల్ చేయడం మిస్ అయితే మీరు ఆదాయపు పన్ను చట్టం, 1961లోని సెక్షన్ 139(4) ప్రకారం ITR ఫైల్ చేయవచ్చు. అయితే దీన్ని ఫైల్ చేసే ప్రక్రియ సాధారణ ఐటీఆర్ ఫైలింగ్ మాదిరిగానే ఉంటుంది. దీన్ని ఫైల్ చేసేటప్పుడు పన్ను చెల్లింపుదారు రెండు విషయాలను జాగ్రత్తగా చూసుకోవాలి. ముందుగా పన్ను రిటర్న్ ఫారమ్‌లో సెక్షన్ 139(4)ని ఎంచుకుని, తగిన మొత్తంలో పెనాల్టీపై బాకీ ఉన్న పన్ను చెల్లించండి.

ఈ పన్ను చెల్లింపుదారులకు జరిమానా:

ఆదాయపు పన్ను చట్టంలోని సెక్షన్ 234ఎఫ్ ప్రకారం, ఐటీఆర్‌ను ఆలస్యంగా దాఖలు చేస్తే పన్ను చెల్లింపుదారుపై రూ.5,000 జరిమానా విధిస్తారు. అయితే, రూ. 5 లక్షల వరకు పన్ను విధించదగిన ఆదాయం ఉన్న చిన్న పన్ను చెల్లింపుదారులు రూ.1,000 జరిమానా మాత్రమే చెల్లించాలి. ఐటీఆర్‌ ఫైలింగ్ ప్రారంభించడానికి ముందు ఆలస్యమైన ఐటీఆర్‌ ఫైలింగ్ ఫీజు చెల్లించాలి.

సెంట్రల్ బోర్డ్ ఆఫ్ డైరెక్ట్ టాక్సెస్ ప్రకారం.. ఆన్‌లైన్ గేమ్‌లు, లాటరీ లేదా బెట్టింగ్ ద్వారా సంపాదించినా ఐటీఆర్‌లో దాని వివరాలను ఇవ్వని పన్ను చెల్లింపుదారులు, వారు నవీకరించబడిన ఐటీఆర్‌ను ఫైల్ చేసి అందులో ఈ వివరాలను ఇవ్వవలసి ఉంటుంది. ఆదాయపు పన్ను నిబంధనల ప్రకారం, తమ ఐటీఆర్‌లో తప్పు సమాచారాన్ని నింపిన లేదా అసంపూర్ణ సమాచారాన్ని నింపిన పన్ను చెల్లింపుదారులు, వారు కూడా అప్‌డేట్ చేసిన ఐటీఆర్‌ను పూరించాల్సి ఉంటుంది.

మరిన్ని బిజినెస్ వార్తల కోసం క్లిక్ చేయండి