SIP: కేవలం రూ.1000 పెట్టుబడితో రూ.20 లక్షల రాబడి! మతిపోగొట్టే ఇన్వెస్ట్మెంట్ ప్లాన్
ఇరాన్-అమెరికా ఉద్రిక్తతల మధ్య మార్కెట్ అస్థిరత ఉన్నప్పటికీ, ఐసిఐసిఐ ప్రూడెన్షియల్ అగ్రెసివ్ హైబ్రిడ్ ఫండ్ అద్భుతమైన పనితీరును కనబరిచింది. ఈ ఫండ్ ఈక్విటీ, డెట్ స్కీమ్లలో పెట్టుబడులు పెడుతూ, ఫండ్ ఆఫ్ ఫండ్స్ వ్యూహంతో రిస్క్ను తగ్గిస్తుంది. 2003 నుండి 14 శాతం CAGR, SIP పెట్టుబడులపై గణనీయమైన లాభాలు దీర్ఘకాలిక పెట్టుబడిదారులకు స్థిరమైన రాబడులను అందిస్తున్నాయని నిరూపిస్తుంది.
ఇరాన్–అమెరికా ఉద్రిక్తతల నేపథ్యంలో ప్రపంచవ్యాప్తంగా స్టాక్ మార్కెట్లు అల్లకల్లోలంగా మారాయి. ఈ ప్రభావం నుంచి ఇండియన్ స్టాక్ మార్కెట్ కూడా తప్పించుకోలేదు. అయినప్పటికీ ఈ అస్థిర పరిస్థితుల్లో కూడా కొన్ని మ్యూచువల్ ఫండ్లు పెట్టుబడిదారులకు మెరుగైన రాబడులు అందించడం గమనార్హం. అలాంటి ఫండ్లలో ఒకటి ఐసిఐసిఐ ప్రొడెన్షియల్ అగ్రెసివ్ హైబ్రిడ్ యాక్టివ్ ఫండ్ ఆఫ్ ఫండ్స్. మారుతున్న మార్కెట్ పరిస్థితులకు అనుగుణంగా, ఐసిఐసిఐ ప్రొడెన్షియల్ మ్యూచువల్ ఫండ్, తన పాత ICICI ప్రొడెన్షియల్ థీమాటిక్ అడ్వాంటేజ్ ఫండ్ ఆఫ్ ఫండ్స్ను పునర్వ్యవస్థీకరించి ఈ కొత్త ఫండ్గా మార్చింది. సెబీ మార్గదర్శకాల ప్రకారం.. ఈ ఫండ్ ప్రస్తుతం 65–80 శాతం ఈక్విటీల్లో 20–35 శాతం డెట్ స్కీమ్స్లో పెట్టుబడులు పెడుతోంది. దీంతో రిస్క్ను సమతుల్యం చేస్తూనే, మార్కెట్లో ఉన్న అవకాశాలను వినియోగించుకునే అవకాశం కలుగుతోంది.
దీర్ఘకాలిక పనితీరు విషయానికి వస్తే ఈ ఫండ్ మంచి స్థిరత్వాన్ని చూపించింది. 2003లో పెట్టిన రూ.1 లక్ష పెట్టుబడి, 2026 నాటికి సుమారు రూ.20 లక్షలకు పైగా పెరిగింది. ఇది సుమారు 14 శాతం పైగా CAGR రాబడిని సూచిస్తుంది. అదే సమయంలో దీనికి బెంచ్మార్క్ అయిన నిఫ్టీ 200 TRI కంటే కూడా మెరుగైన పనితీరును ఇది నమోదు చేసింది. ముఖ్యంగా SIP పెట్టుబడిదారులకు ఈ ఫండ్ ఒక స్థిరమైన మార్గంగా నిలుస్తోంది. గత 10 సంవత్సరాల్లో నెలకు రూ.1,000 SIP పెట్టుబడి సుమారు రూ.2 లక్షలకు పైగా పెరిగింది, ఇది చక్రవడ్డీ శక్తిని స్పష్టంగా చూపిస్తుంది. కాంపౌండ్ ఇంట్రెస్ట్ ప్రభావం వల్ల చిన్న పెట్టుబడులు కూడా కాలక్రమేణా గణనీయమైన సంపదగా మారుతాయని ఇది నిరూపిస్తోంది.
ఈ ఫండ్ ప్రత్యేకత ఏమిటంటే, ఇది నేరుగా స్టాక్స్ లేదా బాండ్లలో పెట్టుబడి పెట్టకుండా, ఇతర ఈక్విటీ, డెట్ ఫండ్లలో పెట్టుబడి పెట్టే ఫండ్ ఆఫ్ ఫండ్స్ విధానాన్ని అనుసరిస్తుంది. దీంతో టెక్నాలజీ, ఫైనాన్షియల్ సర్వీసెస్, హెల్త్కేర్, వినియోగం, ఎనర్జీ వంటి రంగాల్లో విస్తృతమైన వైవిధ్యీకరణ లభిస్తుంది. అదే సమయంలో డెట్ ఫండ్ల ద్వారా రిస్క్ను తగ్గించే ప్రయత్నం జరుగుతుంది. మొత్తానికి మార్కెట్లో అనిశ్చితి ఉన్నప్పటికీ, సరైన వ్యూహం, వైవిధ్యీకరణతో ఉన్న మ్యూచువల్ ఫండ్లు పెట్టుబడిదారులకు స్థిరమైన రాబడులు అందించగలవని ఈ ఉదాహరణ స్పష్టం చేస్తోంది. దీర్ఘకాలిక దృష్టితో పెట్టుబడి పెట్టే వారికి ఇటువంటి హైబ్రిడ్ ఫండ్లు ఒక మంచి ఎంపికగా నిలవవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి