Life Certificate: మీరు ఈపీఎస్ పింఛనుదారులా? లైఫ్ సర్టిఫికేట్ సబ్మిట్‌పై కీలక ప్రకటన

5 సంవత్సరాలకు ముందు ఉపసంహరణపై, ఉపసంహరణ మొత్తం 50 వేల వరకు ఉన్నప్పటికీ పన్ను మినహాయింపు ఉండదు. ఉపసంహరణ మొత్తం 50 వేల కంటే ఎక్కువ ఉంటే అప్పుడు కాల వ్యవధి ప్రకారం TDS విధించరు. మినహాయింపు ఉంటుంది.

జీవిత ధృవీకరణ పత్రం సమర్పించడానికి కొంత మంది పెన్షనర్లకు గడువు నుండి మినహాయింపు ఇవ్వబడింది. లైఫ్ సర్టిఫికేట్ సమర్పించడానికి నవంబర్ 30 చివరి రోజుగా ఉండగా, ఈపీఎఫ్‌వో ఎంప్లాయీస్ పెన్షన్ స్కీమ్ (ఈపీఎస్‌) 1995 కింద వచ్చే వారికి ఈ గడువు వర్తించదు . ఈపీఎఫ్‌వో అధికారిక ట్విట్టర్ ఖాతాలో ఇచ్చిన సమాచారం ప్రకారం.. పెన్షనర్లు తమకు కావలసినప్పుడు లైఫ్ సర్టిఫికేట్‌ను సమర్పించవచ్చు. ఇది సమర్పించిన తర్వాత ఒక సంవత్సరం పాటు చెల్లుబాటు అవుతుంది.

‘ఈపీఎస్‌ 95’ కింద పెన్షనర్లు ఎప్పుడైనా లైఫ్ సర్టిఫికేట్ సమర్పించవచ్చు. ఇది ఒక సంవత్సరం పాటు చెల్లుబాటవుతుంది అని ఈపీఎఫ్‌వో​ట్వీట్ చేసింది. గతేడాది డిసెంబర్ 31న లైఫ్ సర్టిఫికెట్ సమర్పించినట్లయితే ఈ ఏడాది డిసెంబర్ 31లోపు సమర్పిస్తే సరిపోతుంది. మీరు 31 డిసెంబర్ గడువులోగా ఫైల్ చేయకపోతే 2023 జనవరి 1 నుండి పెన్షన్ నిలిపివేయబడుతుంది.

ఇప్పటి వరకు పింఛనుదారులు నవంబర్‌లో లైఫ్‌ సర్టిఫికెట్‌ సమర్పించాల్సి ఉండేది. ఇది పింఛనుదారులకు పెద్ద సమస్యగా మారనుంది. డిజిటల్ లైఫ్ సర్టిఫికేట్‌ను రూపొందించడానికి ప్రజలు క్యూలలో వేచి ఉండాల్సి వచ్చింది.

డిజిటల్ లైఫ్ సర్టిఫికేట్ ఎక్కడ సమర్పించాలి?

• పెన్షన్ పంపిణీ బ్యాంక్
• కామన్ సర్వీస్ సెంటర్ (సీఎస్‌సీ)
• ఐపీపీబీ/ ఇండియన్ పోస్ట్ ఆఫీస్ / పోస్ట్ మ్యాన్
• ఉమంగ్ యాప్
• సమీప ఈపీఎఫ్‌వో​కార్యాలయం

లైఫ్ సర్టిఫికేట్ సమర్పించడానికి అవసరమైన పత్రాలు ఏమిటి?

• పీపీవో నంబర్‌
• ఆధార్ కార్డు
• బ్యాంక్ ఖాతా వివరాలు
• మొబైల్ ఫోన్ నంబర్ (ఆధార్‌తో లింక్ చేయబడింది)

• ‘ఈపీఎస్‌ 1995’ అనేది ఒక సామాజిక భద్రతా పథకం. ఇందుకోసం నెలకు రూ.15,000 వరకు ఉద్యోగి జీతంలో యజమాని 8.33 శాతం, జీతంలో 1.16 శాతం కేంద్ర ప్రభుత్వం జమ చేస్తుంది. ఈ విధంగా సేకరించిన మొత్తం నుండి పథకం కింద అన్ని రకాల ప్రయోజనాలు అందించబడతాయి. కేంద్ర కార్మిక, ఉపాధి మంత్రిత్వ శాఖ ప్రకారం.. ఏపీఎస్‌ నియమాలు, 1995లోని 32వ పేరాలో పేర్కొన్న విధంగా ఈ పథకం తప్పనిసరి.

మరిన్ని బిజినెస్ వార్తల కోసం ఇక్కడ క్లిక్ చేయండి