E-Shram Card: ఒక్క కార్డుతో లక్షలాది రూపాయల ప్రయోజనం.. ఇప్పుడే రిజిస్ట్రేషన్ చేసుకోండి..
దేశంలోని అసంఘటిత రంగంలో పనిచేస్తున్న కార్మికులకు సామాజికంగా, ఆర్ధికంగా భద్రత కల్పించేందుకు కేంద్రంలోని నరేంద్ర మోడీ ప్రభుత్వం ఇ-శ్రమ్ యోజనను ప్రారంభించింది.
దేశంలోని అసంఘటిత రంగంలో పనిచేస్తున్న కార్మికులకు సామాజికంగా, ఆర్ధికంగా భద్రత కల్పించేందుకు కేంద్రంలోని నరేంద్ర మోడీ ప్రభుత్వం ఇ-శ్రమ్ యోజనను ప్రారంభించింది. ఇ-శ్రమ్ యోజనను 2021 ఆగస్టు 26న ప్రధాని మోడీ ప్రారంభించారు. కార్మిక, ఉపాధి మంత్రిత్వ శాఖకు చెందిన ఇ-శ్రమ్ లో పేరు రిజిస్ట్రేషన్ చేసుకున్న వారికి ఎన్నో ప్రయోజనాలు లభిస్తాయి. ఈ ప్రణాళిక కింద ప్రభుత్వం కార్మికులకు పలు ప్రయోజనాలతోపాటు నగదు సహాయం కూడా అందిస్తుంది. ఈ పథకం కింద కార్మికుల కుటుంబాలకు బీమా పరిహారం అదనంగా అందిస్తారు. లబ్ధిదారుడు తప్పనిసరిగా ఇ-శ్రమ్ యోజన (ఇ-శ్రమ్ పోర్టల్ రిజిస్ట్రేషన్)ని ఉపయోగించే ముందు అధికారిక వెబ్‌సైట్‌లో నమోదు చేసుకోవాల్సి ఉంటుంది. కార్మికులతో పాటు, చిరు వ్యాపారులు, సాధారణ నివాసితులు, యువకులు, తక్కువ ఆదాయ కుటుంబాలకు చెందిన వారు ఈ పథకం కింద రిజిస్ట్రేషన్ చేసుకోని లబ్ధి పొందవచ్చు.
E- S hram కార్డ్ అర్హత ప్రమాణాలు..
16 నుంచి 59 సంవత్సరాల వయస్సు గల వారు ఇ-శ్రమ్ పథకం కింద నమోదు చేసుకోవచ్చు. ఆన్‌లైన్ రిజిస్ట్రేషన్ తర్వాత నమోదు చేసుకున్న వారికి 12 అంకెల ప్రత్యేక నంబర్ (UAN) లభిస్తుంది. ఇ-శ్రమ్ పోర్టల్‌లో నమోదు చేసిన తర్వాత ప్రతి అసంఘటిత కార్మికుడికి అందించిన 12-అంకెల శాశ్వత ప్రత్యేక సంఖ్యను పరిగణలోకి తీసుకుని ప్రయోజనాన్ని అందిస్తారు.
రిజిస్ట్రేషన్ కోసం అవసరమైన పత్రాలు..
- ఆధార్‌తో లింక్ చేసిన మొబైల్ నంబర్
- సేవింగ్స్ బ్యాంక్ ఖాతా వివరాలు
- విద్యా ప్రమాణపత్రం
- ఆక్యుపేషనల్ సర్టిఫికేట్
- ఆదాయ ధృవీకరణ పత్రం
- పాస్‌పోర్ట్ సైజు ఫొటో
E-Shram కార్డ్ కోసం ఆన్‌లైన్ రిజిస్ట్రేషన్ ప్రక్రియ..
- E-Shram పోర్టల్ (eshram.gov.in) అధికారిక వెబ్‌సైట్‌ను సందర్శించి, ‘ఇ-శ్రమ్‌లో రిజిస్ట్రేషన్ చేసుకోండి’పై క్లిక్ చేయండి.
- మొబైల్ నంబర్‌ను నమోదు చేయండి.
- మీరు EPFO/ESICలో సభ్యులా కాదా అని ఎంచుకోండి (అవును/కాదు)
- ‘గెట్ OTP’పై క్లిక్ చేయండి.
- OTPని నమోదు చేసిన తర్వాత, E-Shram కోసం రిజిస్ట్రేషన్ ఫారమ్ ఓపెన్ అవుతుంది.
- మీ ఆధార్ కార్డ్ నంబర్‌ను నమోదు చేయండి, నిబంధనలు, షరతులతో ఏకీభవించడానికి బాక్స్‌పై క్లిక్ చేసి కొనసాగండి..
- మీ మొబైల్ నంబర్‌కు పంపిన OTPని నమోదు చేసి, OTPని ధృవీకరించడానికి దానిపై క్లిక్ చేయండి.
- ముందుగా నింపిన ఫారమ్ స్క్రీన్‌పై కనిపిస్తుంది. మీ వివరాలను ధృవీకరించండి. మళ్లీ కొనసాగించడానికి క్లిక్ చేయండి.
- రిజిస్ట్రేషన్ ఫారమ్ ప్రివ్యూ/స్వీయ-డిక్లరేషన్ కనిపిస్తుంది.
- మొత్తం సమాచారం సరిగ్గా ఉంటే అన్ని వివరాలను ధృవీకరించండి. కొనసాగడానికి డిక్లరేషన్ బాక్స్‌పై ఎంటర్ చేయండి
- మీ మొబైల్ నంబర్‌కు పంపిన OTPని నమోదు చేసి, ధృవీకరించడానికి దానిపై క్లిక్ చేయండి.
- మీ రిజిస్ట్రేషన్ పూర్తయినట్లు కనిపిస్తుంది
- UAN కార్డ్ మీ స్క్రీన్‌పై జనరేట్ అవుతుంది.
- UAN కార్డ్‌ని డౌన్‌లోడ్ చేసుకోండి.
ఇ-శ్రమ్ కార్డ్ ప్రయోజనాలు
- ఇ-శ్రమ్ కార్మిక, ఉపాధి మంత్రిత్వ శాఖ, ఇతర మంత్రిత్వ శాఖల ఆధ్వర్యంలోని పలు పథకాల కింద ప్రయోజనం చేకూరుస్తుంది.
- E-Shram కార్డ్ కలిగి ఉన్న వ్యక్తి ప్రధాన మంత్రి సురక్షా బీమా యోజన కింద 2 లక్షల ప్రమాద బీమాకు అర్హులు.
- ఇ-శ్రమ్ పోర్టల్ అసంఘటిత రంగాలలో పనిచేస్తున్న వ్యక్తులకు కేంద్ర పథకాలు లభించేలా చేస్తుంది.
- ఈ పథకం కింద ఇచ్చిన అన్ని సామాజిక భద్రతా ప్రయోజనాలు ఈ పోర్టల్ ద్వారా అసంఘటిత కార్మికులకు నేరుగా అందుతాయి.
మరిన్ని బిజినెస్ వార్తల కోసం..