Two Wheelers: ఈ ఏడాది బైక్‌ల విక్రయాలకు పెద్ద ఎదురుదెబ్బ.. కారణాలు ఇలా ఉన్నాయి..?
Two Wheelers: ప్రస్తుత ఆర్థిక సంవత్సరంలో దేశీయ ద్విచక్ర వాహనాల విక్రయాలు చాలా పడిపోయాయి. వార్షిక ప్రాతిపదికన 1-4 శాతం తగ్గవచ్చని క్రెడిట్ రేటింగ్ ఏజెన్సీ ICRA తెలిపింది.
Two Wheelers: ప్రస్తుత ఆర్థిక సంవత్సరంలో దేశీయ ద్విచక్ర వాహనాల విక్రయాలు చాలా పడిపోయాయి. వార్షిక ప్రాతిపదికన 1-4 శాతం తగ్గవచ్చని క్రెడిట్ రేటింగ్ ఏజెన్సీ ICRA తెలిపింది. ద్విచక్ర వాహనాల ధరలు నిరంతరం పెరగడం, పెట్రోలు ఖరీదైనవి కావడంతో బైక్‌ల కొనుగోలు తగ్గిందని రేటింగ్ ఏజెన్సీ తెలిపింది. కరోనా వల్ల పేలవమైన పనితీరు, తక్కువ ఆదాయం వల్ల ఈ సంవత్సరం పండుగ సీజన్‌లో కూడా కంపెనీలకు నిరాశే ఎదరైందని తెలిపింది. 2021-22 ఆర్థిక సంవత్సరం ఏప్రిల్-అక్టోబర్ కాలంలో దేశీయ ద్విచక్ర వాహన విక్రయాలు 80.5 లక్షల యూనిట్లుగా ఉన్నాయి. గత ఏడాది కూడా ఇంతే. రుణ చెల్లింపులో డిఫాల్ట్ అయినందున ఫైనాన్షియర్లు జాగ్రత్తగా ఉంటారని రేటింగ్ ఏజెన్సీ తెలిపింది.
1. ప్రీమియం సెగ్మెంట్ బైక్‌లపై తక్కువ ప్రభావం
ద్విచక్ర వాహనాల్లో ప్రీమియం బైక్‌ల డిమాండ్ మెరుగ్గా ఉంది. ద్విచక్ర వాహన మార్కెట్లో దీని మార్కెట్ వాటా దాదాపు 15 శాతానికి చేరువలో ఉంది.
2. ఎంట్రీ లెవల్ బైక్‌లలో అత్యధిక మార్కెట్ వాటా
ఎంట్రీ సెగ్మెంట్ బైక్ (75-110cc) భారతదేశంలోని ద్విచక్ర వాహన మార్కెట్‌కు అతిపెద్ద సహకారాన్ని అందిస్తోంది. ఈ సెగ్మెంట్‌పై కూడా సెకండ్‌ వేవ్‌ కరోనా ప్రభావం చూపింది. ఉద్యోగం కోల్పోవడం, ఆదాయం కోల్పోవడం, జీతంలో కోత, పెంపుదల లేకపోవడం, వైద్య ఖర్చులు పెరగడం, బైక్‌ల ధరల పెరుగుదల కారణంగా దీని అమ్మకాలు బాగా దెబ్బతిన్నాయి.
3. పండుగ సీజన్‌లో విక్రయాలు18 శాతం క్షీణించాయి
ఆటోమొబైల్ రంగం అమ్మకాల పరంగా ఈ సంవత్సరం పండుగ సీజన్‌లో అత్యంత దారుణంగా ఉంది. వాహన డీలర్ల సంస్థ ఫెడరేషన్‌ ఆఫ్‌ ఆటోమొబైల్ డీలర్స్‌ అసోసియేషన్‌ (ఎఫ్‌ఎడిఎ) ఈ విషయాన్ని చెబుతోంది. నవరాత్రి నుంచి దీపావళి వరకు 42 రోజుల పండుగ కాలంలో అమ్మకాలు దారుణంగా ఉన్నాయి. కార్ల కొరత, ద్విచక్ర వాహనాలకు డిమాండ్ తగ్గడం దీనికి కారణాలు. 42 రోజుల వ్యవధిలో విక్రయాలు18 శాతం క్షీణించాయి. 2019తో పోలిస్తే 21 శాతం క్షీణత నమోదైంది.