Dell Laptops: డెల్ నుంచి కొత్తగా ల్యాప్‌టాప్‌ల విడుదల.. అదిరిపోయే ఫీచర్స్‌.. బడ్జెట్ ధరల్లోనే అందుబాటులో
Dell Laptops: ప్రముఖ ఎలక్ట్రానిక్ బ్రాండ్ డెల్తన ఇన్స్పిరాన్ల్యాప్‌టాప్‌లను రీడిజైన్‌ చేసి భారత మార్కెట్లో విడుదల చేసింది. ఇన్స్పిరాన్ 14 (2 ఇన్ 1), ఇన్స్పిరాన్ 13, ఇన్స్పిరాన్ 14..
Dell Laptops: ప్రముఖ ఎలక్ట్రానిక్ బ్రాండ్ డెల్తన ఇన్స్పిరాన్ల్యాప్‌టాప్‌లను రీడిజైన్‌ చేసి భారత మార్కెట్లో విడుదల చేసింది. ఇన్స్పిరాన్ 14 (2 ఇన్ 1), ఇన్స్పిరాన్ 13, ఇన్స్పిరాన్ 14 ల్యాప్‌టాప్‌లో అద్భుతమైన కొత్త ఫీచర్లను పొందుపర్చి బడ్జెట్ ధరలోనే విడుదల చేసింది. వీటిలో ఇంటెల్, AMD కాన్ఫిగరేషన్ అందించింది. ఇవి ఫాస్ట్ ఛార్జ్ సపోర్ట్‌తో కూడిన 54Whr బ్యాటరీతో పనిచేస్తాయి. ఇప్పటికే మార్కెట్లో విడుదలైన ఈ ల్యాప్టాప్స్ను డెల్ అధికారిక వెబ్‌సైట్, అమెజాన్, రిటైల్ అవుట్‌లెట్స్, డెల్ స్టోర్స్‌ నుంచి కొనుగోలు చేయవచ్చు.
డెల్ ఇన్స్పిరాన్ 14 (2 -ఇన్ 1) ఫీచర్స్‌
కొత్త డెల్ ఇన్స్పిరాన్ 14 (2 -ఇన్ 1) 14- అంగుళాల ఫుల్ హెచ్‌డీ రిజల్యూషన్ టచ్ డిస్‌ప్లేతో అందుబాటులోకి వచ్చింది. దీనిని కేవలం ల్యాప్‌టాప్‌గానే కాకుండా టాబ్లెట్గానూ ఉపయోగించుకోవచ్చు. ఇది 11th జనరేషన్ ఇంటెల్ కోర్ ఐ 7 ప్రాసెసర్తో పనిచేస్తుంది. దీనిలో ఎన్విడియా జిఫోర్స్ MX350 GPU గ్రాఫిక్ కార్డు అందించింది. AMD వేరియంట్ విషయానికి వస్తే.. దీనిలో ఇన్బిల్ట్ రేడియన్ గ్రాఫిక్స్తో కూడిన రైజెన్ 7 5700U CPU ప్రాసెసర్ను చేర్చింది. అంతేకాకుండా ఇందులో 16GB ర్యామ్, 512GB SSD స్టోరేజ్ అందించింది. ఇందులో రెండు యుఎస్బి 3.2 జెన్ 1 టైప్-ఎ పోర్ట్స్, యుఎస్బి 3.2 జెన్ 1 టైప్-సి పోర్ట్, ఒక హెచ్డిఎంఐ పోర్ట్, 3.5 ఎంఎం హెడ్ఫోన్ జాక్ వంటివి చేర్చింది. ఇంటెల్ కాన్ఫిగరేషన్ గల డెల్ ఇన్స్పిరాన్ 14 (2 -ఇన్ 1) మోడల్ ధర రూ. 57,990 నుండి ప్రారంభమవుతుంది. ఇక, AMD కాన్ఫిగరేషన్ బేస్ వేరియంట్ ధర రూ .65,990 నుంచి ప్రారంభమవుతుంది.
డెల్ ఇన్స్పిరాన్ 13
డెల్ ఇన్స్పిరాన్ 13 అన్ని మోడల్స్ కన్నా చిన్న సైజులో ఉంటుంది. దీనిలో 13.3 -అంగుళాల QHD + (2560×1600 పిక్సెల్స్) డిస్‌ప్లేని అందించింది. ఇది 11th జనరేషన్ ఇంటెల్ కోర్ i7-11370H సిపియు ప్రాసెసర్తో పనిచేస్తుంది. ఇది ఎన్విడియా జిఫోర్స్ MX450 GPU గ్రాఫిక్ కార్డ్తో వస్తుంది. ఈ కొత్త డెల్ ల్యాప్‌టాప్ 16GB RAM, 512GB NVMe SSD స్టోరేజ్తో వస్తుంది. కనెక్టివిటీ ఫీచర్లను పరిశీలిస్తే.. యుఎస్బి టైప్-ఎ 3.2 జెన్ 1 పోర్ట్, రెండు థండర్‌బోల్ట్ 4 పోర్ట్‌లు, హెచ్డిఎంఐ పోర్ట్, 3.5 ఎంఎం హెడ్ఫోన్ జాక్ వంటివి అందించింది. ఇది రూ. 68,990 ధర వద్ద లభిస్తుంది.
డెల్ ఇన్స్పిరోన్ 14
డెల్ ఇన్స్పిరాన్ 14 కొత్త మోడల్ 14 -అంగుళాల పూర్తి-హెచ్‌డి డిస్‌ప్లేతో వస్తుంది. దీనిలో 11th జనరేషన్ ఇంటెల్ కోర్ ఐ 7 ప్రాసెసర్ను అందించింది. అంతేకాక, ఎన్విడియా జిఫోర్స్ MX450 GPU గ్రాఫిక్ కార్డ్, 16GB ర్యామ్, 1TB SSD స్టోరేజ్ వంటివి చేర్చింది. కనెక్టివిటీ ఫీచర్ల విషయానికి వస్తే.. థండర్ బోల్ట్ 4 పోర్ట్, యుఎస్బి టైప్-సి 3.2 జెన్ 2 పోర్ట్, రెండు యుఎస్బి టైప్-ఎ 3.2 జెన్ 1 పోర్ట్స్, ఒక హెచ్డిఎంఐ పోర్ట్, ఒక ఎస్డి కార్డ్ రీడర్, హెడ్ఫోన్, మైక్రోఫోన్ కోసం కాంబో జాక్ వంటివి అందించింది. ఇది రూ .44,990 ధర వద్ద లభిస్తుంది.