Credit Card New Rules: ఏప్రిల్ 1 నుండి మారనున్న క్రెడిట్ కార్డ్ నియమాలు.. ఇక జాగ్రత్త ఉండాల్సిందే!
Credit Card New Rules: డిజిటల్ లావాదేవీలను ప్రోత్సహించడానికి క్రెడిట్ కార్డులు, డెబిట్ కార్డులు, నెట్ బ్యాంకింగ్ ఇప్పుడు పన్ను చెల్లింపుకు అధికారిక మార్గాలుగా గుర్తించారు. అదనంగా ఒక కంపెనీ తన ఉద్యోగికి అధికారిక ఉపయోగం కోసం కార్డును జారీ చేస్తే, ఉద్యోగి దానిని..
Credit Card New Rules: కేంద్ర ప్రభుత్వం ప్రవేశపెట్టిన ‘ఆదాయపు పన్ను చట్టం ‘ ముసాయిదా ప్రకారం, ఏప్రిల్ 1, 2026 నుండి క్రెడిట్ కార్డుల వినియోగం, వాటి పన్ను రిపోర్టింగ్కు సంబంధించిన నియమాలలో ముఖ్యమైన మార్పులు ఉండబోతున్నాయి. దేశంలో లక్షలాది మంది ప్రజలు రోజువారీ లావాదేవీలు, ఆన్లైన్ షాపింగ్ కోసం క్రెడిట్ కార్డులను ఉపయోగిస్తుండగా, పారదర్శకతను పెంచడానికి, అధిక-విలువ లావాదేవీలను పర్యవేక్షించడానికి ఆదాయపు పన్ను శాఖ కొత్త మార్గదర్శకాలను సిద్ధం చేసింది. ఈ మార్పులు కార్డుదారుల ఆర్థిక లావాదేవీలు, ఆదాయపు పన్ను రిటర్న్ (ITR) దాఖలుపై ప్రత్యక్ష ప్రభావాన్ని చూపుతాయి.
అధిక విలువ లావాదేవీలు, రిపోర్టింగ్ పరిమితులు:
పెద్ద క్రెడిట్ కార్డ్ లావాదేవీలను ఆదాయపు పన్ను శాఖ ఇప్పుడు నిశితంగా పరిశీలిస్తుంది. కొత్త నిబంధనల ప్రకారం..
నగదు చెల్లింపు: మీరు ఒక ఆర్థిక సంవత్సరంలో మీ క్రెడిట్ కార్డ్ బిల్లులను చెల్లించడానికి మొత్తం రూ.1 లక్ష లేదా అంతకంటే ఎక్కువ నగదు చెల్లింపును ఉపయోగిస్తే బ్యాంక్ లేదా కార్డ్ జారీ చేసే సంస్థ దానిని ఆదాయపు పన్ను శాఖకు నివేదిస్తుంది.
డిజిటల్ చెల్లింపు: ఏదైనా నగదు రహిత విధానం (డిజిటల్ చెల్లింపు) ద్వారా బిల్లు చెల్లింపు రూ.10 లక్షలు లేదా అంతకంటే ఎక్కువ అయినప్పటికీ, దాని సమాచారం నిర్దిష్ట ఆర్థిక లావాదేవీ (SFT) కింద నమోదు చేయబడుతుంది. ఈ లావాదేవీ మీ AIS (వార్షిక సమాచార ప్రకటన)లో కనిపిస్తుంది. ఇది పన్ను ఎగవేతను తనిఖీ చేయడంలో సహాయపడుతుంది.
తప్పనిసరి పాన్ కార్డ్, చిరునామా రుజువు: కొత్త ముసాయిదా నిబంధనల ప్రకారం, ఇప్పుడు క్రెడిట్ కార్డు కోసం దరఖాస్తు చేసుకునేటప్పుడు పాన్ కార్డు తప్పనిసరి అవుతుంది. పాన్ కార్డు లేకుండా, ఏ బ్యాంకు కూడా కొత్త క్రెడిట్ కార్డును జారీ చేయదు. అంతేకాకుండా మీరు కొత్త పాన్ కార్డు కోసం దరఖాస్తు చేసుకుంటే మీరు క్రెడిట్ కార్డ్ స్టేట్మెంట్ను చిరునామా రుజువుగా ఉపయోగించవచ్చు. అయితే ఈ స్టేట్మెంట్ 3 నెలల కంటే పాతదిగా ఉండకూడదనేది షరతు. ఈ నియమం కేవైసీ ప్రక్రియను మరింత ఖచ్చితమైనదిగా, సులభతరం చేస్తుంది.
డిజిటల్ పన్ను చెల్లింపు, ఖర్చు నియమాలు: డిజిటల్ లావాదేవీలను ప్రోత్సహించడానికి క్రెడిట్ కార్డులు, డెబిట్ కార్డులు, నెట్ బ్యాంకింగ్ ఇప్పుడు పన్ను చెల్లింపుకు అధికారిక మార్గాలుగా గుర్తించారు. అదనంగా ఒక కంపెనీ తన ఉద్యోగికి అధికారిక ఉపయోగం కోసం కార్డును జారీ చేస్తే, ఉద్యోగి దానిని వ్యక్తిగత ఖర్చుల కోసం ఉపయోగిస్తే, కంపెనీ దానిని తిరిగి చెల్లిస్తే అది ‘పర్క్విజిట్’ అంటే పన్ను విధించదగిన ప్రయోజనంగా పరిగణిస్తారు. 1 ఏప్రిల్ 2026 నుండి అమలులోకి వచ్చే ఈ మార్పులు ఆర్థిక పారదర్శకతను పెంచుతాయి. అలాగే ఆన్లైన్ పన్ను దాఖలు ప్రక్రియను వేగవంతం చేస్తాయి.
Lifestyle: మీ ఇంటి డోర్ లాక్ చేశారా? స్టౌవ్ ఆఫ్ చేశారా? వీటిని పదేపదే చెక్ చేస్తున్నారా? ఈ వ్యాధి లక్షణం కావచ్చు!
Indian Railways: రైలులోని లగేజీ కంపార్ట్మెంట్లో ఎక్కితే జరిమానా ఎంత? నియమాలు ఏంటి?
మరిన్ని బిజినెస్ వార్తల కోసం ఇక్కడ క్లిక్ చేయండి