Business: సెకెండ్ హ్యాండ్ బైక్ కొనాలనుకుంటున్నారా? ఈ 5 స్కూటర్లు రూ. 25 వేలలో.!

Bike

ఇప్పుడు ప్రతీ ఒక్కరూ వాహనాలు వాడుతున్నారు. డిస్టెన్స్ ఎంతైనా కూడా ప్రభుత్వ వాహనాల బదులు.. సొంత వెహికిల్స్ మీద వెళ్లేందుకే చాలామంది మొగ్గు చూపుతున్నారు. ఈ తరుణంలోనే యాక్టివా, జ్యుపిటర్ లాంటి వాహనాలకు క్రేజ్ ఎక్కువైంది. వాటి సేల్స్ కూడా పెరిగాయి. అయితే వాటిని ఫస్ట్ హ్యాండ్‌లో కొనాలంటే.. తడిసి మోపెడవుతుంది. ఎందుకంటే యాక్టివా ధర సుమారు రూ. 60-75 వేల రేంజ్‌లో ఉంది. అందుకే ఇప్పుడు మనం రూ. 25 వేల లోపు పొందగలిగే స్కూటర్ల గురించి ఓసారి చూద్దాం.. ఈ జాబితాలో హోండా యాక్టివా నుంచి యమహా వరకు స్కూటర్లు ఉన్నాయి. ఈ స్కూటర్లన్నీ సెకండ్ హ్యాండ్ కేటగిరీకి చెందినవి.. వివిధ వెబ్‌సైట్‌లలో కొనుగోలుకు అందుబాటులో ఉన్న ఈ స్కూటర్ల ఫీచర్ల గురించి ఇప్పుడు తెలుసుకుందాం.

• హోండా యాక్టివా, ధర రూ. 25 వేలు: ఈ హోండా యాక్టివా వాహనం 110 సీసీ ఇంజిన్ కలిగి ఉంది. ఇది ప్రస్తుతం డ్రూమ్ వెబ్‌సైట్‌లో కొనుగోలుకు అందుబాటులో ఉంది. వెబ్‌సైట్‌లో ఇచ్చిన సమాచారం ప్రకారం, ఇది 2013 సంవత్సరం మోడల్. ఇప్పటివరకు ఇది 17951 కి.మీ తిరిగింది.

• మహీంద్రా డ్యూరో డీజెడ్, ధర రూ. 23 వేలు: మహీంద్రా నుంచి వచ్చిన ఈ స్కూటర్ OLXలో కొనుగోలుకు సిద్దంగా ఉంది. ఘజియాబాద్ RTOలో నమోదు చేయబడిన ఈ స్కూటర్ 2013 మోడల్. ఇప్పటి వరకు 24 వేల కిలోమీటర్లు నడిచింది.

• యమహా ఫాసినో డార్క్‌నైట్ ఎడిషన్, ధర: రూ. 25 వేలు: ఈ యమహా స్కూటర్ ‘బైక్ దేఖో’ వెబ్‌సైట్‌లో అందుబాటులో ఉంది. ఇది 2015 మోడల్. ఇప్పటివరకు 13 వేల కిలోమీటర్లు నడిచింది.

• పియాజియో వెస్పా 125CC: ఈ స్కూటర్ డ్రూమ్ వెబ్‌సైట్‌ ద్వారా అందుబాటులో ఉంది. ప్రస్తుతం 32 వేల కిలోమీటర్లు నడిచిన ఈ స్కూటర్ 125 సీసీ ఇంజిన్ కలిగి ఉంది.

• టీవీఎస్ జూపిటర్ ఎస్టీడీ: ఈ స్కూటర్ ‘బైక్ దేఖో’ వెబ్‌సైట్‌లో అందుబాటులో ఉంది. ఈ సెకండ్ హ్యాండ్ స్కూటర్‌కు రూ. 30 వేల ధర ఫిక్స్ చేశారు.

గమనిక: పైన పేర్కొన్న అంశాలు సంబంధిత వెబ్‌సైట్‌లలో పొందుపరిచిన విషయాల ఆధారంగా తీసుకోబడినవి. ఏదైనా సెకెండ్ హ్యాండ్ స్కూటర్ లేదా బైక్ కొనుగోలు చేసేటప్పుడు.. అన్ని వివరాలు చెక్ చేయడమే కాకుండా.. బైక్ కండీషన్ కూడా చూసుకోండి.

మరిన్ని బిజినెస్ న్యూస్ కోసం..