Business Idea: తక్కువ పెట్టుబడితో మంచి లాభాలు.. పోస్టాఫీస్‌ ఫ్రాంచైజ్‌తో..

Post Office

ప్రస్తుతం బిజినెస్‌ చేయాలనుకునే వారి సంఖ్య పెరుగుతోంది. అయితే వ్యాపారం చేయాలంటే భారీ పెట్టుబడి, నష్టం ఉంటుందేమోన్న భయంతో వెనుకడుగు వేస్తుంటారు. కానీ తక్కువ పెట్టుబడితో రిస్క్‌ లేని వ్యాపారాలు సైతం అందుబాటులో ఉన్నాయని మీకు తెలుసా.? అలాంటి వాటిలో ఒక బెస్ట్ బిజినెస్‌ ప్లాన్‌ గురించి ఇప్పుడు తెలుసుకుందాం.

పోస్టాఫీస్‌ గురించి ప్రత్యేకంగా పరిచయం చేయాల్సిన పనిలేదు. దేశంలో దాదాపు అన్ని చోట్ల పోస్టాఫీస్ కేంద్రాలు అందుబాటులో ఉన్నాయి. మొదట్లో కేవలం ఉత్తరాల బట్వాడా మాత్రమే చేసిన పోస్టాఫీస్‌, ప్రస్తుతం బ్యాంకులకు సమాంతరంగా సేవలు అందిస్తున్నాయి. కేవలం బ్యాంకింగ్ సేవలకే కాకుండా పలు ఇన్వెస్ట్‌మెంట్ స్కీమ్స్‌ను సైతం అందుబాటులోకి తీసుకొచ్చిన పోస్టాఫీస్‌ కోట్లాది మంది కస్టమర్లను ఆకర్షిస్తోంది. మరి ఇదే పోస్టాఫీస్‌ మీకు మంచి వ్యాపార అవకాశాన్ని అందిస్తోంది. పోస్టాఫీస్‌ ఫ్రాంచైజీ ఏర్పాటు చేసుకోవడం ద్వారా మంచి ఆదాయాన్ని ఆర్జించవచ్చు. ఇందకీ పోస్టాఫీస్‌ ఫ్రాంచైజీని ఎలా మొదలు పెట్టాలి.? ఎంత ఖర్చవుతుంది.? లాంటి పూర్తి వివరాలు ఇప్పుడు తెలుసుకుందాం..

పోస్టాఫీసు ఫ్రాంచైజీలలో కమీషన్ల ద్వారా సంపాదన. మీ ప్రాంతంలో మీరు అందించే పోస్టాఫీసు సేవలు ఏవైనా. దానిపై పోస్టాఫీసు కమీషన్ చెల్లిస్తుంది. దీని రేట్లు పోస్టాఫీసుతో చేసుకున్న ఎంఓయూలో నిర్ణయిస్తారు. పోస్టాఫీసు ఫ్రాంచైజీలో రెండు రకాలు ఉన్నాయి. మొదటి అవుట్‌లెట్ ఫ్రాంచైజ్ రెండోది ఫ్రాంచైజ్ పోస్టల్ ఏజెంట్లు. మీరు మీ సౌలభ్యం ప్రకారం ఏదైనా ఫ్రాంచైజ్ ప్లాన్‌ని ఎంచుకోవచ్చు.

ఫ్రాంచైజీ కోసం దరఖాస్తు చేసుకునే వారు 18 ఏళ్లు నిండి ఉండాలి. తపాలా శాఖలో అంతకుముందు పనిచేస్తున్న వ్యక్తి కుంటుంబ సభ్యులకు ఈ అవకాశం ఉంటుంది. ప్రభుత్వ గుర్తింపు పొందిన పాఠశాల నుంచి 8వ తరగతి ఉత్తీర్ణులై ఉండాలి. ఫ్రాంచైజీని ఓపెన్‌ చేసిన తర్వాత, మీరు తపాలా స్టాంప్, స్పీడ్ పోస్ట్, మనీ ఆర్డర్ మొదలైన అనేక రకాల సేవలను అందించడం ద్వారా సంపాదించవచ్చు. పోస్టల్ పోస్ట్‌ను బుకింగ్ చేస్తే రూ. 3, స్పీడ్ పోస్ట్‌పై రూ. 5, తపాలా స్టాంపులు, స్టేషనరీ విక్రయంపై 5 శాతం కమీషన్ లభిస్తుంది.

పోస్ట్ ఆఫీస్ ఫ్రాంచైజీ కోసం, మీరు పోస్ట్ ఆఫీస్ అధికారిక వెబ్‌సైట్‌ని సందర్శించాలి లేదా నేరుగా ఈ లింక్‌పై క్లిక్ చేసి వివరాలు తెలుసుకోండి. వెబ్‌సైట్ నుంచి ఫామ్‌ను డౌన్‌లోడ్‌ చేసకొని ఫ్రాంచైజీకి అప్లే చేసుకోవాలి. దీని తరువాత, పోస్ట్ డిపార్ట్‌మెంట్ AMU చేస్తుంది. దీంతో మీరు పోస్టాఫీస్‌ ఫ్రాంజైజీని ఓపెన్‌ చేసుకోవచ్చు. కమీషన్‌ విషయానికొస్తే.. రిజిస్టర్డ్ ఆర్టికల్స్ బుకింగ్ పై 3 రూపాయలు, స్పీడ్ పోస్ట్ పై 5 రూపాయలు, మనీ ఆర్డర్‌ పై రూ. 3.50, తపాలా స్టాంపులు, పోస్టల్ స్టేషనరీ వంటి వాటిపై 5శాతం లాభం పొందొచ్చు.

మరిన్ని బిజినెస్ వార్తల కోసం క్లిక్ చేయండి..