Business Idea: రూ. 20 వేల పెట్టుబడితో.. రోజుకు రూ. వెయ్యి సంపాదించొచ్చు.

Business Idea

సింగిల్‌ ఆదాయం సరిపోని రోజులివీ. రోజురోజుకీ ఖర్చులు పెరిగిపోతుండడంతో చాలా మంది సైడ్‌ ఇన్‌కమ్‌ కోసం చూస్తున్నారు. అయితే పార్ట్‌ టైమ్‌ జాబ్‌లు చేయాలన్నా అందుకోసం కొంత సమయం కేటాయించాల్సి ఉంటుంది. అందులోనూ లీవ్స్‌ దొరకవు. రెండు ఉద్యోగాలను ఒకేసారి హ్యాండిల్‌ చేయడం కూడా ఇబ్బందిగా ఉంటుంది.

మరి ఇంట్లోనే ఉంటూ మీకు నచ్చిన సమయంలో చిన్న చిన్న వ్యాపారాలు చేసుకుంటూ భారీ లాభాలు ఆర్జించే అవకాశం ఉంటే భలే ఉంటుంది కదూ! ఎవరి సహాయం అవసరం లేకుండా ఎంచక్కా ఒక్కరే రన్ చేసుకునే బిజినెస్‌లు చాలా ఉన్నాయి. అలాంటి వాటిలో ఒకటి బాల్‌ పెన్‌ తయారీ. అసలు నష్టం అనేది లేకుండా సీజన్‌తో సంబంధం లేకుండా పెన్స్  అసవరం పడుతుంది. కాబట్టి ఇలాంటి బిజినెస్‌ను మీ సైడ్‌ ఇన్‌కమ్‌గా మార్చుకుంటే వేలలో ఆర్జించవచ్చు. ఇంతకీ బాల్‌ పెన్‌ మేకింగ్ వ్యాపారాన్ని ప్రారంభించాలంటే ఎంత ఖర్చు అవుతుంది.? లాభాలు ఎలా ఉంటాయి.? లాంటి పూర్తి వివరాలు ఇప్పుడు తెలుసుకుందాం..

బాల్ పెన్‌ తయారీకి మొత్తం ఐదు రకాల మిషన్స్‌ అవసరపడతాయి. అయితే వీటన్నింటి ధర కేవలం రూ. 20వేల లోపు మాత్రమే ఉంటుంది. బాల్‌ పెన్‌ తయారీకి ఇంక్‌ ఫిల్లర్‌, ఆడప్టర్‌ ఫిట్టింగ్ మిషిన్‌, టిఫ్‌ ఫిట్టింగ్‌, నేమ్‌ ప్రింటింగ్‌ మిషన్, సెంట్రి ఫ్యూజ్‌ మిషన్స్‌ అవసరపడతాయి. యూజ్‌ అండ్ త్రో బాల్‌ పెన్స్‌ను తయారు చేయడానికి పెన్స్‌ (బ్యారెల్‌), క్యాప్స్‌, నిబ్స్‌, ఆడపర్లు అవసరపడతాయి. ఈ రా మెటీరియల్‌ను బాల్‌ పెన్‌ తయారీ మిషిన్స్‌ను అమ్మే చోట్ల లభిస్తాయి. పెన్నులను ఎలా తయారు చేయాలన్న విషయాన్ని కూడా వారు నేర్పిస్తారు.

ఇక లాభాల విషయానికొస్తే ఒక బాల్‌ పెన్నును తయారు చేయడానికి మనకు సుమారు రూ. 1.50 అవుతాయి. మార్కెట్లో ఈ పెన్నులను రూ. 3 నుంచి రూ. 4 వరకు విక్రయిస్తున్నారు. హోల్‌ సేల్‌గా ఒక్క పెన్‌పై కేవలం 75 పైసల లాభానికి విక్రయించొచ్చు. రోజుకు సులభంగా వెయ్యి పెన్నులను తయారు చేసుకోవచ్చు. ఈ లెక్కన రోజుకు సుమారు రూ. 750 సంపాదించవచ్చు. ఇలా నెలకు కనీసం రూ. 20 వేలు ఏటు పోవు. అందులోనూ ఈ బాల్‌ పెన్‌ తయారీకి రూమ్‌ రెంట్ అవసరం ఉండదు, కరెంట్‌ అవసరం ఉండదు. ప్రతీసారి రా మెటీరియల్ కొనుగోలు చేసుకుంటే సరిపోతుంది.

మరిన్ని బిజినెస్ వార్తల కోసం క్లిక్ చేయండి..