Hallmarking: ఇప్పుడు ఈ 18 రాష్ట్రాల్లో హాల్‌మార్క్‌ లేని ఆభరణాలు విక్రయించలేరు.. నిబంధనలు అమలు!

హాల్‌మార్కింగ్ లేని బంగారు ఆభరణాలను ఇప్పటికీ దేశంలో చాలా చోట్ల విక్రయిస్తున్నారు. దీనికి సంబంధించి వివిధ రాష్ట్రాల్లోని మరో 18 జిల్లాల్లో హాల్‌మార్కింగ్ లేకుండా బంగారు ఆభరణాలను విక్రయించబోమని ప్రభుత్వం గురువారం ప్రకటించింది. జూన్ 23, 2021 నుండి హాల్‌మార్కింగ్ నియమం అమల్లోకి వచ్చినప్పటి నుండి ఇప్పటివరకు దాదాపు 40 కోట్ల బంగారు ఆభరణాలు హాల్‌మార్క్ చేశారు. దేశంలోని వివిధ ప్రాంతాల్లో ప్రభుత్వం దీన్ని వివిధ దశల్లో అమలు చేస్తోంది.

ఈ రాష్ట్రాల్లో ..

దేశంలోని వివిధ ప్రాంతాల్లో కల్తీ బంగారు ఆభరణాల నుండి ప్రజలను రక్షించడానికి భారత ప్రభుత్వం ఇప్పుడు హాల్‌మార్కింగ్ ఆభరణాల నియమాన్ని అమలు చేస్తోంది. అయితే, ఈ నియమం దేశంలో జూన్ 23, 2021న మాత్రమే అమల్లోకి వచ్చింది. కానీ, వివిధ జిల్లాల్లో దశలవారీగా అమలు చేస్తున్నారు. 11 రాష్ట్రాలైన ఆంధ్రప్రదేశ్, బీహార్, హర్యానా, హిమాచల్ ప్రదేశ్, కేరళ, ఒడిశా, పుదుచ్చేరి, రాజస్థాన్, తమిళనాడు, ఉత్తరప్రదేశ్, ఉత్తరాఖండ్‌లలో ప్రభుత్వం గురువారం దీనిని అమలు చేస్తున్నట్లు ప్రకటించింది. దీనితో ఇప్పుడు దేశంలో ఇటువంటి 361 జిల్లాలు ఉన్నాయి. ఇక్కడ హాల్‌మార్కింగ్ లేని ఆభరణాలు, బంగారు కళాఖండాలు నగల దుకాణాల్లో విక్రయించరు.

పెరుగుతున్న వ్యాపారుల సంఖ్య:

దేశంలోని ఆభరణాల రిజిస్ట్రేషన్‌పై ప్రభుత్వం ఇప్పుడు కసరత్తు చేస్తోంది. దేశంలో రిజిస్టర్డ్ జ్యువెలర్ల సంఖ్య గతంలో కంటే చాలా పెరగడానికి ఇదే కారణం. గతంలో నమోదైన నగల వ్యాపారుల సంఖ్య 34,647 మాత్రమే కాగా, ఇప్పుడు అది 1,94,039కి పెరిగింది. ఇది కాకుండా, హాల్‌మార్కింగ్ కేంద్రాల సంఖ్య కూడా 945 నుండి 1,622 కు పెరిగింది.

ఈ యాప్ ద్వారా హాల్‌మార్క్ నగలను గుర్తించవచ్చు

మీకు హాల్‌మార్కింగ్ ఉన్న ఆభరణాలు ఏవైనా ఉంటే, అది సరైన హాల్‌మార్కింగ్ కాదా అని మీకు అనుమానం ఉంటే మీరు దానిని BIS కేర్ మొబైల్ యాప్ ద్వారా గుర్తించవచ్చు. ఈ యాప్‌ని ఉపయోగించి, కస్టమర్ హాల్‌మార్క్ చేసిన బంగారు ఆభరణాల ప్రామాణికతను ధృవీకరించవచ్చు. అలాగే ఉత్పత్తి నాణ్యత లేదా BIS మార్క్ దుర్వినియోగానికి సంబంధించి తన ఫిర్యాదును కూడా నమోదు చేయవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి