Aadhaar: ఆధార్ కోసం ఆన్‌లైన్‌లో అపాయింట్మెంట్ బుక్ చేస్తున్నారా.. కచ్చితంగా ఈ విషయాలు తెలుసుకోండి..?
Aadhaar: ఆధార్ ప్రతి ఒక్క భారతీయుడికి అవసరం. ఇది లేనిదే ఏ పని జరుగదు. ఆధార్ గుర్తింపును తెలియజేస్తుంది. ఆధార్ కార్డు అందించడానికి ప్రభుత్వం అనేక
Aadhaar: ఆధార్ ప్రతి ఒక్క భారతీయుడికి అవసరం. ఇది లేనిదే ఏ పని జరుగదు. ఆధార్ గుర్తింపును తెలియజేస్తుంది. ఆధార్ కార్డు అందించడానికి ప్రభుత్వం అనేక ఆధార్ సేవా కేంద్రాలను ఏర్పాటు చేసింది. ఈ కేంద్రాలలో ఎన్‌రోల్‌మెంట్, అడ్రస్ మార్పులు, పేరు మార్పులు, పుట్టిన తేదీ మార్పులు వంటి ఆధార్ సంబంధిత పనులు చేసుకోవచ్చు. ప్రతి భారతీయ పౌరుడు వయస్సు, లింగంతో సంబంధం లేకుండా 12 అంకెల ఆధార్ నంబర్ కోసం నమోదు చేసుకోవడానికి అర్హులు. ఇది జాతీయ ID కార్డ్‌గా పనిచేస్తుంది. ఎవరైనా సరే ఆన్‌లైన్‌లో తనకు లేదా తన కుటుంబ సభ్యులకు లేదా స్నేహితుడి కోసం అపాయింట్మెంట్ బుక్ చేయవచ్చు.
ఆన్‌లైన్‌లో అపాయింట్మెంట్ ఎలా బుక్ చేసుకోవాలి..
1. https://uidai.gov.in/ని సందర్శించండి
2. ‘నా ఆధార్’ కింద ‘అపాయింట్‌మెంట్‌ను బుక్ చేయండి’పై క్లిక్ చేయండి
3. ‘UIDAI ఆమోదిత ఆధార్ సేవా కేంద్రంలో అపాయింట్మెంట్ బుక్ చేయండి’ అనే ఆప్షన్ ఎంచుకోండి
4. డ్రాప్‌డౌన్ నుంచి మీ నగరం/స్థానాన్ని ఎంచుకోండి
5. ‘అపాయింట్‌మెంట్‌ను బుక్ చేయడానికి కొనసాగండి’పై క్లిక్ చేయండి
6. ‘బుక్ అపాయింట్మెంట్’పై క్లిక్ చేసి మీ మొబైల్ నంబర్‌ను నమోదు చేయండి
7. ‘న్యూ ఆధార్’ లేదా ‘ఆధార్ అప్‌డేట్’ ట్యాబ్‌పై క్లిక్ చేసి క్యాప్చా ఎంటర్ చేసి ‘OTP’ జనరేట్ పై క్లిక్ చేయండి
8. OTPని నమోదు చేసి వెరిఫైపై క్లిక్ చేయండి
9. రాష్ట్రం, నగరం, ఆధార్ సేవా కేంద్రం వంటి అపాయింట్మెంట్ వివరాలను నమోదు చేయండి. భాషను ఎంచుకుని, తదుపరి క్లిక్ చేయండి
10. రుజువుతో పాటు వ్యక్తిగత వివరాలు, చిరునామా వివరాలను నమోదు చేసి తదుపరి ట్యాబ్‌ను క్లిక్ చేయండి
11. టైమ్ స్లాట్‌ని ఎంచుకుని తదుపరి క్లిక్ చేయండి.
12. మీ అపాయింట్మెంట్ బుక్ అయినట్లు సెల్‌ఫోన్‌కి మెస్సేజ్ వస్తుంది.
సమీప నమోదు కేంద్రాన్ని ఎలా గుర్తించాలి
సమీపంలోని నమోదు కేంద్రాన్ని కనుగొనడానికి గూగూల్‌లో సెర్చు చేయవచ్చు. లేదా https://appointments.uidai.gov.in/easearch.aspxని సందర్శించవచ్చు.
అవసరమైన పత్రాలు
అపాయింట్మెంట్ నమోదు చేయడానికి చెల్లుబాటు అయ్యే గుర్తింపు కార్డు, ఫొటో, చిరునామా రుజువు, పుట్టిన తేదీ రుజువు ఉపయోగించవచ్చు.
ఆధార్ సంబంధిత సేవలకు ఛార్జీలు
1. ఆధార్ నమోదు ఉచితం
2. పిల్లల కోసం తప్పనిసరి బయోమెట్రిక్ అప్‌డేట్ (5 మరియు 15 సంవత్సరాల వయస్సులో) ఉచితం
3. డెమోగ్రాఫిక్ అప్‌డేట్‌తో లేదా ఏదైనా బయోమెట్రిక్ అప్‌డేట్ రూ.100
4. నివాసితుల ద్వారా మాత్రమే డెమోగ్రాఫిక్ అప్‌డేట్ రూ.50
5. ఆధార్ & కలర్ ప్రింట్ డౌన్‌లోడ్ చేస్తే రూ.30
6. ఒకేసారి ఒకటి కంటే ఎక్కువ అప్‌డేట్లు ఒక అప్‌డేట్‌గా పరిగణిస్తారు