ఉతికారేసిన ఆండ్రీ రస్సెల్..!

ఐపీఎల్‌లో భాగంగా ఆరంభంలో వరుస విజయాలతో ప్లేఆఫ్ రేసులో ముందు నిలిచిన కోల్‌కతా ఆ తర్వాత పేలవ బౌలింగ్, బ్యాటింగ్ కారణంగా వరుసగా 6 మ్యాచ్‌ల్లో ఓడిపోయింది. ఎంతలా అంటే.. పాయింట్ల పట్టికలో ఒకానొక దశలో టాప్-2లో కొనసాగిన ఆ జట్టు.. అనూహ్యంగా ఏడో స్థానానికి పడిపోయింది. హిట్టర్ ఆండ్రీ రసెల్‌ సూపర్ ఫామ్‌లో ఉన్నా.. అతడ్ని బ్యాటింగ్ ఆర్డర్‌లో ఐదు, ఆరు స్థానాలకే పరిమితం చేయడంతో కొన్ని మ్యాచ్‌ల్లో కోల్‌కతా భారీ స్కోరు అవకాశాల్ని చేజార్చుకుంది. దీంతో.. రెండు రోజుల క్రితం.. కోల్‌కతా కెప్టెన్ దినేశ్ కార్తీక్ నిర్ణయాలపై ఆండ్రీ రస్సెల్‌ బాహాటంగా విమర్శలు గుప్పించాడు. బ్యాటింగ్ ఆర్డర్‌లో మార్పుల ఆవశ్యకతని గుర్తు చేస్తూనే.. బౌలింగ్‌లోనూ జాగ్రత్తగా నిర్ణయాలు తీసుకోవాలని హెచ్చరించాడు.

DRE RUSS is adjudged the Man of the Match for his brilliant 80* and bowling figures of 2/25 ?? pic.twitter.com/rY5uWxvWDa

— IndianPremierLeague (@IPL) April 28, 2019

రస్సెల్ వ్యాఖ్యలతో పునరాలోచనలో పడిన దినేశ్ కార్తీక్.. ఆదివారం రాత్రి ముంబయిపై మ్యాచ్‌లో అతడ్ని ఫస్ట్‌డౌన్‌లోనే బ్యాటింగ్‌కి పంపించాడు. దీంతో.. దొరికిన అవకాశాన్ని సద్వినియోగం చేసుకున్న రస్సెల్.. ఆఖరి బంతి వరకూ ముంబయి బౌలింగ్ దళాన్ని ఉతికారేశాడు. ఈ క్రమంలో మలింగ, బుమ్రా సహా ఎవరూ అతడ్ని నిలువరించలేకపోయారు. మలింగ వేసిన చివరి ఓవర్‌లో సింగిల్స్ తీసే అవకాశం ఉన్నా.. రస్సెల్ తీయకుండా.. మొత్తం ఆరు బంతుల్నీ తనే ఆడి.. 6, 4, 4, 0, 0, 6 బాదేశాడు.

The @KKRiders win by 34 runs and register their 100th Victory in IPL ?? pic.twitter.com/zAl5lMBW8O

— IndianPremierLeague (@IPL) April 28, 2019