Sunday Tips: ఈ రోజు సూర్యభగవానుడి ఈ పరిహారాలు చేసి చూడండి.. సమస్యలు తొలగి అభివృద్ధికి దారులు తెరుచుకుంటాయి

Sunday Puja Tips

హిందూ మతంలో ప్రతి రోజు ఒక ప్రాముఖ్యతను కలిగి ఉంటుంది. ప్రతి రోజు ఒక్కోక్క విధంగా పూజిస్తారు. ఆదివారం సూర్య భగవానుడికి అంకితం చేయబడింది. అలాగే  సూర్య భగవానుడు గ్రహాల రాజుగా పరిగణించబడ్డాడు. ఈ రోజు సూర్య భగవానుని ప్రసన్నం చేసుకోవడానికి ఉత్తమమైన రోజు అని నమ్ముతారు. సూర్యభగవానుని అనుగ్రహం వల్ల జాతకంలో సూర్య గ్రహ స్థానం శుభప్రదమై.. వ్యక్తి జీవితంలో అనేక  విజయాలను పొందుతాడు. సూర్యుడు మంచి స్థితిలో ఉన్నప్పుడు వ్యక్తి ఆరోగ్యంగా ఉంటాడు. జాతకంలో సూర్యుడు బలంగా ఉంటే సుఖం, ఐశ్వర్యం, కీర్తి లభిస్తాయి.

పురాణ మత గ్రంధాల ప్రకారం ఎవరి జాతకంలోనైనా సూర్యుడు బలంగా ఉండటం చాలా ముఖ్యం. ఒక వ్యక్తి  జాతకంలో సూర్యుడు బలహీనమైన స్థితిలో ఉంటే ఆ వ్యక్తి తరచుగా వ్యాధులతో బాధపడతాడు. అతని జీవితంలో డబ్బులకు ఇబ్బంది పడతాడు. తగిన గౌరవం ఉండదు. అంతేకాదు చేపట్టిన పనిలో కూడా ఆటంకాలు ఏర్పడతాయి. ఆదివారం నాడు తీసుకునే కొన్ని నియమ నిష్ఠల చర్యలు సూర్య దేవుడు ప్రసన్నం కావడానికి సహాయపడతాయి. సూర్యభగవానుని అనుగ్రహంతో జీవితంలో ఏర్పడిన అడ్డంకులు తొలగిపోతాయి.

ఆదివారం ఆరాధన ప్రాముఖ్యత

సనాతన ధర్మంలో ప్రతిరోజూ సూర్యునికి అర్ఘ్యం సమర్పించే సంప్రదాయం ఉంది. కానీ ఆదివారం సూర్యునికి అర్ఘ్యం సమర్పించడం వల్ల విశేష ప్రయోజనాలు లభిస్తాయి. ఈ రోజు సూర్య భగవానుని కొన్ని ప్రత్యేక నియమాలతో పూజిస్తే ఆ వ్యక్తి ఖచ్చితంగా విజయం సాధిస్తాడు. ఎవరైనా సూర్య భగవానుడి ఆశీర్వాదం పొందినట్లయితే అతనికి సుఖ సంతోషాల తలుపులు తెరవబడతాయి. అన్ని కష్టాల నుండి ఉపశమనం పొందుతాడు. మీరు కూడా మీ సమస్యలన్నింటినీ వదిలించుకోవాలనుకుంటే ఖచ్చితంగా ఆదివారం ఈ ప్రత్యేక చర్యలను పాటించండి.

ఆదివారం రోజున చేయాల్సిన పరిహారాలు

1. ఆదివారం నాడు ఉదయాన్నే నిద్రలేచి స్నానం చేసి, పూజలు చేసి ఆపై ఉదయించే సూర్యుడికి అర్ఘ్యం  సమర్పించండి. ఆదివారం సూర్యుడిని ఆరాధించడం వల్ల ఉద్యోగ, వ్యాపారాల్లో పురోగతి ఉంటుంది.
2. ఆదివారం నాడు సూర్య భగవానుడికి అర్ఘ్యం సమర్పించి, ‘ఓం సూర్యాయ నమః ఓం వాసుదేవాయ నమః ఓం ఆదిత్య నమః’ అనే మంత్రాన్ని జపించండి. తరువాత, ఆదిత్య హృదయ స్తోత్రాన్ని పఠించండి. ఇది అన్ని ప్రయత్నాలలో విజయాన్ని తెస్తుంది.
3. ఆదివారం నదిలో లేదా చెరువులో చేపలకు ఆహారాన్ని అందించండి. ఇలా చేయడం వల్ల సూర్యుడు బలవంతుడై అప్పుల బాధ నుంచి విముక్తి పొందుతాడు. అలాగే పనిలో ఆటంకాలు తొలగిపోతాయి.
4. ఆర్థిక సమస్యలతో ఇబ్బంది ఉంటే, ఆదివారం నాడు మీ ఇంటి ప్రధాన ద్వారం వద్ద రెండు నెయ్యి దీపాలు వెలిగించండి. దీనివల్ల లక్ష్మీదేవి అనుగ్రహం లభిస్తుంది.
5. ఆదివారం దానం చేయడం చాలా పవిత్రమైనదిగా భావిస్తారు. ఈ రోజున రాగి, పప్పు, గోధుమలు, బెల్లం మొదలైన వాటిని దానం చేయండి. దీని వల్ల సూర్య భగవానుడి ఆశీస్సులు ఎల్లప్పుడూ మీ పై ఉంటాయి.
6. గంధం తిలకం ధరించి ఆదివారం బయటకు వెళితే ఆ పనులు కచ్చితంగా పూర్తవుతాయి. అంతేకాకుండా, ఆదివారం నాడు ఎరుపు రంగు దుస్తులు ధరించడం కూడా చాలా శుభప్రదంగా పరిగణించబడుతుంది.
7. ఈ రోజు ప్రవహించే నీటిలో బెల్లం, అన్నం కలిపి సమర్పించండి. ఇలా చేయడం వల్ల అన్ని దుఃఖాలు తొలగిపోయి జీవితంలో సంతోషం కలుగుతుంది.
8. ఆదివారం నాడు మర్రి చెట్టు ఆకుపై మీ కోరికను రాసి, ఆ ఆకును ప్రవహించే నీటిలో తేలేటట్లు వదిలివేయండి. ఇలా చేయడం ద్వారా మీ కోరికలన్నీ నెరవేరుతాయి.
9. ఆదివారం రావి చెట్టు కింద ఆవాల నూనెతో పిండి దీపం వెలిగించండి. ఇది జీవితంలో ఆనందం,  శ్రేయస్సును తెస్తుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు.