మార్గదర్శక గ్రహాలతో శుభ యోగాలు.. వారు ఐశ్వర్యవంతులు కావడం పక్కా..!
ఈ ఏడాది మేషం, వృషభం, సింహం సహా మరికొన్ని రాశుల వారికి అనుకూలమైన కాలం. కుజుడు, శని, రవి, గురువు గ్రహాల అనుగ్రహం వీరికి లాభదాయకంగా ఉంటుంది. అవే లక్షణాలున్న గ్రహాల వల్ల ఈ రాశులు అత్యధికంగా లాభాలు పొందుతాయి. వృత్తి, వ్యాపారం, ఆర్థిక పురోగతి, ఉద్యోగ అవకాశాలు మెరుగవుతాయి. తమ రాశి లక్షణాలకు అనుగుణంగా గ్రహాలు సహాయపడతాయి.
Lucky Zodiac Signs
జ్యోతిషశాస్త్రం ప్రకారం కొన్ని రాశులకు కొన్ని ప్రత్యేక లక్షణాలు ఉన్నాయి. అవే లక్షణాలున్న గ్రహాల వల్ల ఈ రాశులు అత్యధికంగా లాభాలు పొందుతాయి. తమ లక్షణాలే కలిగి ఉన్న రాశులకు ఈ గ్రహాలు మార్గదర్శకంగా వ్యవహరిస్తాయి. ఉదాహరణకు, అత్యంత మొండితనం, పట్టు దల, దృఢ నిశ్చయం, ప్లానింగ్ కలిగి ఉన్న వృషభ రాశికి అవే లక్షణాలున్న శనీశ్వరుడు ఎంతగానో లాభాలు కలిగిస్తాడు. ఈ ఏడాది ఈ విధంగా లాభాలు పొందే రాశులు మేషం, వృషభం, సింహం, కన్య, వృశ్చికం, మకరం. ఈ రాశులకు ఈ ఏడాది దారి చూపే గ్రహాలు కుజుడు, శని, రవి, గురువు.
- మేషం: సాహసానికి, ధైర్యానికి, తెగువకు, పట్టుదలకు మారుపేరైన ఈ రాశికి ఈ ఏడాదంతా కుజుడు బాగా సహాయం చేయబోతున్నాడు. కుజుడు ఈ రాశికి అధిపతి కూడా అయినందువల్ల ఈ రాశి వారు ఏ ప్రయత్నాన్నీ, ఏ అవకాశాన్నీ మధ్యలో వదిలిపెట్టే అవకాశం ఉండదు. ఆదాయాన్ని వృద్ధి చేసుకోవడానికి, ఉద్యోగం సంపాదించుకోవడానికి, వృత్తి, వ్యాపారాలను అభివృద్ధి పరచుకోవడానికి కుజుడు బాగా సహాయం చేసే అవకాశం ఉంది. కుజుడి సహాయం ఇప్పటికే ప్రారంభమై పోయింది.
- వృషభం: ఈ రాశి వారికి ధన కాంక్ష ఎక్కువ. కుటుంబం మీద ఆపేక్ష మరీ ఎక్కువ. ప్రణాళికాబద్ధంగా ఆదాయాన్ని పెంచుకోవడానికి, మదుపులు, పెట్టుబడులు పెట్టడానికి, వృత్తి, వ్యాపారాలను కొత్త పుంతలు తొక్కించడానికి వీరు ఈ ఏడాది బాగా కృషి చేసే అవకాశం ఉంది. ఈ విషయంలో వీరికి ఇవే లక్షణాలున్న శనీశ్వరుడు ఎంతగానో తోడ్పడబోతున్నాడు. శనీశ్వరుడు ఈ రాశికి ఈ ఏడాదంతా అనుకూలంగా ఉన్నందువల్ల కొద్ది ప్రయత్నంతో ఆర్థికాభివృద్ధి సాధ్యమయ్యే అవకాశం ఉంది.
- సింహం: సహజ నాయకత్వ లక్షణాలు కలిగి ఉండడంతో పాటు, ధైర్య సాహసాలు ఎక్కువగా ఉండడం, సవాళ్లను ఎదుర్కోగల సామర్థ్యం ఉండడం వల్ల వీరు ఈ ఏడాది ఒక సంస్థకు సర్వాధికారి కావడానికి, ఉన్నత పదవులు అందుకోవడానికి గట్టి ప్రయత్నం చేసే అవకాశం ఉంది. ఇటువంటి లక్షణాలే కలిగి ఉన్న గురువు వీరికి ఈ విషయంలో చేయూతనందించే అవకాశం ఉంది. గురువు అనుగ్రహం ఉన్నందువల్ల ఈ రాశివారు తప్పకుండా ఉన్నత స్థానానికి చేరుకునే అవకాశం ఉంది.
- కన్య: విషయ పరిజ్ఞానం, ప్రణాళికా బద్ధమైన ప్రయత్నాలు, పట్టుదల, ఎంతటి శ్రమకైనా ఓర్చుకునే తత్వం కలిగిన ఈ రాశివారికి ఇటువంటి లక్షణాలే కలిగిన శనీశ్వరుడు బాగా తోడ్పడే అవకాశం ఉంది. వృత్తి, వ్యాపారాలను అభివృద్ధి చేయడం, వీలైతే విస్తరించడం, ఆదాయాన్ని పెంచుకోవడం వంటి విషయాల మీద దృష్టి పెట్టిన ఈ రాశివారు శనీశ్వరుడి క్రమశిక్షణ, పట్టుదల, నిబద్ధత వల్ల తప్పకుండా ఈ ఏడాది ఈ రాశివారి ఆశలు, లక్ష్యాలు, ఆశయాలను నెరవేర్చడం జరుగుతుంది.
- వృశ్చికం: ఓర్పు, సహనాలతో పాటు కార్యదీక్షకు, వ్యవహార దక్షతకు మారుపేరైన ఈ రాశివారిని ఇవే లక్షణాలు కలిగి ఉన్న రవి గ్రహం ఈ ఏడాది ఉచ్ఛ స్థితికి తీసుకువెళ్లే అవకాశం ఉంది. ఉద్యోగంలో ఉన్నత పదవులు పొందాలన్న వీరి ఆశయం ఈ ఏడాది తప్పకుండా రవి వల్ల నెరవేరుతుంది. ఒక సంస్థకు అధిపతి కావాలన్న కోరిక కూడా నెరవేరే అవకాశం ఉంది. ఆస్తి లాభం, సొంత ఇల్లు, సొంత వాహనం తదితర కలలను సాకారం చేసుకోవడానికి వీరు ఏ అవకాశాన్నీ చేజార్చుకోరు.
- మకరం: విపరీతమైన పట్టుదలకు, ఓర్పు, సహనాలకు, క్రమశిక్షణకు మారుపేరైన ఈ రాశివారికి ఈ ఏడాది సొంత ఇల్లు, ఆస్తిపాస్తులు, ఉద్యోగంలో గుర్తింపు, వృత్తి, వ్యాపారాల్లో లాభాలు వంటి కోరికలు నెరవేరే అవకాశం ఉంది. ఇవే లక్షణాలు కలిగిన రాశ్యధిపతి శనీశ్వరుడు ఇందుకు చేయూతనందిస్తాడు. ఈ రాశివారు శనీశ్వరుడి తోడ్పాటుతో తప్పకుండా అందలాలు ఎక్కడం జరుగుతుంది. వీరి కోరికలు, ఆశలు, ఆశయాలు నెరవేరుతాయి. శని అనుగ్రహంతో వీరు ఐశ్వర్యవంతులవుతారు.