Horoscope Today: ఆ రాశి వ్యాపారులకు లాభాలు.. 12 రాశుల వారికి రాశిఫలాలు ఇలా..

Horoscope Today 02 July 2025

దిన ఫలాలు (జూలై 2, 2025): మేష రాశి వారికి ఆదాయం బాగా పెరగడం వల్ల ఆర్థిక సమస్యల నుంచి చాలావరకు బయటపడే అవకాశముంది. వృషభ రాశి వారు ఉద్యోగంలో అధికార యోగం పట్టే అవకాశం ఉంది. మిథున రాశి వారికి చాలా కాలంగా ఇబ్బంది పెడుతున్న వ్యక్తిగత సమస్య ఒకదానికి అనుకోకుండా పరిష్కారం లభించే అవకాశముంది. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

గ్రహ బలం బాగా అనుకూలంగా ఉంది. ఏ పని తలపెట్టినా సంతృప్తికరంగా పూర్తవుతుంది. ఒకటి రెండు వ్యక్తిగత సమస్యలు పరిష్కారం అవుతాయి. ఆదాయం బాగా పెరగడం వల్ల ఆర్థిక సమస్యల నుంచి చాలావరకు బయటపడతారు. వృత్తి, ఉద్యోగాల్లో మీ సమర్థతకు ఆశించిన గుర్తింపు లభిస్తుంది. వ్యాపారాలు ఆశాజనకంగా ముందుకు సాగుతాయి. ఇంటా బయటా కొద్దిగా బాధ్యతలు పెరుగుతాయి. ఆదాయానికి, ఆరోగ్యానికి ఇబ్బందేమీ ఉండదు. ప్రయాణాలు బాగా లాభిస్తాయి.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో అధికార యోగం పట్టే అవకాశం ఉంది. ఇంటర్వ్యూలలో విజయం సాధిస్తారు. ఇంటా బయటా బాధ్యతల ఒత్తిడి ఎక్కువగా ఉంటుంది. కుటుంబ వ్యవహారాలు సవ్యంగా సాగిపోతాయి. ఆర్థిక విషయాల్లో కొన్ని ఇబ్బందికర పరిస్థితులు ఎదురవుతాయి. కొందరు సన్నిహితులతో జాగ్రత్తగా ఉండడం మంచిది. కొన్ని ముఖ్యమైన వ్యవహారాలు, పనుల్ని విజయవంతంగా పూర్తి చేస్తారు. వ్యక్తిగత సమస్యలు చాలావరకు తగ్గుముఖం పడతాయి. ఆదాయం కొద్దిగా పెరుగుతుంది.

మిథునం (మృగశిర 3,4, ఆర్ద్ర, పునర్వసు 1,2,3)

అనుకున్న పనులు అనుకున్నట్టు పూర్తవుతాయి. చాలా కాలంగా ఇబ్బంది పెడుతున్న వ్యక్తిగత సమస్య ఒకదానికి అనుకోకుండా పరిష్కారం లభిస్తుంది. వృత్తి, ఉద్యోగాల్లో అనుకున్నది సాధిస్తారు. హోదా పెరిగే అవకాశం ఉంది. వ్యాపారాలు లాభదాయకంగా సాగిపోతాయి. ఆహార, విహారాల్లో జాగ్రత్తగా ఉండడం మంచిది. ఇష్టమైన బంధువులతో ఆనందంగా గడుపుతారు. ప్రయాణాలు లాభిస్తాయి. ఆదాయం బాగా పెరుగుతుంది. నిరుద్యోగులకు ఒకటి రెండు శుభవార్తలు అందుతాయి.

కర్కాటకం (పునర్వసు 4, పుష్యమి, ఆశ్లేష)

అదనపు ఆదాయ ప్రయత్నాలతో సహా ఎటువంటి ప్రయత్నం తలపెట్టినా విజయవంతం అవుతుంది. ఇంటా బయటా మీ మాటకు విలువ పెరుగుతుంది. సమాజంలో ప్రముఖ వ్యక్తులతో పరిచయాలు పెరుగుతాయి. వృత్తి, ఉద్యోగాల్లో శుభ వార్తలు వింటారు. వ్యాపారాలు లాభసాటిగా సాగి పోతాయి. నిరుద్యోగులకు కొత్త ఉద్యోగావకాశాలు అంది వస్తాయి. చేపట్టిన వ్యవహారాల్లో విజయాలు చవి చూస్తారు. ఆర్థిక పరిస్థితి అనుకూలంగా ఉంటుంది. ఆశించిన శుభ వార్తలు వింటారు.

సింహం (మఖ, పుబ్బ, ఉత్తర 1)

ఉద్యోగంలో సానుకూల మార్పులు చోటు చేసుకుంటాయి. ఆదాయానికి, ఆరోగ్యానికి లోటుండకపోవచ్చు. కొందరు బంధుమిత్రులకు ఆర్థికంగా సహాయం చేస్తారు. ముఖ్యమైన అవసరాలు తీరి పోతాయి. ఒకటి రెండు ఆర్థిక, వ్యక్తిగత సమస్యలు పరిష్కారం అవుతాయి. వృత్తి, ఉద్యోగాలలో మీ మాటకు విలువ పెరుగుతుంది. అధికారుల నుంచి ఆదరణ, ప్రోత్సాహం లభిస్తాయి. జీవిత భాగస్వామితో కలిసి వస్త్రాభరణాలు కొనుగోలు చేస్తారు. వ్యాపారాలు బాగా లాభసాటిగా సాగిపోతాయి.

కన్య (ఉత్తర 2,3,4, హస్త, చిత్త 1,2)

ఆకస్మిక ధన ప్రాప్తికి అవకాశం ఉంది. రావలసిన డబ్బు వసూలవుతుంది. ఆర్థిక సంబంధమైన ఒత్తిళ్లు బాగా తగ్గుతాయి. ముఖ్యమైన పనులు, వ్యవహారాలను కొద్ది శ్రమతో పూర్తి చేస్తారు. ఆరోగ్యానికి ఇబ్బందేమీ ఉండదు. ఉద్యోగ ప్రయత్నాలు ఒక కొలిక్కి వస్తాయి. వృత్తి, ఉద్యోగాలలో సమస్యలున్నా అధిగమిస్తారు. వ్యాపారాలు నిలకడగా సాగిపోతాయి. మంచి పెళ్లి సంబంధం కుదురుతుంది. ఆస్తి వివాదంలో రాజీమార్గం అనుసరిస్తారు. పిల్లల ఘన విజయాలు సాధిస్తారు.

తుల (చిత్త 3,4, స్వాతి, విశాఖ 1,2,3)

అనేక విధాలుగా సమయం అనుకూలంగా ఉంది. ఆదాయ ప్రయత్నాలు ఊహించని రీతిలో విజయవంతం అవుతాయి. ఆదాయానికి, ఆరోగ్యానికి ఇబ్బందేమీ ఉండదు. శత్రువులు కూడా మిత్రులుగా మారి సహాయపడతారు. ఉద్యోగంలో ఊహించని అదృష్టం పడుతుంది. పదోన్నతికి అవకాశం ఉంది. వృత్తి, వ్యాపారాల్లో కూడా శుభ పరిణామాలు చోటు చేసుకుంటాయి. నిరుద్యోగులకు విదేశాల నుంచి ఆశించిన సమాచారం అందుతుంది. పెళ్లి ప్రయత్నాలు సఫలమవుతాయి.

వృశ్చికం (విఖాఖ 4, అనూరాధ, జ్యేష్ట)

వృత్తి, ఉద్యోగాల్లో అధికారుల నుంచి కొద్దిగా ఒత్తిడి ఉండవచ్చు. పనిభారం బాగా పెరిగే అవకాశం ఉంది. వ్యాపారాలు నిలకడగా ముందుకు సాగుతాయి. సొంత పనుల మీద దృష్టి పెట్టడం మంచిది. నిరుద్యోగులు తప్పకుండా శుభవార్తలు వింటారు. ఆర్థిక పరిస్థితి సామాన్యంగా ఉంటుంది. కొందరు బంధుమిత్రులకు ఆర్థికంగా సహాయం చేయడం జరుగుతుంది. కుటుంబ జీవితం సాఫీగా సాగిపోతుంది. ఆకస్మిక ప్రయాణ సూచనలున్నాయి. ఆహార, విహారాల్లో జాగ్రత్తగా ఉండడం మంచిది.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగంలో ఊహించని శుభవార్తలు వింటారు. అనుకూలతలు బాగా పెరుగుతాయి. వృత్తి, వ్యాపారాల్లో రాబడిపరంగా శుభ పరిణామాలు చోటు చేసుకుంటాయి. ఆర్థిక వ్యవహారాలు సానుకూ లంగా సాగిపోతాయి. ఇతరులకు ఆర్థికంగా సహాయం చేయగల స్థితిలో ఉంటారు. కుటుంబ సభ్యుల మీద ఎక్కువగా ఖర్చు పెట్టడం జరుగుతుంది. ఆకస్మిక ధన లాభానికి అవకాశం ఉంది. పిల్లలకు సంబంధించి శుభ వార్తలు వింటారు. నిరుద్యోగులకు దూర ప్రాంతంలో ఉద్యోగం లభిస్తుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఆర్థిక పరిస్థితి ఇదివరకటి కంటే బాగా మెరుగ్గా ఉంటుంది. ఆదాయ మార్గాలు విస్తరించడం వల్ల కూడా ఆదాయం పెరుగుతుంది. మిత్రుల సహాయంతో పెండింగు పనులన్నీ పూర్తి చేస్తారు. ఒకటి రెండు వ్యక్తిగత సమస్యలు పరిష్కారం అవుతాయి. తండ్రి సహాయంతో ఆస్తి వివాదం ఒకటి ఒక కొలిక్కి వస్తుంది. వృత్తి, ఉద్యోగాల్లో ప్రాధాన్యం పెరుగుతుంది. వ్యాపారాలు లాభసాటిగా సాగిపో తాయి. ఆర్థిక విషయాల్లో ఎవరికీ మాట ఇవ్వకపోవడం మంచిది. ఆరోగ్యం నిలకడగా ఉంటుంది.

కుంభం (ధనిష్ట 3,4, శతభిషం, పూర్వాభాద్ర 1,2,3)

ప్రతి పనిలోనూ శ్రమ, తిప్పట తప్పకపోవచ్చు. అనవసర ఖర్చులు బాగా పెరుగుతాయి. వృత్తి, వ్యాపారాల్లో శ్రమ ఎక్కువ, ఫలితం తక్కువగా ఉంటుంది. ఆర్థిక, ఆస్తి వ్యవహారాల్లో ఆచితూచి వ్యవహరించాల్సి ఉంటుంది. ఆరోగ్యం బాగానే ఉంటుంది. ఆదాయంలో కొద్దిపాటి పెరుగుదల ఉంటుంది. తల్లి తండ్రుల నుంచి ఆశించిన సహాయం లభిస్తుంది. వృత్తి, ఉద్యోగాల్లో అధికారులు మీ మీద ఎక్కువగా ఆధారపడతారు. వ్యాపారాలు నిలకడగా సాగిపోతాయి. ఎవరికీ వాగ్దానాలు చేయ వద్దు.

మీనం (పూర్వాభాద్ర 4, ఉత్తరాభాద్ర, రేవతి)

ఎటువంటి ప్రయత్నం చేపట్టినా తప్పకుండా నెరవేరుతుంది. అనుకున్న పనులు అనుకున్నట్టు పూర్తవుతాయి. ఆదాయానికి లోటుండదు. వృత్తి, ఉద్యోగాల్లో ఒత్తిడి తగ్గుతుంది. వ్యాపారాల్లో లాభాలు పెరుగుతాయి. నిరుద్యోగులకు ఆశించిన సమాచారం అందుతుంది. పెళ్లి ప్రయత్నాల్లో శుభవార్తలు వింటారు. ఆస్తి, ఆర్థిక సమస్యల నుంచి కొంత వరకూ బయటపడతారు. ఆధ్యాత్మిక విషయాల మీద శ్రద్ధాసక్తులు పెరుగుతాయి. ఇష్టమైన ఆలయాలు సందర్శిస్తారు. ఇష్టమైన వారిని కలుస్తారు.