Horoscope Today: వారు అనవసర ఖర్చులు తగ్గించుకోవాలి.. 12 రాశుల వారికి మంగళవారం రాశిఫలాలు ఇలా..

Horoscope Today(30 May 2023)

Horoscope Today (30 మే 2023): సాధారణంగా చాలామందికి తమ భవిష్యత్తు గురించి తెలుసుకోవాల్సిన ఆసక్తి ఉంటుంది. దీనికి ప్రపంచ వ్యాప్తంగా విశ్వసించే విధానం జ్యోతిష్యం. రాశుల గ్రహ స్థితిగతులను లెక్కించి ఆ వ్యక్తుల భవిష్యత్తు ఎలా ఉండబోతుందని జ్యోతిష్య పండితులు లెక్కిస్తారు. మరి మంగళవారం (30 మే) 12 రాశుల వారికి దినఫలాలు ఎలా ఉన్నాయో చూద్దాం..

1. మేషం (అశ్విని, భరణి, కృత్తిక 1): ఉద్యోగ జీవితం సాఫీగా సాగిపోతుంది. అధికారుల నుంచి గుర్తింపు లభిస్తుంది. వృత్తి వ్యాపారాల్లో లాభాలు నిలకడగా ఉంటాయి. ఆర్థిక వ్యవహారాలు మంచి ఫలితాలను ఇస్తాయి. ఆకస్మిక ధన లాభానికి అవకాశం ఉంది. నిరుద్యోగులకు మంచి ఉద్యోగం లభిస్తుంది. కొత్త పరిచయాలు ఏర్పడతాయి. వ్యసనాలకు దూరంగా ఉండండి.ప్రేమ వ్యవహారాలు ఉత్సాహం కలిగిస్తాయి.
2. వృషభం (కృత్తిక 2,3,4, రోహిణి, మృగశిర 1,2): ఉద్యోగంలో పని భారం ఎక్కువగా ఉంటుంది. ముఖ్యమైన పనుల్లో శ్రమ, తిప్పట ఉంటాయి. ఆర్థిక సమస్యల కారణంగా కొద్దిగా ఇబ్బంది పడతారు. కొందరు మిత్రుల సహాయ సహకారాల వల్ల ఒక వ్యక్తిగత సమస్య నుంచి బయటపడతారు. బంధువులతో విభేదాలు తలెత్తుతాయి. పెళ్లి సంబంధం కుదురుతుంది. ఆరోగ్యం నిలకడగా ఉంటుంది. ప్రేమ వ్యవహారాలు నిరుత్సాహం కలిగిస్తాయి.
3. మిథునం (మృగశిర 3,4, ఆర్ద్ర, పునర్వసు 1,2,3): ఉద్యోగంలో బరువు బాధ్యతలు పెరుగుతాయి. సహచరుల పని భారం కూడా మీద పడుతుంది. ఆర్థిక పరిస్థితి బాగానే ఉంటుంది. స్తోమతకు మించి ఇతరులకు సహాయం చేస్తారు. వృత్తి వ్యాపారాల్లో ఆర్థిక ప్రయోజనాలు కనిపిస్తాయి. అనుకోకుండా కొద్దిగా డబ్బు కలిసి వస్తుంది. ఆరోగ్యం బాగానే ఉంటుంది. శరీరానికి విశ్రాంతి అవసరమని గ్రహించండి. ప్రేమ వ్యవహారాల్లో ముందడుగు వేస్తారు.
4. కర్కాటకం (పునర్వసు 4, పుష్యమి, ఆశ్లేష): అదనపు ఆదాయం కోసం కొత్త ప్రయత్నాలు ప్రారంభిస్తారు. ఉద్యోగంలో అధికార యోగానికి అవకాశం ఉంది. ఆర్థిక పరిస్థితి ఆశాజనకంగా ఉంటుంది. శుభ పరిణామాలు చోటు చేసుకుంటాయి. విదేశాల నుంచి ఆశించిన సమాచారం అందుతుంది. పిల్లలు శుభవార్త మోసుకొస్తారు. ఆరోగ్యం చాలావరకు బాగుంటుంది. బందు వర్గంలో మంచి పెళ్లి సంబంధం కుదురుతుంది.
ఇవి కూడా చదవండి

Venus Transit: రేపు కర్కాటక రాశిలోకి అడుగు పెట్టనున్న శుక్రుడు.. ఈ ఐదు రాశులవారు ఏ పని చేపట్టినా సక్సెస్ వీరి సొంతం..

Solar Eclipse: ఈ ఏడాదిలో చివరి సూర్యగ్రహణం.. ఈ 4 రాశుల వ్యక్తులపై తీవ్ర ప్రభావం.. అందులో మీరున్నారా చెక్ చేసుకోండి..

Good Luck Mantra: జీవితంలో కష్టాలు తొలగిపోవాలంటే పూజ మంత్రమే కాదు ఈ మంత్రాలు పఠించడం బెస్ట్ రెమిడీస్

Weekly Horoscope: వారి అదనపు ఆదాయ ప్రయత్నాలు ఫలిస్తాయి.. 12 రాశులవారి వారఫలాలు

5. సింహం (మఖ, పుబ్బ, ఉత్తర 1): ఉద్యోగపరంగా సానుకూల పరిస్థితులు కనిపిస్తాయి.ఆర్థిక పరిస్థితి బాగా లేకపోయినా తోబుట్టువులకు అండగా నిలబడతారు. పిల్లల నుంచి శుభవార్త వింటారు. కుటుంబంలో కొద్దిగా ప్రశాంతత తగ్గుతుంది. వాదోపవాదాలకు దూరంగా ఉండండి. వృత్తి వ్యాపారాల్లో లాభాల పరిస్థితి నిలకడగా ఉంటుంది. ఆరోగ్య పరిస్థితి అనుకూలంగా ఉంటుంది. పెళ్లి సంబంధం వెనక్కి వెళుతుంది.
6. కన్య (ఉత్తర 2,3,4, హస్త, చిత్త 1,2): ఆర్థిక పరిస్థితి నిలకడగా ఉంటుంది. మొండి బాకీ ఒకటి వసూలు అవుతుంది. ఉద్యోగపరంగా బాగా ఒత్తిడి ఉంటుంది. వ్యాపారాల్లో ఆర్థిక పరిస్థితి పెద్దగా ఆశాజనకంగా ఉండకపోవచ్చు. ప్రతి విషయంలోనూ అతి జాగ్రత్తగా వ్యవహరించడం, ఆచితూచి అడుగు వేయడం మంచిది. వివాదాలు, విభేదాలు తలెత్తే అవకాశం ఉంది. ఆరోగ్యం బాగానే ఉంటుంది. ప్రేమ వ్యవహారాలు సానుకూల పడతాయి.
7. తుల (చిత్త 3,4, స్వాతి, విశాఖ 1,2,3): బాగా ఆలోచించి నిర్ణయాలు తీసుకోండి. ఉద్యోగపరంగా, కుటుంబ పరంగా తొందరపాటు నిర్ణయాలు మంచివి కావు. బంధుమిత్రులతో కలిసి ఒక వినోద కార్యక్రమములో పాల్గొంటారు. ఆర్థికంగా బాగానే ఉంటుంది. అనవసర ఖర్చులు తగ్గించుకోవాలి. విదేశాల నుంచి ఒక శుభవార్త వింటారు. ఆస్తి విలువ పెరిగినట్టు శుభవార్త అందుతుంది. నిరుద్యోగులకు మంచి కంపెనీలో ఉద్యోగం లభించే అవకాశం ఉంది.
8. వృశ్చికం (విశాఖ 4, అనూరాధ, జ్యేష్ఠ): చిన్ననాటి స్నేహితులను కలుసుకుంటారు. విందులు వినోదాల్లో పాల్గొంటారు. ఉద్యోగంలో చిన్నపాటి సమస్యలు ఎదురైనా మొండి పట్టుదలతో లక్ష్యాలు పూర్తి చేస్తారు. బంధువులతో అపార్ధాలు తొలగిపోతాయి. శ్రమ తిప్పట ఎక్కువగా ఉంటుంది. ముఖ్యమైన పనులకు ఆటంకాలు ఏర్పడతాయి. అనారోగ్యంతో కొద్దిగా ఇబ్బంది పడతారు. ప్రేమ వ్యవహారాలు మందకొడిగా సాగుతాయి.
9. ధనుస్సు (మూల, పూర్వాషాఢ, ఉత్తరాషాఢ 1): రాదనుకున్న డబ్బు చేతికి అంచుతుంది. బంధుమిత్రులకు సహాయం చేస్తారు. బంధు వర్గంలోని వారితో మంచి పెళ్లి సంబంధం కుదురుతుంది. మంచి నిర్ణయాలు తీసుకుంటారు. కుటుంబ సభ్యులను కూడా సంప్రదించడం మంచిది. ఉద్యోగంలో ప్రశాంత వాతావరణం కొనసాగుతుంది. అనారోగ్యం నుంచి ఉపశమనం లభిస్తుంది. ఉన్నత విద్యలో ఉన్న విద్యార్థులు బాగా రాణిస్తారు.
10. మకరం (ఉత్తరాషాఢ 2,3,4, శ్రవణం, ధనిష్ట 1,2): డబ్బు ఇవ్వడం, తీసుకోవడం వంటి ఆర్థిక లావాదేవీలు పెట్టుకోవద్దు. డబ్బు నష్టపోయే అవకాశం ఉంది. ఉద్యోగంలో శుభవార్త వింటారు. వృత్తి వ్యాపారాల్లో ఆశించిన స్థాయిలో పురోగతి కనిపిస్తుంది. ఆకస్మిక ప్రయాణానికి అవకాశం ఉంది. పిల్లల నుంచి శుభవార్త వింటారు. నిరుద్యోగులు దూర ప్రాంతంలో ఉద్యోగంలో స్థిరపడతారు. కొత్త నిర్ణయాల వల్ల ప్రయోజనం ఉంటుంది. ప్రేమ వ్యవహారాలు నిరుత్సాహం కలిగిస్తాయి.
11. కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి వ్యాపారాల్లో లాభాలు పెరుగుతాయి. ఉద్యోగంలో ఆదాయం నిలకడగా ఉంటుంది. ఖర్చులు తగ్గించుకుంటారు. ఆర్థిక పరిస్థితి ఆశాజనకంగా ఉంటుంది. అదనపు ఆదాయ మార్గం కోసం కుటుంబ సభ్యులతో చర్చిస్తారు. తల్లిదండ్రుల నుంచి సహాయ సహకారాలు లభిస్తాయి. కుటుంబ సభ్యులతో కలిసి విహారయాత్ర చేసే అవకాశం ఉంది. ప్రేమ వ్యవహారాలు అనుకూలంగా ఉంటాయి.
12. మీనం (పూర్వాభాద్ర 4, ఉత్తరాభాద్ర, రేవతి): రోజంతా ప్రశాంతంగా గడిచిపోతుంది. ఉద్యోగంలో అధికారుల నుంచి, సహచరుల నుంచి సహాయ సహకారాలు అందుతాయి. వృత్తి వ్యాపారాల్లో ఆర్థిక పరిస్థితి అనుకూలంగా ఉంటుంది. ఆదాయంలో ఆశించినంత పెరుగుదల ఉంటుంది కానీ, ఖర్చులు తగ్గించుకోవాల్సిన అవసరం ఉంది. మంచి కంపెనీ నుంచి ఆఫర్ వస్తుంది. శుభపరిణామాలు చోటు చేసుకుంటాయి.

Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)

మరిన్ని జ్యోతిష్య కథనాలు చదవండి..