Vastu Alert: ఫ్రీగా వచ్చాయి కదా అని ఆ గిఫ్ట్స్ తీసుకున్నారా? అవి తెచ్చే దరిద్రం అంతా ఇంతా కాదు..
పుట్టినరోజులు, పెళ్లిళ్లు, గృహప్రవేశాలు లేదా పండగలు.. ఇలాంటి ఏ శుభకార్యం జరిగినా మనకు నచ్చిన వారికి, స్నేహితులకు బహుమతులు ఇవ్వడం మన సాంప్రదాయం. బహుమతులు ఇవ్వడం వల్ల ఇరు పక్షాల మధ్య ప్రేమ, బంధం మరింత బలపడతాయి. అయితే, వాస్తు శాస్త్రం ప్రకారం బహుమతులు ఇచ్చేటప్పుడు మరియు తీసుకునేటప్పుడు కొన్ని నియమాలను కచ్చితంగా పాటించాలి. ఎందుకంటే మనం ఇచ్చే లేదా తీసుకునే కొన్ని రకాల వస్తువులు నెగటివ్ ఎనర్జీని (ప్రతికూల శక్తిని) కలిగి ఉంటాయి.
వాస్తు నిపుణుల ప్రకారం.. కొన్ని వస్తువులకు ప్రతికూల శక్తులను వేగంగా ఆకర్షించే గుణం ఉంటుంది. అలాంటి వాటిని బహుమతిగా మార్చుకోవడం వల్ల ఇంట్లోని ప్రశాంతత దెబ్బతింటుంది. ఇవి బంధాలను బలోపేతం చేయడానికి బదులు, ఇద్దరి మధ్య తీవ్రమైన గొడవలకు, ఆర్థిక నష్టాలకు దారితీస్తాయి. మరి వాస్తు ప్రకారం ఎవరికీ కానుకగా ఇవ్వకూడని తీసుకోకూడని ఆ 6 వస్తువులు ఏంటో ఇప్పుడు చూద్దాం.
వాస్తు ప్రకారం అశుభంగా భావించే ఆ 6 బహుమతులు ఇవే:
1. పదునైన వస్తువులు
చాలా మంది కిచెన్ సెట్స్ బహుమతిగా ఇచ్చేటప్పుడు అందులో కత్తులు, కత్తెరలు లేదా ఫోర్కులు వంటి పదునైన వస్తువులను ఇస్తుంటారు. వాస్తు ప్రకారం పదునైన లోహపు వస్తువులను ఎవరికీ గిఫ్ట్గా ఇవ్వకూడదు, తీసుకోకూడదు. ఇది ఇరు కుటుంబాల మధ్య ఉన్న సత్సంబంధాలను దెబ్బతీస్తుంది మరియు తీవ్రమైన విభేదాలకు దారితీస్తుంది.
2. గడియారాలు
వినడానికి వింతగా అనిపించినప్పటికీ, ఎవరికైనా గడియారాన్ని బహుమతిగా ఇవ్వడం వాస్తు ప్రకారం మంచిది కాదు. గడియారం ఒక వ్యక్తి యొక్క సమయానికి ప్రతీక. వాస్తు ప్రకారం వేరొకరికి గడియారాన్ని కానుకగా ఇవ్వడం అంటే మన జీవితంలోని మంచి కాలాన్ని లేదా ఆయుష్షును వారికి ఇచ్చేయడమే అని నమ్ముతారు. అలాగే అది ఒకవేళ ఆగిపోతే, తీసుకున్న వ్యక్తి జీవితంలో పురోగతి ఆగిపోతుందని నమ్ముతారు.
3. దేవుళ్ల విగ్రహాలు లేదా చిత్రపటాలు:
చాలా మంది పెళ్లిళ్లకు లేదా గృహప్రవేశాలకు దేవుడి విగ్రహాలను (ముఖ్యంగా వినాయకుడు లేదా లక్ష్మీదేవి) బహుమతిగా ఇస్తుంటారు. అయితే, దేవుడి విగ్రహాలను ఇంట్లో ఉంచినప్పుడు వాటికి రోజూ నియమ నిష్టలతో పూజలు చేయాలి, సరైన దిక్కులో అమర్చాలి. బహుమతిగా పొందిన వారు వాటిని నిర్లక్ష్యం చేస్తే, అది తీవ్రమైన దోషంగా మారి ఆ ఇంట్లో ఆర్థిక ఇబ్బందులను తెచ్చిపెడుతుంది.
4. నీటికి సంబంధించిన వస్తువులు
చిన్న అక్వేరియంలు, వాటర్ ఫౌంటైన్లు (కృత్రిమ జలపాతాలు) లేదా నీటి పడవలు వంటి వస్తువులను ఎవరికీ బహుమతిగా ఇవ్వకూడదు. వాస్తు ప్రకారం నీరు ప్రవహించే వస్తువులను గిఫ్ట్గా ఇస్తే.. మన ఇంట్లో ఉండాల్సిన లక్ష్మీదేవి లేదా సంపద నీళ్లలాగా అవతలి వారికి కొట్టుకుపోతుందని శాస్త్రం చెబుతోంది.
5. నలుపు రంగు దుస్తులు లేదా వస్తువులు
నలుపు రంగు అనేది శని దేవునికి మరియు రాహువుకు ప్రతీకగా భావిస్తారు. ఫ్యాషన్ పరంగా నలుపు రంగు ఎంత బాగున్నప్పటికీ.. బహుమతుల విషయానికి వస్తే నలుపు రంగు బట్టలు, పర్సులు లేదా ఇతర వస్తువులను ఎవరికీ ఇవ్వకూడదు. ఇది ఇంట్లో ప్రతికూల శక్తిని పెంచుతుంది మరియు అశాంతిని కలిగిస్తుంది.
6. పాదరక్షలు
స్నేహితులకు లేదా బంధువులకు షూస్, స్లిప్పర్స్ వంటి పాదరక్షలను బహుమతిగా ఇవ్వడం అస్సలు మంచిది కాదు. పాదరక్షలు జాతకంలోని శని స్థానాన్ని ప్రభావితం చేస్తాయి. ఇవి బహుమతిగా ఇవ్వడం వల్ల ఇద్దరు వ్యక్తుల మధ్య దూరం పెరుగుతుందని మరియు ఆ బంధం త్వరలోనే తెగిపోయే ప్రమాదం ఉందని వాస్తు నిపుణులు హెచ్చరిస్తున్నారు.
ఒకవేళ ఇలాంటి గిఫ్ట్స్ వస్తే ఏం చేయాలి?
ఎవరైనా తెలియక మీకు పైన పేర్కొన్న వస్తువులను బహుమతిగా ఇస్తే.. వాటి వల్ల వచ్చే దోషం పోవడానికి వారికి తిరిగి ప్రతిఫలంగా ఒక్క రూపాయి లేదా రెండు రూపాయల నాణెం (కాయిన్) ఇవ్వాలి. దీనివల్ల మీరు ఆ వస్తువును ఉచితంగా తీసుకోకుండా, కొనుగోలు చేసినట్లు అవుతుంది. దీంతో ఆ వాస్తు దోషం పూర్తిగా తొలగిపోతుంది.
గమనిక :
ఇది కేవలం సమాచారం మాత్రమే. పైన పేర్కొన్న వివరాలు సాధారణ వాస్తు శాస్త్ర నమ్మకాలు మరియు నిపుణుల సూచనల ప్రాతిపదికన అందించబడ్డాయి. వీటికి శాస్త్రీయమైన ఆధారాలు లేవు. పూర్తి వివరాల కోసం లేదా వ్యక్తిగత సందేహాల కోసం అర్హత కలిగిన వాస్తు నిపుణులను సంప్రదించడం శ్రేయస్కరం. దీనికి సంస్థ ఎలాంటి బాధ్యత వహించదు.