AP-Telangana Election 2024 LIVE: ప్రశాంతంగా ముగిసిన పోలింగ్.. రికార్డ్ స్థాయిలో పోలింగ్ పర్సెంటేజ్ నమోదు

– కుప్పం నియోజకవర్గంలో 30కి పైగా బూత్ లలో ఓటర్ల బారులు

– రాత్రి పదింటి వరకు ఓటింగ్ జరుగుంతుందంటున్న అధికారులు

– పూతలపట్టు మండలం వడ్డేపల్లి, ఐరాల మండలం కాణిపాకంలో ఓటర్ల క్యూ

– కాకినాడ జిల్లాలోనూ కొన్నిచోట్ల కొనసాగుతున్న పోలింగ్

– తుని మండలం తాళ్లూరులో కరెంట్ లేక పోలింగ్ కి అంతరాయం

– పిఠాపురం మండలం విరవాడ గ్రామంలో మొరాయిస్తున్న ఈవీఎంలు

– ఈవీఎంల మొరాయింపుతో క్యూలైన్లలో పడిగాపులు కాస్తున్న ఓటర్లు

– గుంటూరు జిల్లా ప్రత్తిపాడు నియోజకవర్గంలో క్యూలైన్లలోనే ఓటర్లు

తెలంగాణ లో పోలింగ్ ప్రశాంతంగా ముగిసిందిః రవి గుప్తా, తెలంగాణ డీజీపీ

మావోయిస్టు ప్రభావిత ప్రాంతాల్లో పోలింగ్ సజావుగా సాగింది

ఎక్కడ హింసత్మక ఘటనలు చోటు చేసుకోలేదు

పాతబస్తి లో పరిస్థితి అదుపులో ఉంది

మాధవిలతపై 2, రాజాసింగ్‌పై ఒక కేసు నమోదు చేశాంః రవి గుప్తా, తెలంగాణ డీజీపీ

అమ్రాబాద్ మండలం వటవర్లపల్లి గ్రామంలో ఓటర్లపై తేనెటీగలు దాడి.

పోలింగ్ బూత్‌కు సమీపంలో ఉన్న ఓటర్లపై తేనెటీగలు దాడి.

తేనెటీగ దాడితో ఒక్కసారిగా పరుగులు తీసిన ఓటర్లు.

సుమారు 25 మందికి గాయాలు.. గాయపడ్డవారిని స్థానిక పీహెచ్‌సీలో చికిత్స.

తీవ్రంగా గాయపడ్డ కొంతమందిని అచ్చంపేట ఏరియా ఆసుపత్రికి తరలింపు.

పిఠాపురం 153 వ బూత్ లో కరెంటు లేదని నిరసన

ఎమ్మెల్యే ఈవీఎంలు చీకట్లో నా అంటూ సామాజిక కార్యకర్తలు ఆందోళన

ఈవీఎంలో గుర్తులు కనిపించడం లేదని అధికారులను ప్రశ్నిస్తున్న స్థానికులు

హైదరాబాద్‌- విజయవాడ జాతీయ రహదారిపై భారీగా పెరిగిన ట్రాఫిక్ రద్దీ

ఏపీ నుంచి తిరిగివస్తున్న ఓటర్లతో పెరిగిన వాహనాల రద్దీ

చౌటుప్పల్‌ పంతంగి టోల్‌ప్లాజా వద్ద భారీగా వాహనాల రద్దీ

ఏపీతోపాటు కోదాడ, ఖమ్మం నుంచి అధిక సంఖ్యలో తిరిగి వస్తున్న ఓటర్లు

తెలంగాణలో 17 లోక్‌సభ స్థానాలకు ముగిసిన పోలింగ్‌ సమయం

సాయంత్రం 7 గంటలకు మీడియాతో మాట్లాడనున్న తెలంగాణ రాష్ట్ర ఎన్నికల ప్రధానాధికారి వికాస్‌ రాజ్‌

పల్నాడు జిల్లా చీమలమరిలో వైసీపీ-టీడీపీ వర్గాల మధ్య ఘర్షణ

— పోలింగ్ కేంద్రం సమీపంలో రాళ్లు రువ్వుకున్న ఇరువర్గాలు

— చేతులెత్తేసిన పోలీసులు, ఆగిపోయిన పోలింగ్‌

— పదిమందికి తీవ్రగాయాలు, ఆస్పత్రికి తరలింపు

— భయాందోళనలో చీమలమరి గ్రామస్తులు

తిరుపతి దొడ్డపురంలో దొంగ ఓటర్లని పట్టుకున్న పోలీసులు.

దొంగ ఓట్లు వేసేందుకు వచ్చిన యువకులను పట్టుకున్న సీఆర్పీఎఫ్ పోలీసులు

లారీ దెబ్బలకి సొమ్మసిల్లిన యువకులు..

దొంగ ఓటర్లకు నీళ్ళు తాగించిన సీఆర్పీఎఫ్ సిబ్బంది.

-పల్నాడు జిల్లా దాచేపల్లి మండలం తంగెడ గ్రామంలో ఉద్రిక్తత

-వైసీపీ, టీడీపీ వర్గీయుల మధ్య ఘర్షణ

-నాటు బాంబులు, పెట్రోల్‌ సీసాలతో దాడులు

-రెవెన్యూ సిబ్బంది బైక్‌ దగ్ధం

-చీమలమర్రి గ్రామంలో ఉద్రిక్తత

-పరస్పరం రాళ్లు రువ్వుకున్న టీడీపీ వైసీపీ కార్యకర్తలు

-10 మందికి తీవ్రగాయాలు, ఆస్పత్రికి తరలింపు

-చీమలమర్రి గ్రామంలో నిలిచిపోయిన పోలింగ్‌

తెలంగాణ రాష్ట్ర వ్యాప్తంగా పోలింగ్ ఓటింగ్ ప్రక్రియ ఊపందుకుంది. అన్ని నియోజ‌క‌ వ‌ర్గాల ప‌రిధిలో ఓట‌ర్లు ఉత్సాహంతో ఓటు వేస్తున్నారు. పోలింగ్ కేంద్రాల వ‌ద్ద ఓట‌ర్లు బారులు తీరారు.. తెలంగాణ‌ లోని 17 పార్లమెంట్ నియోజ‌క‌ వ‌ర్గాల్లో సాయంత్రం 5 గంట‌ల వ‌ర‌కు 61.16 శాతం పోలింగ్ న‌మోదైంది..

ఆదిలాబాద్‌ నియోజకవర్గంలో 69.81 శాతం

భువ‌న‌గిరి – 72.34 శాతం

చేవెళ్ల – 53.15 శాతం

హైద‌రాబాద్‌ -39.17 శాతం

క‌రీంన‌గ‌ర్‌ – 67.67 శాతం

ఖ‌మ్మం – 70.76 శాతం

మ‌హ‌బూబాబాద్‌ – 68.60 శాతం

మ‌హ‌బూబ్‌ న‌గ‌ర్‌ – 68.40 శాతం

మ‌ల్కాజ్‌గిరి – 46.27 శాతం

మెద‌క్‌ – 71.33 శాతం

నాగ‌ర్‌ క‌ర్నూల్‌ – 66.53 శాతం

న‌ల్లగొండ‌ – 70.36 శాతం

నిజామాబాద్‌ – 67.96 శాతం

పెద్దప‌ల్లి – 63.86 శాతం
1
సికింద్రాబాద్‌ – 42.48 శాతం

వ‌రంగ‌ల్‌ – 64.08 శాతం

జ‌హీరాబాద్‌ – 71.91 శాతం

పార్లమెంట్ ఎన్నికల పోలింగ్ వేళ రాష్ట్ర రాజధాని హైదరాబాద్‌లో ఆసక్తికర పరిణామం చోటుచేసుకుంది. ఎంఐఎం ఎంపీ అభ్యర్థి అసదుద్దీన్ ఓవైసీ, బీజేపీ ఎంపీ అభ్యర్థి మాధవీలత ఎదురుపడ్డారు. ఈ ఘటన మీర్‌పేట్‌లో చోటుచేసుకుంది. ఈ క్రమంలో స్వల్ప ఉద్రిక్త వాతావరణాన్ని తలపించింది. ఇరు పార్టీ నాయకులు, కార్యకర్తలు భారీ ఎత్తున నినాదాలు చేశారు. ఎటూ కదలనీయకుండా కార్యకర్తలు ఇద్దరు అభ్యర్థుల వాహనాలు చుట్టుముట్టారు. విషయం తెలిసిన వెంటనే స్పాట్‌కు చేరుకున్న పోలీసులు పరిస్థితిని అదుపులోకి తీసుకున్నారు. భారీ బందోబస్తు మధ్య ఇద్దరు అభ్యర్థుల వాహనాలను అక్కడ నుంచి పంపించివేశారు.

జూబ్లీహిల్స్‌ పబ్లిక్‌స్కూల్‌లో ఓటేశారు మై హోమ్‌ గ్రూప్‌ ఛైర్మన్‌ జూపల్లి రామేశ్వర్‌రావు. యువత ఓటింగ్‌కు దూరంగా ఉండడం తనకు చాలా బాధ కలిగించిందని ఆయన అన్నారు. ఓటు వేసినప్పుడు మాత్రమే ప్రశ్నించే హక్కు ఉంటుందన్నారు. గ్రామీణ ప్రాంతాల్లో ఉన్న చైతన్యం పట్టణ ప్రాంతాల్లో లేకపోవడంతో ఓటింగ్‌ శాతం తగ్గుతోందని ఆయన అన్నారు.

అల్లూరి జిల్లాలో ఈవీఎంలు, వీవీప్యాట్‌లను ఆర్మీ హెలికాప్టర్‌తో స్ట్రాంగ్‌ రూమ్‌కు తరలించారు. ఏజెన్సీలోని రంపచోడవరం నియోజకవర్గంలో 4 గంటలకే పోలింగ్ ముగిసింది. అత్యంత సమస్యాత్మకమైన ప్రాంతాలైన వై రామవరం మండలంలోని.. గుర్తేడు, పాతకోట, బొడ్డగండి పోలింగ్ కేంద్రాల నుంచి హెలికాప్టర్‌తో రంపచోడవరానికి ఈవీఎంలు తీసుకొచ్చారు. స్థానిక ప్రభుత్వ డిగ్రీ కాలేజ్ స్ట్రాంగ్ రూమ్‌కు ఈవీఎంలు, వీవీ ప్యాట్‌లను తీసుకొచ్చారు ఎన్నికల అధికారులు.

విజయవాడ పోరంకి పోలింగ్ కేంద్రంలో తీవ్ర ఉద్రిక్తత నెలకొంది. టీడీపీ కార్యకర్తలు.. వైసీపీ శ్రేణులపై రాళ్లు, కర్రలతో దాడులకు దిగడంతో.. ఓటర్లు భయంతో పరుగులు తీశారు. TDP అభ్యర్థి బోడె ప్రసాద్ సమక్షంలో దాడులకు దిగారని వైసీపీ నేతలు చెబుతున్నారు. టీడీపీ నేతల దాడులపై ఆగ్రహం వ్యక్తం చేశారు వైసీపీ అభ్యర్థి జోగి రమేష్. దాడులకు దిగిన వారిపై కఠిన చర్యలు తీసుకోవాలని డిమాండ్ చేశారు.

ఊరేళ్లి ఎన్నికల్లో ఓటేద్దామని రైలుఎక్కిన ప్రయాణికులకు చుక్కలు చూపిస్తోంది. నాందేడ్‌- విశాఖ ట్రైన్‌. షెడ్యూల్‌ ప్రకారం ఈ ఉదయమే విశాఖ చేరుకోవాల్సిన ట్రైన్‌..9 గంటలకు పైగా ఆలస్యంగా నడుస్తోంది. దీంతో సాయంత్రానికి కూడా ఆ రైలు విశాఖకు చేరుకునే సూచనలు కనిపించడం లేదు. సాయంత్రం ఆరు వరకే ఓటువేసేందుకు అవకాశం ఉండడంతో తాము ఓటువేసే అవకాశం కోల్పోతామని ఆవేదన వ్యక్తం చేస్తున్నారు అందులోని ప్రయాణికులు. ఎన్నికల సంఘం స్పందించి గంట ఆలస్యమైనా తమకు ఓటువేసేందుకు అవకాశం కల్పించాలని కోరుతున్నారు ప్రయాణికులు.

గుంటూరు జిల్లా నరసరావుపేటలో తీవ్ర ఉద్రిక్తత చోటు చేసుకుంది. వైసీపీ ఎమ్మెల్యే అభ్యర్థి గోపిరెడ్డి శ్రీనివాస్ ఇంటిపై టీడీపీ కార్యకర్తలు దాడికి ప్రయత్నించారు. ఆయన కార్లను ధ్వంసం చేశారు. దీంతో రంగంలోకి దిగిన పోలీసులు నిరసనకారులపైకి రబ్బర్ బుల్లెట్లు ప్రయోగించారు.

సినీ నటుడు, గ్లోబల్ స్టార్ రామ్ చరణ్, ఆయన నతీమణి ఉపాసన‌తో కలిసి ఓటు వేశారు. జూబ్లీ క్లబ్ పోలింగ్ స్టేషన్‌లో తమ ఓటు హక్కు వినియోగించుకున్నారు. ఈ సందర్భంగా రామ్ చరణ్ మాట్లాడుతూ.. అందరూ బయటకి వచ్చి ఓటేయాలని పిలుపునిచ్చారు. ఓటు బరువు కాదు బాధ్యత అన్నారు. ఇళ్ళల్లో ఉన్న యువత బయటకు వచ్చి ఓటేయాలని కోరారు.

తెలంగాణ రాష్ట్ర వ్యాప్తంగా 17 నియోజకవర్గాల్లో మధ్యాహ్నం 3గంటల వరకు 52.34 శాతం పోలింగ్ నమోదు.

అదిలాబాద్ -62.44
భువనగిరి -62.05
చేవెళ్ల -45.35
హైద్రాబాద్ -29.47
కరీంనగర్-58.24
ఖమ్మం-63.67
మహబూబాబాద్-61.40
మహబూబ్నగర్-58.92
మల్కాజిగిరి-37.69
మెదక్-60.94
నాగర్ కర్నూల్ -57.17
నల్గొండ-59.91
నిజామాబాద్-58.70
పెద్దపల్లి-55.92
సికింద్రబాద్-34.58
వరంగల్-54.17
జహీరాబాద్-63.96

సికింద్రబాద్ కంటోన్మెంట్ అసెంబ్లీ ఉప ఎన్నిక ..39.92

ఏపీలో మధ్యాహ్నం 3 గంటలకు 55.49 శాతం పోలింగ్

కడపలో : 60.57 శాతం

చిత్తూరులో : 64.64 శాతం

బాపట్లలో : 59.49 శాతం

అల్లూరిలో : 48.87 శాతం

అనకాపల్లిలో : 53.45 శాతం

అనంతపురంలో : 54.25 శాతం

అన్నమయ్యలో : 54.44 శాతం

కృష్ణాలో : 59.39 శాతం

కోనసీమలో : 59.73 శాతం

నంద్యాలలో : 59.30 శాతం

విశాఖపట్నంలో : 46.21 శాతం

ఏలూరులో : 57.14 శాతం

పశ్చిమ గోదావరి జిల్లాలో : 54.60 శాతం

నెల్లూరులో : 58.14 శాతం

కర్నూలులో : 52.26 శాతం

ప్రకాశంజిల్లాలో : 59.96 శాతం

ఎన్టీఆర్‌ జిల్లాలో : 55.71 శాతం

విజయనగరంలో : 54.31 శాతం

తూర్పు గోదావరి జిల్లాలో : 52.32 శాతం

పల్నాడులో : 56.48 శాతం

శ్రీకాకుళంలో : 54.87 శాతం

తిరుపతిలో : 54.42 శాతం

గుంటూరులో : 52.24 శాతం

కాకినాడలో : 52.69 శాతం

సత్యసాయి జిల్లాలో : 57.56 శాతం

పార్వతీపురం మన్యం జిల్లాలో : 51.75 శాతం

మావోయిస్టు ప్రభావిత ప్రాంతాలైన ఖమ్మం, మహబూబాబాద్, పెద్దపల్లి, ఆదిలాబాద్, వరంగల్ పార్లమెంట్ సెగ్మెంట్ల పరిధిలోని 13 నియోజకవర్గాల్లో పోలింగ్ ముగిసింది. కొత్తగూడెం, ఇల్లెందు, అశ్వారావుపేట, భద్రాచలం, పినపాక, ములుగు, మంథని, బెల్లంపల్లి, మంచిర్యాల, చెన్నూరు, సిర్పూర్, ఆసిఫాబాద్, భూపాలపల్లి అసెంబ్లీ సెగ్మెంట్ల పరిధిలో పోలింగ్ క్లోజ్ అయింది. 4గంటలలోపు పోలింగ్ కేంద్రంలోకి వచ్చిన వారికే ఓటు వేసే అవకాశం ఇవ్వనున్నారు. ఈ 13 సెగ్మెంట్లను సమస్యాత్మక ప్రాంతాలుగా గుర్తించింది ఈసీ. మిగతా నియోజకవర్గాల్లో సాయంత్రం 6గంటల వరకు పోలింగ్ కొనసాగనుంది.

అన్నమయ్య జిల్లాలో మ. 3.00 గంటల వరకు 54.49 శాతం పోలింగ్ నమోదు..

రాజంపేట – 53.3 శాతం

కోడూరు (ఎస్.సి) – 54.33 శాతం

రాయచోటి – 53.45 శాతం

తంబళ్లపల్లి – 55.54 శాతం

పీలేరు – 57.25 శాతం

మదనపల్లి – 53.1 శాతం

తిరుపతి జిల్లా రామచంద్రా పురం మండలం బ్రాహ్మణ కాలువ గ్రామంలో టిడిపి, వైసీపీ వర్గీయుల మధ్య గొడవ నెలకొంది. అదుపు చేసే ప్రయత్నంలో భాగంగా CRPF పోలీసులు గాలిలో కాల్పులు జరిపారు. వైసీపీ అభ్యర్థి చెవిరెడ్డి మోహిత్ పోలింగ్ కేంద్రం వద్దకు వద్దకు చేరుకున్నారు.

అనంతపురం జిల్లాలో మధ్యాహ్నం మూడు గంటల వరకు 54.10 శాతం పోలింగ్ నమోదు

సత్యసాయి జిల్లాలో మధ్యాహ్నం మూడు గంటల వరకు 56.83 శాతం పోలింగ్ నమోదు

అంబేద్కర్ కోనసీమ జిల్లా వ్యాప్తంగా మధ్యాహ్నం 3 గంటల వరకు నమోదయిన పోలింగ్ శాతం 57.54

చిత్తూరు జిల్లా పరిధిలో మ. 3 గంటల వరకు 61.94 శాతం పోలింగ్

చిత్తూరు అసెంబ్లీ 64.33
కుప్పం 60.45
పూతలపట్టు 60.19
పలమనేరు 61.40
గంగాధర నెల్లూరు 66.93
నగరి 61.93
పుంగనూరు 59.30

చిత్తూరు పార్లమెంటు పరిధిలో 61.43 శాతం పోలింగ్ నమోదయింది

హైదరాబాద్‌లోని షేక్‌పేటలో ఓట్ల గల్లంతైయ్యాయి. మూడు వేల ఓట్లు తొలగించారని ఓటర్ల ఆందోళన చేపట్టారు. ఘటన స్థలానికి చేరుకున్నకేంద్రమంత్రి కిషన్‌రెడ్డి ఓటర్ల ఆందోళనకు మద్దతు తెలిపారు.  పోలింగ్ కేంద్రాల దగ్గర 144 సెక్షన్‌ విధించామన్నారు తెలంగాణ డీజీపీ. అల్లర్లకు పాల్పడితే కఠిన చర్యలు తీసుకుంటామన్నారు. సాయంత్రం వరకూ అలర్ట్‌గా ఉంటామని తెలిపారు డీజీపీ.

నెల్లూరు జిల్లాలో నమోదైన పోలింగ్ శాతం.. మ.3 గం.ల వరకు..

Nellore

కృష్ణా జిల్లాలో మధ్యాహ్నం మూడు గంటల వరకు నమోదైన ఓటింగ్ శాతం 59.39

అత్యధికంగా అవనిగడ్డ నియోజకవర్గం లో 62.11% ఓటింగ్ నమోదు.

శ్రీకాకుళo జిల్లాలోని 8 నియోజకవర్గాలలో మధ్యాహ్నం 3 గం.ల వరకు నమోదైన ఓటింగ్ శాతం 55.93

తెలంగాణలో అత్యధికంగా జహీరాబాద్‌లో 63.94%పోలింగ్

ఖమ్మం జిల్లాలో 63.67 శాతం పోలింగ్‌ నమోదు

మెదక్‌ జిల్లాలో 60.94 శాతం పోలింగ్‌ నమోదు

వరంగల్‌లో 54.17 శాతం పోలింగ్‌ నమోదు

కేవలం 20% పోలింగ్‌తో బాగా వెనకబడిన హైదరాబాద్‌ పోలింగ్ సరళి

సికింద్రాబాద్ కంటోన్మెంట్‌ అసెంబ్లీ బైపోల్‌లో ఇప్పటి29.03 శాతం పోలింగ్ నమోదు

బాపట్ల జిల్లాలోని పర్చూరు మండల పరిధిలో ని పలు గ్రామాలలో ఉరుములు, మెరుపులు ఈదురు గాలులతో కూడిన భారీ వర్షం .

ఓటు వేయడానికి వచ్చిన ఓటర్లు తీవ్ర ఇబ్బందులుపడుతున్నారు.

ఏపీలో 50%దాటి దూసుకుపోతున్న పోలింగ్‌ పర్సంటేజ్

మధ్యహ్నాం 3గంటల సమయానికి ఏపీలో 55.49% పోలింగ్

అత్యధికంగా చిత్తూరు జిల్లాలో 61.43 శాతం పోలింగ్

కడప జిల్లాలో 60.57% పోలింగ్ నమోదు

అన్ని జిల్లాలతో పోల్చితే తక్కువగా విశాఖలో పోలింగ్ సరళి

మధ్యాహ్నం  3గంటల సమయానికి విశాఖలో 46.01% పోలింగ్

ప్రకాశం జిల్లా:గిద్దలూరు మండలం నరవ గ్రామంలోని 210 పోలింగ్ బూత్‌లో గంటకు పైగా నిలిచిపోయిన పోలింగ్..

ఈవీఎంలు మొరాయించడంతో ఆగిపోయిన ఓటింగ్..

ఈవీఎంలకు మరమ్మత్తులు చేసేందుకు ప్రయత్నిస్తున్న అధికారులు..

ఉమ్మడి మహబూబ్ నగర్ జిల్లాలో మధ్యాహ్నాం గం. 3.00ల వరకు నమోదైన పోలింగ్ శాతం.

మహబూబ్ నగర్ – 58.92%

నాగర్ కర్నూల్ – 57.17%

ఉమ్మడి ఆదిలాబాద్ జిల్లా: మంచిర్యాల, బెల్లంపల్లి, చెన్నూర్ , సిర్పూర్ , ఆసిపాబాద్ నియోజకవర్గాల్లో నాలుగు గంటలకు ముగియనున్న పోలీంగ్

మూడు గంటల వరకు 60 శాతం పోలీంగ్ నమోదు

ఆదిలాబాద్ పార్లమెంట్ పరిదిలోని సిర్పూర్ , ఆసిపాబాద్ లో 65 శాతం పోలింగ్ నమోదు

అరకు, పాడేరు, రంపచోడవరంలో 4 గం.లకు పోలింగ్ పూర్తి

మరో 3 నియోజకవర్గాల్లో 5 గం.లకు ముగియనున్న పోలింగ్

పాలకొండ, కురుపాం, సాలూరులో 5 గంటలకు ముగియనున్న పోలింగ్

మిగిలిన 169 నియోజకవర్గాల్లో 6 గంటల వరకు ఓటింగ్

మ.3 గంటల వరకు జహీరాబాద్ లో అత్యధికంగా 63.96 శాతం పోలింగ్ నమోదయ్యింది.

ఆదిలాబాద్, భువనగిరి, ఖమ్మం, మహబూబాబాద్, మెదక్, జహీరాబాద్ లో 60 శాతం దాటిన పోలింగ్

అతి తక్కువగా హైదరాబాద్ లో 29.47 శాతం పోలింగ్

ఎన్టిఆర్ జిల్లా మ. 3.00 గంటల వరకు పోలింగ్ 55.71 శాతం నమోదు

Ntr Disct

ఏలూరు జిల్లా దెందులూరు మండలం కొవ్వలి పోలింగ్ కేంద్రం వద్ద ఉద్రిక్తత

వైసీపీ, టీడీపీ కార్యకర్తలు మధ్య ఘర్షణ.

పోలింగ్ బూత్‌లో ఏజెంట్ల వ్యవహారంలో చెలరేగిన వివాదం.

వైసీపీ, టీడీపీ కార్యకర్తల మధ్య వాగ్వివాదం, తోపులాట.

పలువురికి గాయాలు, ఏలూరు ప్రభుత్వ హాస్పిటల్ కి తరలింపు.

మధ్యాహ్నం 3.00 గంటల వరకు వివిధ రాష్ట్రాల్లో నమోదైన పోలింగ్ శాతం

ఆంధ్రప్రదేశ్ – 55.49%

బిహార్ – 45.23%

జమ్ము అండ్ కాశ్మీర్ – 29.93%

ఝార్ఖండ్ – 56.42%

మధ్యప్రదేశ్ – 59.63%

మహారాష్ట్ర – 42.35%

ఒడిశా – 52.91%

తెలంగాణ – 52.34%

ఉత్తర్ ప్రదేశ్ – 48.41%

పశ్చిమ బెంగాల్ – 66.05%

— 3గంటల సమయానికి ఏపీలో ఇప్పటికి 52.01% పోలింగ్

— 3గంటల సమయానికి తెలంగాణలో 52.30% పోలింగ్

— ఏపీలో ఉత్తరాంధ్రలో కాస్త మందకొడిగా పోలింగ్ సరళి

— విశాఖ, అరకుల్లో తక్కువగా 40%లోపు మాత్రమే పోలింగ్

— తెలంగాణలో అత్యధికంగా జహీరాబాద్‌లో 63.94%పోలింగ్

— మెదక్‌లో 60.94 శాతం పోలింగ్‌ నమోదు

— వరంగల్‌లో 54.17 శాతం పోలింగ్‌ నమోదు

— ఖమ్మంలో 63.67 శాతం పోలింగ్‌ నమోదు

— సికింద్రాబాద్ కంటోన్మెంట్‌ అసెంబ్లీ నియోజకవర్గం  బైపోల్‌లో ఇప్పటి వరకు 29.03 శాతం పోలింగ్ నమోదు

నిజామాబాద్ జిల్లా మోపాల్ మండలంలోని బైరాపూర్‌లో కాంగ్రెస్,బీజేపీ కార్యకర్తల మధ్య వాగ్వాదం, తోపులాట చోటు చేసుకుంది. దీంతో అరగంట పాటు పోలింగ్ నిలిపివేశారు ఎన్నికల అధికారులు. బీజేపీ కార్యకర్తలు ఓట్లు వేసేందుకు వచ్చి పోలింగ్ కేంద్రం దగ్గరే ఎక్కువ సేపటి నుంచి ఉంటున్నారని ఆరోపిస్తూ కాంగ్రెస్ నాయకుల నిరసన తెలిపారు. దీంతో రెండు పార్టీల మధ్య గొడవ తలెత్తింది.

— పల్నాడు జిల్లా జెట్టిపాలెం పోలింగ్ బూత్‌పై దాడి

— బూత్ నెం.215లో ఈవీఎల ధ్వంసం

— రెండుముక్కలైన ఈవీఎంలు, ఫర్నీచర్ ధ్వంసం

— టీడీపీ కార్యకర్తల విధ్వంసంతో నిలిచిపోయిన పోలింగ్

జగిత్యాల జిల్లా: మేడిపల్లి (భీమారం) మండలంలోని గోవిందరం బూత్ నెంబర్ 43లో ఉద్రిక్తత

బూత్ ఇంచార్జిగా నియమించిన కారోబర్ ఇతర పార్టీలకు ఓటు వేయాలని ప్రచారం చేస్తున్నాడని కాంగ్రెస్ నాయకుల ఆరోపణ

వెంటనే తనను విధుల నుంచి తొలగించాలని కాంగ్రెస్ శ్రేణుల నిరసన

అతనిపై యాక్షన్ తీసుకుంటామని రిటర్నింగ్ అధికారికి పిర్యాదు చేసిన అధికారులు

హైదరాబాద్: మేడ్చల్ జిల్లా ఉప్పల్‌ పోలింగ్ కేంద్రంలో గుండెపోటుతో మహిళ మృతి

పోలింగ్‌ కేంద్రంలో కుప్పకూలిన భరత్‌నగర్‌కు చెందిన విజయలక్ష్మి

ఆసుపత్రికి తరలించగా గుండెపోటుతో చనిపోయారని తెలిపిన వైద్యులు

ఆంధ్రప్రదేశ్ రాష్ట్రవ్యాప్తంగా మధ్యాహ్నం 2గంటల వరకు 50శాతం పోలింగ్‌ నమోదు.

గుంటూరు జిల్లా తెనాలి వైసీపీ ఎమ్మెల్యే శివకుమార్‌పై ఎన్నికల సంఘం ఆగ్రహం.

శివకుమార్‌ను వెంటనే అదుపులోకి తీసుకోవాలని పోలీసులకు ఆదేశం

పోలింగ్ పూర్తయ్యే వరకూ శివకుమార్‍ను గృహ నిర్బంధంలో ఉంచాలని ఎలక్షన్ కమిషన్ ఆదేశాలు

తెలంగాణ వ్యాప్తంగా పోలింగ్ ప్రశాంతంగా జరుగుతుందని సీఈవో వికాస్ రాజ్ తెలిపారు. మధ్యాహ్నం ఒంటి గంట వరకు 40శాతం దాటిందన్నారు. అయితే హైదరాబాద్‌లో మాత్రం 20 శాతం నమోదైందన్నారు. మరింత పెరుగుతుందని ఆశిస్తున్నామన్నారు. 2019తో పోల్చితే ఈ సమయానికి పోల్ శాతం బాగానే ఉందన్నారు. పలు సెగ్మెంట్లలో ఇప్పటికే 50 శాతం దాటిందన్న సీఈవో పోలింగ్ పూర్తయ్యే సమయానికి పెరుగుతుందన్నారు. పలు చోట్ల ఫిర్యాదులు వస్తున్నాయని, హైదరాబాద్ పార్లమెంట్ పరిధిలో బీజేపీ అభ్యర్థి కేసు నమోదు చేశామన్నారు. అటు జహీరాబాద్ , నిజామాబాద్ లో కేసులు వచ్చాయి. వచ్చే ఫిర్యాదులపై విచారణ చేస్తున్నామన్నారు సీఈవో వికాస్ రాజ్. సీఎం రేవంత్ రెడ్డి పై వచ్చిన కంప్లైంట్స్ పై విచారణ చేస్తామన్నారు.

లోక్ సభ ఎన్నికల సందర్భంగా సెలబ్రెటీలు తమ ఓటు హక్కు వినియోగించుకున్నారు. సినీ ప్రముఖులంతా హైదరాబాద్‌లో తమ ఓటు హక్కును వినియోగించుకున్నారు. ప్రజలంతా ఓటు హక్కును వినియోగించుకోవాలని సెలబ్రెటీలు పిలుపునిచ్చారు. సీనియర్ నటుడు బ్రహ్మానందం, గౌతం జూబ్లీహిల్స్ పబ్లిక్ స్కూల్లో తమ ఓటు హక్కు వినియోగించుకున్నారు.

వనపర్తి జిల్లా అమరచింత జడ్పీ హైస్కూల్‌లో 2 గంటలుగా పనిచేయని ఈవీఎం

పోలింగ్ బూత్‌ నంబర్‌ 228/77లో ఈవీఎంల మొరాయింపు

ఓటింగ్ నిలిపివేసిన ఎన్నికల అధికారులు

ఓటేసేందుకు క్యూ లైన్‌లో ఎదురుచూస్తున్న ఓటర్లు

విజయనగరం జిల్లా గజపతినగరం మండలం కొత్త శ్రీరంగరాజపురంలో నిలిచిపోయిన పోలింగ్

పోలింగ్ కేంద్రంలో పోలింగ్ ఆఫీసర్ రాంబాబు తెలుగుదేశం పార్టీకి సహకరిస్తున్నారని ఆరోపణ.

వృద్దుల ఓట్లును వైసీపీకి బదులు టీడీపీకి వేస్తున్నారని ఏజెంట్ ఆరోపణ

ఆందోళనకు దిగిన ఓటర్లు. విచారణ నిమిత్తం పీవోని అదుపులోకి తీసుకున్న పోలీసులు

గుంటూరు పశ్చిమలో దొంగ ఓట్లు కలకలం సృష్టించాయి.

విద్యానగర్‌లో దొంగ ఓట్లు వేస్తున్నారని మంత్రి రజినికి సమాచారం ఇచ్చిన ఏజెంట్

పోలింగ్ కేంద్రానికి వచ్చిన రజిని, అప్పిరెడ్డి

అధికారులతో వాగ్వాదం

పోలింగ్ కేంద్రం బయట లాఠీ ఛార్జ్ చేసి కార్యకర్తలను చెదరగొట్టిన పోలీసులు

కర్నూలు జిల్లా ఆదోని వైసీపీ అభ్యర్థి సాయి ప్రసాద్ రెడ్డి పై ఈసీకి ఫిర్యాదు చేశారు టీడీపీ నాయకులు. ఓటర్ స్లిప్పులపై వైసీపీ అభ్యర్థి ఫోటో ముద్రణపై ఫిర్యాదు. విచారణ చేపట్టారు మున్సిపల్ అధికారులు. ఎన్నికల నిబంధనల ఉల్లంఘన చట్టం కింద సాయి ప్రసాద్ రెడ్డి పై 2వ పట్టణ పోలీసులు కేసు నమోదు చేశారు.

— పల్నాడు జిల్లా పాల్వాయిగేటు దగ్గర ఉద్రిక్తత

— ఎమ్మెల్యే పిన్నెల్లి కారుపై టీడీపీ కార్యకర్తల దాడి

— పిన్నెల్లి రామకృష్ణారెడ్డి కారు అద్దాలు ధ్వంసం

— పోలింగ్‌ను పరిశీలించేందుకు వెళ్లిన సమయంలో ఘటన.

బీఆర్ఎస్ పార్టీ వర్కింగ్ ప్రెసిడెంట్ కేటీఆర్‌పై ఎన్నికల అధికారికి కాంగ్రెస్ నేతలు ఫిర్యాదు చేశారు. ఓటు వేసిన తర్వాత మీడియాను అడ్రస్ చేస్తూ తెలంగాణ తెచ్చిన నేతకు ఓటు వేయాలని కేటీఆర్ కోరారు. కేటీఆర్ వ్యాఖ్యలను తీవ్రంగా పరిగణించిన కాంగ్రెస్ నేతలు, ఎన్నికల నిబంధనలకు విరుద్ధంగా ఉన్నాయని చర్యలు తీసుకోవాలని ఫిర్యాదు చేశారు.

హైదరాబాద్ పార్లమెంటు బీజేపీ అభ్యర్థి మాధవీలతపై హైదరాబాద్ జిల్లా ఎన్నికల అధికారి రోనాల్డ్ రాస్ సీరియస్ అయ్యారు. ముస్లిం మహిళల నకాబ్ తొలగించి పరిశీలించినందుకు ఎన్నికల అధికారి ఆగ్రహం వ్యక్తం చేశారు. ఎన్నికల నిబంధనలకు విరుద్ధంగా ప్రవర్తించినందుకు ఎఫ్ఐఆర్ నమోదు చేయాలని పోలీసులకు ఆదేశించారు.

తెలంగాణలో మధ్యాహ్నం 1 గంట వరకు 40.38 శాతం పోలింగ్‌

తెలంగాణ రాష్ట్ర వ్యాప్తంగా మధ్యాహ్నం 1 గంట వరకు 40.38 శాతం పోలింగ్‌ నమోదు అయ్యినట్లు ఎన్నికల సంఘం అధికారులు అప్రకటించారు.
జిల్లాల వారీగా చూస్తే..

అదిలాబాద్ – 50.18 శాతం

భువనగిరి – 46.49 శాతం

చేవెళ్ల – 34.56 శాతం

హైదరాబాద్ – 19.37 శాతం

కరీంనగర్ – 45.11 శాతం

ఖమ్మం- 50.63 శాతం

మహబూబాబాద్-48.81 శాతం

మహబూబ్ నగర్-45.84 శాతం

మల్కాజిగిరి- 27.69 శాతం

మెదక్- 46.72 శాతం

నాగర్ కర్నూల్ -45.88 శాతం

నల్గొండ- 48.48 శాతం

నిజామాబాద్- 45.67 శాతం

పెద్దపల్లి- 44.87 శాతం

సికింద్రాబాద్- 24.91 శాతం

వరంగల్- 41.23 శాతం

జహీరాబాద్-50.71 శాతం

సికింద్రాబాద్ కంటోన్మెంట్ (అసెంబ్లీ ఉప ఎన్నక)-29.03 శాతం

Actor Nani

సినీ నటుడు నాచురల్ స్టార్ నాని లోక్‌సభ ఎన్నికల సందర్భంగా గచ్చిబౌలిలో తన ఓటు హక్కు వినియోగించుకున్నారు. తన సతీమణితో కలిసి పోలింగ్ కేంద్రానికి విచ్చేసిన ఆయన ఓటేసి సిరా గుర్తు చూపించారు.

ఆంధ్రప్రదేశ్ రాష్ట్రంలో జరగుతున్న అసెంబ్లీ ఎన్నికలకు భారీ ఓటింగ్ నమోదవుతోంది. మొదటి ఆరు గంటల్లో 40.26 శాతం మేర పోలింగ్ నమోదు అయ్యింది. ఇప్పటి వరకు ఓటు హక్కు వినియోగించుకున్న 1.70 కోట్ల మంది ఓటర్లు

అల్లూరి 32.80

అనకాపల్లి 37

అనంతపురం 39.82

అన్నమయ్య 39.60

బాపట్ల 44.45

చిత్తూరు 44.50

కోనసీమ 44.03

తూ.గోదావరి 38.54

ఏలూరు 38.76

గుంటూరు 40.12

కాకినాడ 38.25

కృష్ణా 44.50

కర్నూలు 38

నంద్యాల 44.20

ఎన్టీఆర్ జిల్లా 39.60

పల్నాడు 40.53

పార్వతిపురం మన్యం 34.87

ప్రకాశం 42.78

నెల్లూరు 42.38

సత్యసాయి 38.10

శ్రీకాకుళం 40.56

తిరుపతి 39.14

విశాఖ 33.72

విజయనగరం 40.30

ప.గోదావరి 39.50

కడప 45.56

Ap Poll 1pm

ఆంధ్రప్రదేశ్‌లో పోలింగ్ కోసం ఓటర్లు పోటెత్తారు. భారీగా తరలించిన ఓటర్లతో క్యూ లైన్లు అంతకంతకు పెరుగుతున్నాయి. ఈ క్రమంలోనే మధ్యాహ్నం ఒంటిగంట వరకు 40.26 శాతం మేర పోలింగ్ నమోదైనట్లు ఎన్నికల సంఘం అధికారులు ప్రకటించారు. ఇప్పటి వరకు 1.70 కోట్ల మంది ఓటర్లు తమ ఓటు హక్కు వినియోగించుకున్నారు. అత్యధికంగా కడప జిల్లాలో 45.5 శాతం మేర పోలింగ్ నమోదైంది. తర్వాతి స్థానాల్లో కృష్ణా, కోనసీమ, చిత్తూరు, బాపట్ల, నంద్యాల జిల్లాలు ఉన్నాయి. ఇక అత్యల్పంగా అల్లూరి జిల్లాలో 32.80 శాతం మేర పోలింగ్ నమోదైంది. ఇక సీఎం వైఎస్ జగన్ సొంత నియోజకవర్గం పులివెందులలో 50 శాతం పోలింగ్ పూర్తి అయ్యింది.

హైదరాబాద్‌లో 20శాతం పోలింగ్‌ నమోదైందని సీఈవో వికాస్ రాజ్ తెలిపారు. ఓటర్‌ స్లిప్‌లను పరిశీలించడం కోడ్‌ ఉల్లంఘనే అంటూ సీఈవో పేర్కొన్నారు. రేవంత్‌ మీద వచ్చిన ఫిర్యాదులపై విచారణ చేస్తున్నామని.. మాధవిలతపై కేసు నమోదు చేశామని తెలిపారు.

తెలంగాణలో పోలింగ్‌ ప్రశాంతంగా జరుగుతోందని.. 2019తో పోలిస్తే పోలింగ్‌శాతం బాగానే ఉందన్నారు. కొన్ని నియోజకవర్గాల్లో పోలింగ్‌ 50శాతం దాటిందని వికాస్ రాజ్ తెలిపారు.

కొన్ని చోట్ల ఘర్షణలు, దాడులతో ఏపీలో పోలింగ్ కొనసాగుతోంది. నెల్లూరు జిల్లా దగదర్తిలో పోలింగ్ సందర్భంగా ఉద్రిక్తత చోటు చేసుకుంది. వైసీపీ, టీడీపీ వర్గాల మధ్య తోపులాట చోటు చేసుకుంది. పరస్పరం దాడికి యత్నించాయి ఇరువర్గాలు.

ఆంధ్రప్రదేశ్‌లో మధ్యాహ్నం ఒంటిగంట వరకు 40.38 శాతం పోలింగ్‌ నమోదైంది.

పోలింగ్ స్టేషన్ లో ముస్లిం మహిళా నకాబ్ తొలగించి పరిశీలించిన హైదరాబాద్ పార్లమెంట్ బిజెపి అభ్యర్థిపై ఎఫ్ఐఆర్ నమోదు చే చేయాలని జిల్లా ఎన్నికల అధికారి రోనాల్డ్ రోస్ ఆదేశించారు.

తెలంగాణ రాష్ట్ర వ్యాప్తంగా మధ్యాహ్నం ఒంటిగంట వరకు 40% వరకు ఓటింగ్ నమోదయింది.

తెలంగాణ ముఖ్యమంత్రి రేవంత్ రెడ్డిపై బీజేపీకి ఎన్నికల సంఘం ఫిర్యాదు చేసింది. ఓటు వేసిన తర్వాత ప్రెస్ మీట్ పెట్టి రాజకీయ వ్యాఖ్యలు చేశారంటూ ఫిర్యాదు చేశారు.

• టీవీ9 ఓటర్‌ సెల్ఫీ ఛాలెంజ్‌కి భారీ రెస్పాన్స్
• గంటగంటకూ వేలల్లో సెల్ఫీల సునామీ
• ఇప్పటి వరకూ 3 లక్షలకుపైగా సెల్ఫీలు
• ఓటర్‌ సెల్ఫీలు ఓవర్‌ఫ్లో అవడంతో.. టీవీ9 నంబర్‌కి సేవలు నిలిపివేసిన వాట్సప్‌
• ఇకపై మీ సెల్ఫీలు టెలిగ్రామ్‌ నంబర్‌కు పంపాలి
• టీవీ9 టెలిగ్రామ్ నంబర్‌ : 99 482 54 52 8

మంగళగిరి నియోజకవర్గంలో చంద్రబాబు, లోకేష్, భువనేశ్వరి, బ్రాహ్మణి ఓటు హక్కు వినియోగించుకున్నారు. ఉండవల్లి గ్రామ పంచాయతీ రోడ్ లో ఉన్న మండల పరిషత్ ప్రాథమికోన్నత పాఠశాలలో చంద్రబాబుతోపాటు కుటుంబ సభ్యులు ఓటు హక్కు వినియోగించుకున్నారు.

ఎన్టీఆర్ జిల్లా నవాబుపేటలో పోలింగ్ కేంద్రంలో ఏజెంట్ల మధ్య ఘర్షణ చోటుచేసుకుంది. దీంతో పోలీసులు లాఠీఛార్జ్ చేసి చెదరగొట్టారు. ఏజెంట్ల మధ్య ఘర్షణతో భయబ్రాంతులకు గురైన ఓటర్లు అక్కడి నుంచి పరుగులు తీశారు. దీంతో పోలీసు బలగాలు భారీగా చేరుకుని పరిస్థితిని అదుపులోకి తీసుకువచ్చాయి.

బిజెపి అభ్యర్థి మాధవి లత ఓటర్ల గుర్తింపు కార్డులను తనిఖీ చేస్తున్న వీడియోపై సీఎం రేవంత్ రెడ్డి స్పందించారు. దీని గురించి మీడియా తెలంగాణ సిఎం రేవంత్ రెడ్డిని ప్రశ్నించగా.. ఆయన మాట్లాడుతూ.. తాను వీడియో చూడలేదని.. కానీ బిజెపి కేవలం ముస్లిం ఓట్లను పోలరైజ్ చేయడానికి ప్రయత్నిస్తోందన్నారు.

హైదరాబాద్ లోక్ సభ నియోజకవర్గంలో పోలింగ్ మందకొడిగా కొనసాగుతోంది. ఉదయం నుంచి తక్కువ శాతం పోలింగ్ నమోదైంది. కాగా.. హైదరాబాద్ బీజేపీ అభ్యర్థి మాధవి లత నియోజకవర్గంలోని పోలింగ్ బూత్‌లను సందర్శిస్తూ స్వయంగా ఐడీ కార్డులు తనిఖీలు చేస్తూ కనిపించారు.

• కడపలో 27.17 శాతం
• చిత్తూరులో 26.10శాతం
• బాపట్లలో 26.80 శాతం
• అల్లూరిలో 18.43 శాతం
• అనకాపల్లిలో 19.97 శాతం
• అనంతపురంలో 23.91 శాతం
• అన్నమయ్యలో 22.28 శాతం
• కృష్ణాలో 26.14 శాతం
• కోనసీమలో 26.81 శాతం
• నంద్యాలలో 26.60 శాతం
• విశాఖలో 20.42 శాతం
• ఏలూరులో 24.40 శాతం
• ప.గో.లో23.35 శాతం
• నెల్లూరులో 23.60 శాతం
• కర్నూలులో 21.90 శాతం
• ప్రకాశంజిల్లాలో 24.10 శాతం
• ఎన్టీఆర్‌ జిల్లాలో 29 శాతం
• విజయనగరంలో 23.19 శాతం
• తూ.గో.లో 21.79 శాతం
• పల్నాడులో 23.18 శాతం
• శ్రీకాకుళంలో 21.54 శాతం
• తిరుపతిలో 22.80 శాతం
• గుంటూరులో 24.28 శాతం
• కాకినాడలో 21.45 శాతం
• సత్యసాయి జిల్లాలో 20.58 శాతం
• మన్యంజిల్లాలో 18.61 శాతం

కడప జిల్లా జమ్మలమడుగులో ఉద్రిక్తత చోటు చేసుకుంది. వైసీపీ, కూటమి కార్యకర్తలు ఎదురుపడటంతో మాటా, మాటా పెరిగి ఇరువర్గాలు దాడికి యత్నించాయి. రెండువర్గాలను పోలీసులు చెదరగొట్టారు.

తెలంగాణ రాష్ట్ర వ్యాప్తంగా 11 గంటల వరకు నమోదు అయినా పోలింగ్ శాతం..24.31

• అదిలాబాద్ -31.51
• భువనగిరి -27.97
• చేవెళ్ల -20.35
• హైద్రాబాద్ -10.70
• కరీంనగర్-26.14
• ఖమ్మం-31.56
• మహబూబాబాద్-30.70
• మహబూబ్నగర్-26.99
• మల్కాజిగిరి-15.05
• మెదక్-28.32
• నాగర్ కర్నూల్ -27.74
• నల్గొండ-31.21
• నిజామాబాద్-28.26
• పెద్దపల్లి-26.17
• సికింద్రబాద్-15.77
• వరంగల్-24.18
• జహీరాబాద్-31.83

సికింద్రబాద్ కంటోన్మెంట్..16.34

• ఏపీలో 11 గంటల వరకు 23.4 శాతం పోలింగ్‌ నమోదు అయింది..

ఏలూరు జిల్లా కైకలూరు మండలం వింజరంలో విషాదం చోటుచేసుకుంది. ఓటు వేసేందుకు వచ్చి క్యూలైన్‌లో నిల్చున్న ఓటర్ గోలి ప్రభాకర్‌రావు కుప్పకూలి మృతి చెందాడు..

కొడంగల్ జిల్లా పరిషత్ బాలుర ఉన్నత పాఠశాల పోలింగ్ స్టేషన్ – 237లో సీఎం రేవంత్ రెడ్డి కుటుంబ సభ్యులతో కలిసి ఓటు హక్కు వినియోగించుకున్నారు.

మాజీ ముఖ్యమంత్రి కేసీఆర్ ఓటు హక్కును వినియోగించుకున్నారు.  కేసీఆర్ స్వగ్రామం చింత మడకలో కేవీఆర్ఎస్ జిల్లా పరిషత్ ఉన్నత పాఠశాలలోనీ పోలింగ్ బూత్ లో కుటుంబ సమేతంగా కేసీఆర్ ఓటు హక్కును వినియోగించుకున్నారు.

చిత్తూరు జిల్లా గుడిపాల మండలం మండి కృష్ణపురంలో ఉద్రిక్తత చోటుచేసుకుంది. వైసిపి ఏజెంట్ సురేష్‌పై కత్తితో దాడి చేశారు. సురేష్ పరిస్థితి విషమించడంతో చిత్తూరు ప్రభుత్వ ఆసుపత్రికి తరలించారు. సమాచారం అందుకున్న వైసీపీ అభ్యర్థి విజయానంద రెడ్డి ఆసుపత్రికి చేరుకుని సురేష్ ని పరామర్శించారు. నిందితులపై హత్యాయత్నం కేసు నమోదు చేసి.. అరెస్ట్ చేసినట్టు ఎన్నికల అధికారి జాయింట్ కలెక్టర్ శ్రీనివాసులు వెల్లడించారు.

పిఠాపురంలో వైసీపీ అభ్యర్థి వంగా గీత ఓటు హక్కును వినియోగించుకున్నారు.

వీడియో చూడండి..

బొట్లపాలెం పోలింగ్ కేంద్రంలో ఓటర్ల మధ్య తోపులాట జరిగింది. దీంతో కేంద్రంలోని ఈవీఎం కింద పడిపోయింది.. అయితే.. పోలింగ్ ప్రక్రియకు ఎలాంటి ఇబ్బందీలేదని కలెక్టర్ దినేష్ కుమార్ ప్రరకటించారు. ఓటింగ్ పునరుద్ధరణకు చర్యలు తీసుకున్నామని.. బాధ్యులపై క్రిమినల్ చర్యలు తీసుకోవాలని కలెక్టర్ ఆదేశించారు. ఘటన స్థలానికి వెళ్లాలని సాయుధ బలగాలు, రిటర్నింగ్ ఆఫీసరుకు ఆదేశించారు.

ఓటు వేసేందుకు సీఎం రేవంత్ రెడ్డి కొడంగల్ కు బయలుదేరారు. హైదరాబాద్ నుంచి రోడ్డు మార్గంలో కొడంగల్ కు బయలుదేరిన ముఖ్యమంత్రి రేవంత్ రెడ్డి.. కొడంగల్ లోని జెడ్పీహెచ్ఎస్ బాయ్స్ స్కూల్లో తన ఓటు హక్కును వినియోగించుకొనున్నారు.

ఉదయాన్నే పెద్ద ఎత్తున ಓటర్లు పోలింగ్ స్టేషన్ల దగ్గర బారులు తీరడం ఆనందం కలిగిస్తోందని వైసీపీ ప్రధాన కార్యదర్శి సజ్జల రామకృష్ణారెడ్డి అన్నారు. పోలింగ్‌ ఏర్పాట్లు బాగున్నాయన్న సజ్జల.. ప్రతీ ఒక్కరు ఓటు వేసి మంచి ప్రభుత్వాన్ని ఎన్నుకోవాలని పిలుపునిచ్చారు.

తెలంగాణలో 9 గంటల వరకు 9.51 శాతం పోలింగ్ నమోదు..

• ఆదిలాబాద్‌లో 13.22 శాతం
• జహీరాబాద్‌లో 12.88 శాతం
• నల్గొండలో 12.80 శాతం
• ఖమ్మంలో 12.24 శాతం
• మహబూబాబాద్‌లో 11.94 శాతం
• మెదక్‌లో 10.99 శాతం
• నిజామాబాద్‌లో 10.91 శాతం
• భువనగిరిలో 10.54 శాతం
• మహబూబ్‌నగర్‌లో 10.33 శాతం
• కరీంనగర్‌లో 10.23 శాతం
• నాగర్‌కర్నూల్‌లో 9.81 శాతం
• పెద్దపల్లిలో 9.53శాతం
• వరంగల్‌లో 8.97 శాతం
• చేవెళ్లలో 8.29 శాతం
• మల్కాజ్‌గిరిలో 6.20 శాతం
• హైదరాబాద్‌లో 5.6 శాతం
• సికింద్రాబాద్‌లో 5.40 శాతం

ఉప ఎన్నికలో..

సికింద్రాబాద్ కంటోన్మెంట్‌లో 6.28 శాతం

ఏపీలో 9 గంటల వరకు 9.21 శాతం పోలింగ్‌ నమోదు..

• కడపలో 12.09 శాతం
• చిత్తూరులో 11.84శాతం
• బాపట్లలో 11.36 శాతం
• అల్లూరిలో 6.77 శాతం
• అనకాపల్లిలో 8.37 శాతం
• అనంతపురంలో 9.18 శాతం
• అన్నమయ్యలో 9.89 శాతం
• కృష్ణాలో 10.80 శాతం
• కోనసీమలో 10.42 శాతం
• నంద్యాలలో 10.32 శాతం
• విశాఖలో 10.24 శాతం
• ఏలూరులో 9.9 శాతం
• ప.గో.లో 9.57 శాతం
• నెల్లూరులో 9.51 శాతం
• కర్నూలులో 9.34 శాతం
• ప్రకాశంజిల్లాలో 9.14 శాతం
• ఎన్టీఆర్‌ జిల్లాలో 8.95 శాతం
• విజయనగరంలో 8.77 శాతం
• తూ.గో.లో 8.68 శాతం
• పల్నాడులో 8.53 శాతం
• శ్రీకాకుళంలో 8.30 శాతం
• తిరుపతిలో 8.11 శాతం
• గుంటూరులో 6.17 శాతం
• కాకినాడలో 7.95 శాతం
• సత్యసాయి జిల్లాలో 6.92 శాతం
• మన్యంజిల్లాలో 6.30 శాతం

సిద్దిపేటలో మాజీమంత్రి హరీష్‌రావు ఓటు హక్కు వినియోగించుకున్నారు. గతంలో కంటే పట్టణాల్లో పోలింగ్‌ శాతం పెరుగుతోందని.. మేధావులు, విద్యావంతులు పోలింగ్‌లో పాల్గొనాలని పిలుపునిచ్చారు. ప్రజాస్వామ్యం బలపడాలంటే ప్రజలు ఓటు వేయాలని హరీష్ రావు కోరారు.

ఉదయం నుంచి అర్బన్ పార్లమెంట్‌ స్థానాల్లో మందకొడిగా పోలింగ్ సాగుతున్నట్లు అధికారులు పేర్కొంటున్నారు. ఓటు వేసేందుకు నగరవాసులు ఆసక్తి చూపడంలేదు.. అత్యల్పంగా హైదరాబాద్‌లో 5.06 శాతం పోలింగ్‌ నమోదు అయింది. సికింద్రాబాద్‌ కంటోన్మెంట్‌ అసెంబ్లీ స్థానంలో కూడా మందకొడిగా పోలింగ్‌ కొనసాగుతోంది..

హైదరాబాద్ పాతబస్తీలో మందకొడిగా సాగుతున్న పోలింగ్.. ఓటర్లు లేక వెలవెలబోతున్న కేంద్రాలు..

10 రాష్ట్రాల్లో నాలుగో విడత పోలింగ్‌ ప్రశాంతంగా కొనసాగుతోంది..

10 రాష్ట్రాల్లో ఉదయం 9 గంటల వరకు నమోదైన ఓటింగ్ శాతం- 10.35%

ఆంధ్రప్రదేశ్ – 9.05%

బీహార్ -10.18%

జమ్మూ అండ్ కాశ్మీర్ – 5.07%

జార్ఖండ్ -11.78%

మధ్యప్రదేశ్ -14.97%

మహారాష్ట్ర – 6.45%

ఒడిస్సా – 9.23%

తెలంగాణ – 9.51%

ఉత్తర ప్రదేశ్ – 11.67%

వెస్ట్ బెంగాల్ – 15.24%

అన్నమయ్య జిల్లాలోని రైల్వే కోడూరు నియోజకవర్గం పుల్లంపేట మండలం దలువాయిపల్లిలో ఉద్రిక్తత నెలకొంది.. కొందరు వ్యక్తులు ఈవీఎంలను పగలగొట్టారు. దీంతో పోలింగ్ ఆగిపోయింది..

సార్వత్రిక ఎన్నికల్లో నాలుగో విడత పోలింగ్ కొనసాగుతోంది. ఇందులో భాగంగా కశ్మీరీ పండిట్ల కోసం జమ్ములోని బర్నాయ్‌లో ప్రత్యేక పోలింగ్ కేంద్రం ఏర్పాటు చేశారు. కాశ్మీరీ పండిట్లు భారీ సంఖ్యలో తరలివచ్చి ఇక్కడ ఓటు హక్కు వినియోగించుకున్నారు.

హిందూపురంలో బాలకృష్ణ ఓటు హక్కును వినియోగించుకున్నారు. ప్రజాస్వామ్య రక్షణకు పవిత్రమైన ఆయుధం ఓటు అని.. ప్రజలందరూ ఓటు హక్కు వినియోగించుకోవాలని బాలకృష్ణ కోరారు.

నల్గొండలో ఓటు హక్కు వినియోగించుకున్న జిల్లా కలెక్టర్ దాసరి హరిచందన. అందరూ ఓటు హక్కును వినియోగించుకోవాలని పిలుపు

ఎలక్షన్‌ మానిటరింగ్ టీమ్‌తో CEO వికాస్‌రాజ్‌భేటీ అయ్యారు. ఈవీఎంల మొరాయింపు, ఫిర్యాదులపై సమీక్ష చేస్తున్నారు. సమస్యాత్మకమైన ప్రాంతాల్లో కేంద్ర బలగాలను మోహరించినట్లు వికాస్ రాజ్ తెలిపారు. సమస్యలు ఉంటే 1950కి ఫిర్యాదు చేయాలని వికాస్‌రాజ్ సూచించారు.

తెలంగాణలో లోక్ సభ ఎన్నికల పోలింగ్ ప్రశాంతంగా జరుగుతోంది.. తెలంగాణ రాష్ట్ర వ్యాప్తంగా ఉదయం 9.30 గంటల వరకు 9.51 పోలింగ్ శాతం నమోదు అయినట్లు అధికారులు తెలిపారు.

విజయనగరంలో ఓటు వేసేందుకు వచ్చి క్యూలైన్‌లో నిల్చున్న వృద్ధురాలు మృతి చెందింది. నెల్లిమర్ల నియోజకవర్గం తంగుడుబిల్లిలో ఓటు వేసేందుకు వచ్చిన వృద్ధురాలు.. చాలా సేపు నిల్చొని కుప్పకూలింది.. మృతురాలు పలూరి పెంటమ్మగా గుర్తించారు. ఓటర్లకు సరైన ఏర్పాట్లు చేయకపోవడంతో ఎండ వేడిమి తట్టుకోలేక మృతి చెందినట్లు స్థానికులు అధికారులపై మండిపడుతున్నారు.

నాగర్ కర్నూలు జిల్లాలోని బల్మూర్ మండలం మైలారం గ్రామస్తులు ఎన్నికలను బహిష్కరించారు. దీంతో ఓటర్లు లేక 179 వ పోలింగ్ కేంద్రం వెలవెలబోతోంది.. గ్రామంలో ఉన్న గుట్ట మైనింగ్ ను రద్దు చేయాలంటూ ప్రజలు ఎన్నికలను బహిష్కరించారు. విషయం తెలుసుకొని గ్రామానికి చేరుకున్న ఆర్డీవో మాధవి.. ఓటర్లతో చర్చిస్తున్నారు. మైనింగ్ NOC ని రద్దు చేసే వరకు ఎన్నికలలో పాల్గొనమని గ్రామస్థుల స్పష్టం చేశారు.

పిఠాపురం 153వ బూత్ లో కరెంటు లేదని ఓటర్లు నిరసన తెలిపారు. ఎమ్మెల్యే ఈవీఎంలలో చీకట్లో ఉన్నాయంటూ సామాజిక కార్యకర్తలు ఆందోళన వ్యక్తంచేశారు. ఈవీఎంలలో గుర్తులు కనిపించడం లేదని అధికారులను ప్రశ్నించారు.

ఖమ్మం జిల్లాలోని ఏన్కూర్ మండలం రాయమాదారం గ్రామ ప్రజలు పోలింగ్ ను బహిష్కరించారు.  ఎన్ఎస్పీ కాలువ పై బ్రిడ్జి నిర్మించలేదని.. నిర్మించాలంటూ నిరసన తెలుపుతున్నారు.