Church Controversy: పాత ఫాదర్ వర్సెస్ కొత్త ఫాదర్.. ప్రార్థనల కోసం పోటా పోటీ..
Father vs Father: గుంటూరు జిల్లాలోని వెస్ట్ పారిస్ చర్చిలో పాత ఫాదర్ వర్సెస్ కొత్త ఫాదర్ మధ్య వివాదం పీక్స్కు వెళ్లింది. ఆదివారం ప్రార్థనల సమయంలో ఒక్కొక్కరుగా చర్చికి చేరుకుంటున్నారు. ఆ సమయంలో..
ఆదివారం వచ్చిందంటే చాలు అక్కడ వివాదం.. దేవుడికి ప్రార్థనలు చేసేది తామంటే.. తామంటూ పోరుకుదిగుతున్నారు. గుంటూరు జిల్లాలోని వెస్ట్ పారిస్ చర్చిలో పాత ఫాదర్ వర్సెస్ కొత్త ఫాదర్ మధ్య వివాదం పీక్స్కు వెళ్లింది. ఆదివారం ప్రార్థనల సమయంలో ఒక్కొక్కరుగా చర్చికి చేరుకుంటున్నారు. ఆ సమయంలో అగ్గిరాజుకుంది. రెండు వర్గాలుగా విడిపోయిన కొంతమంది దూషణలకు దిగారు. కొట్టుకున్నంత పనిచేశారు. గలాట చూసి ప్రార్థనల కోసం వచ్చినవాళ్లంతా అవాక్కయ్యారు. ఫాదర్లు మాత్రం చోద్యం చూస్తూ ఉండిపోయారు.
చర్చిలో ఆధిపత్యపోరు, వాగ్వాదంపై సమాచారం అందుకున్న పోలీసులు స్పాట్కు చేరుకున్నారు. వివాదాన్ని పరిష్కరించేందుకు ప్రయత్నించారు. కానీ రెండు వర్గాలు మాత్రం ఎవరి మాట వినిపించుకోలేదు. తప్పంతా మీదేనంటూ పరస్పరం ఆరోపణలు చేసుకున్నారు. పరిస్థితి చేయి దాటకుండా పోలీసులు మోహరించారు.
బిషప్ నియామకంలో విభేదాలే గొడవకు కారణంగా తెలుస్తోంది. ఏలియా, పరదేశీ వర్గాల మధ్య చాలా రోజులుగా ఈ వ్యవహారంపై వివాదం నడుస్తోంది. ఇవాళ ఆదివారం ఉదయం.. పైగా ప్రార్థనలు జరిగే సమయం కావడంతో గొడవకు మరింత ఆజ్యం పోశారు కొంతమంది. మిగతావాళ్లంతా వారిని వారించేందుకు ప్రయత్నించారు. ఈ క్రమంలోనే వాగ్వాదం కాస్త గొడవకు దారితీసింది.