చిన్నారుల మరణాలు.. ఆస్పత్రుల్లో మృత్యుఘంటికలు

ప్రభుత్వాస్పత్రులు చిన్నారుల మరణాలకు కేరాఫ్ అడ్రస్‌గా మారుతున్నాయి. అభంశుభం తెలియని పిల్లల జీవితాన్ని చిన్నతనంలోనే చిధిమేస్తున్నాయి. అనంతపురం జిల్లా ప్రభుత్వాస్పత్రిలో ఏకంగా ఒకేరోజు ఆరుగురు చిన్నారులు చనిపోయారు. గత ఐదు నెలల్లో 168 మంది చిన్నారులు మృతి చెందారు. ఈ ఘోరానికి బాధ్యులెవరు..? ఈ దారుణాలకు కారకులెవరు..? డాక్టర్ల నిర్లక్ష్యమే చిన్నారుల మరణాలకు కారణమని ఆరోపణలు ఉన్నాయి. రాను రాను సర్కార్ దవాఖానాల్లో పసిపిల్లల ప్రాణాలకు విలువ లేకుండా పోతోంది. అనంతపురం జిల్లా ఆస్పత్రిని సర్వజనాసుపత్రి అని […]

చిన్నారుల మరణాలు.. ఆస్పత్రుల్లో మృత్యుఘంటికలు
Pardhasaradhi Peri

|

Jun 12, 2019 | 3:37 PM

ప్రభుత్వాస్పత్రులు చిన్నారుల మరణాలకు కేరాఫ్ అడ్రస్‌గా మారుతున్నాయి. అభంశుభం తెలియని పిల్లల జీవితాన్ని చిన్నతనంలోనే చిధిమేస్తున్నాయి. అనంతపురం జిల్లా ప్రభుత్వాస్పత్రిలో ఏకంగా ఒకేరోజు ఆరుగురు చిన్నారులు చనిపోయారు. గత ఐదు నెలల్లో 168 మంది చిన్నారులు మృతి చెందారు. ఈ ఘోరానికి బాధ్యులెవరు..? ఈ దారుణాలకు కారకులెవరు..? డాక్టర్ల నిర్లక్ష్యమే చిన్నారుల మరణాలకు కారణమని ఆరోపణలు ఉన్నాయి.

రాను రాను సర్కార్ దవాఖానాల్లో పసిపిల్లల ప్రాణాలకు విలువ లేకుండా పోతోంది. అనంతపురం జిల్లా ఆస్పత్రిని సర్వజనాసుపత్రి అని కూడా పిలుస్తారు. జిల్లాలో ఎవరు ఏ వ్యాధి బారిన పడినా ఇక్కడికే వస్తారు. అయితే ఓ సారి సౌకర్యాల లేమి, మరోసారి వైద్యుల కొరత, ఇంకోసారి సిబ్బంది నిర్లక్ష్యం.. ఇలా కారణాలు ఏవైనా ఈ మధ్యకాలంలో తరచూ మరణాలు పెరిగిపోతున్నాయి. తాజాగా ఆరుగురు చిన్నారులు ఒకే రోజు చనిపోవడం కలకలం రేపుతోంది.

ఆస్పత్రిలోని నవజాత శిశు చికిత్స కేంద్రం SNCUలో మరణ మృదంగం మోగుతోంది. చిన్నారులు వరుసగా చనిపోవడం ఆందోళన కలిగిస్తోంది. గత వారం రోజులుగా మొత్తం 14 మంది చిన్నారులు మృతిచెందినట్లు సమాచారం. ఆస్పత్రిలో సిబ్బంది పట్టించుకోకపోవడం వల్లే చిన్నారులు మృత్యు బారిన పడుతున్నారని బాధితులు వాపోతున్నారు. అయితే వైద్యుల తప్పిదాల కారణంగానే పిల్లలు చనిపోతున్నారని.. దీనిపై ఉన్నతాధికారులు కమిటీ వేసి విచారణ జరిపించాలని చిన్నారుల తల్లిదండ్రులు కోరుతున్నారు.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu