Breaking: వైసీపీ ఎమ్మెల్యే రజనీ కారుపై రాళ్ల దాడి..!

చిలకలూరిపేట ఎమ్మెల్యే విడదల రజనీ కారుపై రాళ్ల దాడి జరిగింది. ఘటన సమయంలో ఆమె భర్త కుమార్‌తో పాటు మరిది గోపి ఆ కారులో ఉన్నారు. శివరాత్రి సందర్భంగా విడదల వారి ప్రభను వారు కోటప్పకొండలో పెట్టి వస్తుండగా ఈ ఘటన జరిగింది. దీంతో కారు ముందు, వెనకాల ధ్వంసం కావడంతో పాటు.. గోపికి స్వల్ప గాయాలయ్యాయి. అయితే ఈ దాడి చేసింది టీడీపీ వర్గీయులేనని ఆరోపిస్తున్నారు గోపి సహా ఆమె కుటుంబసభ్యులు. ఘటనపై రజనీ కుటుంబం పోలీసులకు ఫిర్యాదు చేయగా.. వారు దర్యాప్తును ప్రారంభించారు. కాగా రెండు రోజుల క్రితం ఎంపీ కృష్ణదేవరాయలు కారుపై కూడా దాడి జరిగిన విషయం తెలిసిందే.