Johnson & Johnson: జాన్సన్ అండ్ జాన్సన్ కరోనా టీకాపై నిషేధం ఎత్తివేత.. ప్రకటించిన అమెరికా ఔషధ నియంత్రణ సంస్థ

Johnson & Johnson

Johnson & Johnson COVID-19 Vaccine: ప్రపంచ వ్యాప్తంగా కరోనా మహహ్మారి మరింత విజృంభిస్తుండటంతో పలు రకాల వ్యాక్సిన్లు అందుబాటులోకి వస్తున్నాయి. ఇక జాన్సన్‌ అండ్‌ జాన్సన్‌ కంపెనీకి చెందిన కరోనా టీకాపై విధించిన తాత్కాలిక నిషేధాన్ని అమెరికా ఎత్తివేసింది. ఈ మేరకు అమెరికా ఔషధ నియంత్రణ సంస్థ (ఎఫ్‌డీఏ) ఒక ప్రకటన విడుదల చేసింది. ఈ అంశాన్ని పరిశీలించేందుక ఏర్పాటైన నిపుణుల కమిటీ నిషేధాన్ని ఎత్తివేయాలని సూచించడంతో ఈ నిర్ణయం తీసుకున్నట్లు ఎఫ్‌డీఏ వెల్లడించింది.

టీకాతో కలిగే నష్టాలకంటే లాభాలే ఎక్కువని నిపుణుల కమిటీ అంచనాకు వచ్చినట్లు తెలిపింది. అయితే జాన్సన్‌ అండ్‌ జాన్సన్‌ టీకా తీసుకున్న వారిలో అత్యంత అరుదైన రక్తం గడ్డ కట్టే సమస్య ఉందన్న అనుమానాల కారణంగా ఆ టీకాపై అమెరికా ప్రభుత్వం తాత్కాలిక నిషేధాన్ని విధించింది. అనంతరం టీకా భద్రతకు సంబంధించి లోతుగా అధ్యయనం చేసేందుకు ఔషధ నియంత్రణ సంస్థ ఓ నిపుణుల కమిటీ ఏర్పాటు చేసింది. అందులో ఉన్న సమాచారం మొత్తం క్షుణ్ణంగా పరిశీలించిన తర్వాతే నిషేధాన్ని ఎత్తివేయాలని సూచించింది.

ఇవీ చదవండి: Vaccination: టీకాతో ఆ దేశాల్లో ఆగిన కరోనా కల్లోలం..వ్యాక్సిన్ ప్రభావం ఆ ఆరు దేశాల్లో ఎలా పనిచేసింది?

భారత్‌లో సెకండ్‌వేవ్‌ కరోనా వ్యాప్తిపై అంతర్జాతీయ మీడియా విశ్లేషణ.. కరోనా వ్యాప్తికి గల కారణాలేంటో తెలిపిన విదేశీ పత్రికలు