Donald Trump Comments: భారత్‌లో కొవిడ్ సంక్షోభంపై డొనాల్డ్ ట్రంప్ సంచలన వ్యాఖ్యలు
Donald Trump: ప్రపంచ వ్యాప్తంగా కోవిడ్‌ 19 వ్యాప్తికి చైనాయే కారణమని అమెరికా మాజీ అధ్యక్షుడు డొనాల్డ్ ట్రంప్ ఆరోపించారు. కరోనా వల్ల భారత్ సర్వనాశనమైందని అన్నారు..
Donald Trump: ప్రపంచ వ్యాప్తంగా కోవిడ్‌ 19 వ్యాప్తికి చైనాయే కారణమని అమెరికా మాజీ అధ్యక్షుడు డొనాల్డ్ ట్రంప్ ఆరోపించారు. కరోనా వల్ల భారత్ సర్వనాశనమైందని అన్నారు. పాక్స్‌న్యూస్‌కు ఆయన ఇచ్చిన ఇంటర్వ్యూలో పలు వ్యాఖ్యాలు చేశారు. కరోనా వ్యాప్తికి బాధ్యత వహిస్తున్న చైనా అమెరికాకు రూ.742,32,600 కోట్లు (10 ట్రిలియన్‌ డాలర్లు) చెల్లించాలని ట్రంప్ డిమాండ్‌ చేశారు. నిజానికి చైనా ప్రపంచానికి చాలా ఎక్కువే చెల్లించాలని, అయితే దాని సామర్థ్యం ఇంతేనని చెప్పారు. వారు చేసిన చర్యల వల్ల చాలా దేశాలు నాశనమయ్యాయని ఆరోపించారు. ప్రజారోగ్యం విషయంలో తీవ్ర సంక్షోభాన్ని ఎదుర్కొంటున్న భారత్‌ను ఉదాహరణగా పేర్కొన్నారు ట్రంప్.
కరోనా మహమ్మారి చైనాలో పుట్టిందని, చైనాపై పూర్తి స్థాయిలో దర్యాప్తు చేపట్టాలని గతంలో డిమాండ్‌ చేసిన ట్రంప్.. మరోసారి చైనాపై విరుచుకుపడ్డారు. కరోనా వల్ల ప్రపంచ వ్యాప్తంగా ఆర్థికంగా తీవ్ర స్థాయిలో నష్టపోయిందని అన్నారు. ప్రపంచ వ్యాప్తంగా నాలుగు మిలియన్లకుపైగా ప్రాణాలు కోల్పోయారు. అయితే చైనా ప్రయోగశాల నుంచి వైరస్‌ బయటపడిందని ట్రంప్ పలు సందర్భాలలో ఆరోపించారు. ప్రపంచ వ్యాప్తంగా అత్యంత నష్టపోయిన దేశాలలో ఒకటిగా భారత్ అని, ఏప్రిల్‌- మే నెలల్లో కోవిడ్‌ భారత్‌ను తీవ్ర స్థాయిలో కుదిపేసిందన్నారు. కాగా, ప్రస్తుతం పాజిటివ్‌ కేసుల సంఖ్య తగ్గిపోయింది. దీంతో అనేక రాష్ట్రాల్లో లాక్‌డౌన్‌ నుంచి సడలింపులు ఇస్తున్నాయి. డిసెంబర్‌ 2021 నాటికి దేశం మొత్తం జనాభాకు టీకాలు వేస్తామని ఇప్పటికే భారత్ ప్రకటించింది.
ప్రపంచ ఆరోగ్య సంస్థ (డబ్ల్యూహెచ్‌వో) చైనాలో పర్యటించి కరోనాపై వాస్తవాలను బయటకు తీయాలని డిమాండ్‌ చేశారు. చైనా పెద్ద మొత్తంలో మూల్యం చెల్లించుకోవాల్సి ఉంటుందని వ్యాఖ్యలు చేశారు. అప్పటి నుంచి చైనాపై డొనాల్డ్ ట్రంప్ పదేపదే ఆరోపణలు గుప్పించారు. దీంతో ప్రపంచ ఆరోగ్య సంస్థ బృందం కూడా చైనాలోని వూహాన్‌లో పర్యటించి కరోనా పుట్టుకపై ఆరా తీశారు. ఇక సెకండ్‌వేవ్‌లో భారత్‌ను మరింత కుంగదీసిన కరోనా కోలుకోలేని విధంగా దెబ్బ కొట్టింది. ఫస్ట్‌ వేవ్‌లో కంటే సెకండ్‌ వేవ్‌ భారత్ తీవ్ర స్థాయిలో వ్యాపించింది.