Barack Obama: బరాక్ ఒబామాకి కరోనా పాజిటివ్.. ట్విట్టర్ వేదికగా స్వయంగా వెల్లడి..
Barack Obama: ప్రపంచవ్యాప్తంగా కరోనా కేసులు తగ్గుతున్న సమయంలో అమెరికా మాజీ అధ్యక్షుడు బరాక్ ఒబామాకు కరోనా పాజిటివ్‌గా తేలింది. ఈ విషయాన్ని ఆయనే స్వయంగా
Barack Obama: ప్రపంచవ్యాప్తంగా కరోనా కేసులు తగ్గుతున్న సమయంలో అమెరికా మాజీ అధ్యక్షుడు బరాక్ ఒబామాకు కరోనా పాజిటివ్‌గా తేలింది. ఈ విషయాన్ని ఆయనే స్వయంగా ట్విట్టర్ వేదికగా తెలిపారు. ‘నాకు ఇప్పుడే కరోనా పాజిటివ్ అని తేలింది. కొన్ని రోజులుగా గొంతు నొప్పిగా ఉంది. కానీ నేను బాగానే ఉన్నాను. నా సతీమణి మిచెల్ ఒబామాకు కరోనా పరీక్షలో నెగెటివ్ వచ్చినట్లు ఒబామా తెలిపారు’. అంతేకాకుండా కేసులు తక్కువగా ఉన్నప్పటికీ ఇప్పటివరకు మీరు టీకాలు వేయించుకోపోతే వెంటనే టీకా తీసుకోవాలని సూచించారు. మరోవైపు మళ్లీ చైనాలో కరోనా కేసులు పెరుగుతున్నాయి. ఆదివారం షెన్‌జెన్ నగరంలోని ప్రధాన వ్యాపార కేంద్రాలని మూసివేసారు. అలాగే వైరస్ వ్యాప్తిని నిరోధించే దృష్ట్యా బస్సుల నిర్వహణను నిలిపివేశారు. చైనా ప్రభుత్వం ప్రకారం.. ఆదివారం 60 కొత్త ఇన్‌ఫెక్షన్ కేసులు నమోదయ్యాయి.
షెన్‌జెన్ నగరం ఆర్థిక, సాంకేతిక కేంద్రంగా ప్రసిద్ధి చెందింది. ఆహార సరఫరా, ఇంధనం, నిత్యావసర వస్తువులు మినహాయించి మిగతా అన్ని సంస్థలు, దుకాణాలు, షాపింగ్‌ మాల్స్‌ మూసివేయాలని ఆదేశించింది. ఇదిలా ఉంటే హాంకాంగ్‌లో పరిస్థితి మరింత దిగజారుతుంది. ఇక్కడ అధికారులు 27,647 కొత్త కోవిడ్ -19 కేసులను నిర్ధారించారు. ఇప్పటివరకు కకోవిడ్ -19 వల్ల 3,729 మంది మరణించారు. చైనాలో పెరుగుతున్న కోవిడ్ కేసులలో ఓమిక్రాన్ వేరియంట్ ఉంది. 2019 డిసెంబర్‌లో చైనాలో తొలి కరోనా కేసు నమోదైంది. అయితే ఆ తర్వాత చైనా కరోనాను నియంత్రించింది.
I just tested positive for COVID. I’ve had a scratchy throat for a couple days, but am feeling fine otherwise. Michelle and I are grateful to be vaccinated and boosted, and she has tested negative.
It’s a reminder to get vaccinated if you haven’t already, even as cases go down.
— Barack Obama (@BarackObama) March 13, 2022