ఆ తాబేలు వయస్సు 344 ఏళ్ళు… ఇక లేదు..

సౌతాఫ్రికాలో అత్యంత ముసలిదైన ఆ తాబేలు ఇక లేదు. ‘ అలగ్బా ‘ అని అంతా పిలుచుకునే దాని వయస్సు 344 ఏళ్లట.. నైజీరియాలోని వోగ్ బొమోషో పాలకుడి ప్యాలస్ లో ఇది ఇప్పటివరకూ అందరికీ ఆశ్చర్యాన్ని కలుగజేస్తూ వచ్చింది. అలగ్బా అంటే అత్యంత పురాతనమైనది అని అర్థమట. శతాబ్దాల తరబడి ఈ తాబేలు ఈ ప్యాలస్ లో ఉంటూ వచ్చిందని, కొంత కాలంగా అనారోగ్యంగా ఉందని దీని బాగోగులు చూస్తూ వఛ్చిన వ్యక్తి తెలిపాడు. గతంలో అనేకమంది రాజులు, పాలకులు కూడా ఈ తాబేలు పట్ల ఎంతో అభిమానంతో ఉండేవారని, దీన్ని ‘ మహిమ ‘ గల జీవిగా భావించేవారని ఆయన చెప్పాడు. అయితే ఈ తాబేలు వయస్సు ఇంత ఉండకపోవచ్చునని కొందరు అనుమానాలు వ్యక్తం చేస్తున్నారు. సాధారణంగా తాబేళ్లు 100 సంవత్సరాలకు మించి బతకవన్నది వీరి వాదన. కాగా-‘ అలగ్బా ‘ తాబేలుకు ‘ హీలింగ్ పవర్స్ ‘ కూడా ఉండేవని అంటారు. అంటే అస్వస్థులుగా ఉన్నవారు, రోగులు దీన్ని చూసి, తాకి తమ రోగాలను మాయం చేసుకున్నారనే ప్రచారం కూడా ఉంది.