జనవరి బొనాంజా.. 1న పుట్టే 17% పిల్లలంతా భారతీయులే!

2020 లో నూతన సంవత్సర దినోత్సవం సందర్భంగా భారతదేశంలో 67,385 మంది పిల్లలు పుడతారని యునిసెఫ్ బుధవారం తెలిపింది. నూతన సంవత్సర దినోత్సవం సందర్భంగా ప్రపంచవ్యాప్తంగా జన్మించబోయే 3,92,078 శిశువులలో 17 శాతం భారత దేశంలో పుడతారని ఒక అంచనా. 2020లో మొదటి శిశువు పసిఫిక్‌లోని ఫిజీలో పుట్టే అవకాశం ఉంది. చివరగా యుఎస్ ఉంది. ప్రపంచవ్యాప్తంగా, నేటి జననాలలో సగానికి పైగా ఎనిమిది దేశాలలో జరుగుతాయని అంచనా. 67,385 తో భారత్ మొదటి స్థానంలో ఉంది, చైనా 46,299, నైజీరియా – 26,039, పాకిస్తాన్ – 16,787, ఇండోనేషియా – 13,020, యుఎస్ – 10,452, డెమొక్రాటిక్ రిపబ్లిక్ ఆఫ్ కాంగో – 10,247, ఇథియోపియా – 8,493.

ప్రతి జనవరిలో, యునిసెఫ్ న్యూ ఇయర్ రోజున జన్మించిన శిశువుల వివరాలను నమోదుచేస్తుంది. ఇది ప్రపంచవ్యాప్తంగా పిల్లల పుట్టుకకు శుభ దినం. ప్రసిద్ధ భౌతిక శాస్త్రవేత్త సత్యేంద్ర నాథ్ బోస్, జనవరి 1, 1894 న జన్మించారు. ప్రసిద్ధ బాలీవుడ్ నటి విద్యాబాలన్ జనవరి 1, 1979 న జన్మించారు.

కాగా.. 2018 లో, 2.5 మిలియన్ల నవజాత శిశువులు వారి మొదటి నెలలోనే మరణించారు. వారిలో చాలా మంది అకాల పుట్టుక, ప్రసవ సమయంలో సమస్యలు, సెప్సిస్ వంటి అంటువ్యాధుల కారణాలతో మరణించారు. ప్రతి సంవత్సరం 2.5 మిలియన్లకు పైగా పిల్లలు చనిపోతారు. గత మూడు దశాబ్దాలుగా, ప్రపంచం పిల్లల మనుగడలో విశేషమైన పురోగతిని సాధించింది, ప్రపంచవ్యాప్తంగా వారి ఐదవ పుట్టినరోజుకు ముందు మరణించే పిల్లల సంఖ్యను సగానికి పైగా తగ్గించింది. కానీ నవజాత శిశువులకు పురోగతి నెమ్మదిగా ఉంది. మొదటి నెలలో చనిపోతున్న పిల్లల సంఖ్య 2018లో 47 శాతం ఉండగా, 1990లో ఇది 40 శాతంగా ఉంది.