Sydney Beach: స్విమ్మర్‌పై షార్క్‌ ఎటాక్‌.. 60 ఏళ్ల తర్వాత దారుణ ఘటన.. పలు బీచ్‌లు మూసివేత

Sydney Beaches Closed

Sydney Beach: బీచ్‌( beach)లో స్విమ్మింగ్‌ చేస్తున్న ఓ వ్యక్తిపై షార్క్‌ చేప(Shark Fish) దాడి చేసింది. ఆస్ట్రేలియాలోని సిడ్నీలో జరిగిన ఈ దారుణ ఘటనలో స్విమ్మర్‌ మృతి చెందాడు.  ఈ దారుణ సంఘటన అనంతరం సిడ్నీలోని ఐకానిక్ బోండి ,  బ్రోంటే బీచ్  సహా అనేక బీచ్‌లను గురువారం మూసివేశారు. దాదాపు 60 ఏళ్లలో నగరంలోని బీచ్‌లలో ఇటువంటి మరణం సంభవించిందని అధికారులు తెలిపారు. వివరాల్లోకి వెళ్తే..

సిడ్నీలో ఫేమస్ బీచ్ లో ఈ దారుణ ఘటన ఫిబ్రవరి 16న ఈ ఘటన జరిగింది. కాగా మృతుని వివరాలు తెలియరాలేదని స్థానిక పోలీసులు తెలిపారు. సిడ్నీకి 20 కిలోమీటర్ల దూరంలో ఉన్న ‘లిటిల్ బే బీచ్’ సమీపంలో ఈ ఘటన జరిగింది. ఈ ఘటనతో సిడ్నీలోని పలు బీచ్ లను మూసివేశారు. 1963 తర్వాత ఒక షార్క్ చేప దాడిలో వ్యక్తి మరణించడం ఇదే మొదటిసారి అని అక్కడి అధికారులు తెలిపారు. షార్క్ చేపను పట్టుకునేందుకు ఏర్పాట్లు చేశారు. దాడి జరిగిన బీచ్ ప్రాంతంలో డ్రమ్ లైన్లను ఏర్పాటు చేయడంతోపాటు షార్క్ చేప ఎక్కడ ఉన్నదీ గుర్తించేందుకు డ్రోన్లను రంగంలోకి దింపారు. తెల్లటి రంగులో, 9.8 అడుగుల పొడవుతో ఉన్న షార్క్ ఆ వ్యక్తిపై దాడి చేసినట్టు న్యూ సౌత్ వేల్స్ డిపార్ట్ మెంట్ ఆఫ్ ప్రైమరీ ఇండస్ట్రీస్ అధికార ప్రతినిధి తెలిపారు. దాడి జరిగిన బీచ్ కు దూరంగా ఉండాలని అధికారులు ప్రజలకు సూచించారు.

Also Read:  వారు సర్వనాశనమై పోతారు.. మంచు మోహన్ బాబు శాపనార్థాలు