Pakistan and China: ఇక్కడి అధికారులు అక్కడి సైన్యంలో.. పాకిస్తాన్-చైనా మైత్రీ బంధం.. బయటపడిన కుతంత్రం!
చైనా..పాకిస్తాన్ కలిసి భారతదేశానికి వ్యతిరేకంగా కుట్ర చేస్తున్నాయి. ఒక మీడియా నివేదిక ప్రకారం, పాకిస్తాన్ సైనిక అధికారులు చైనా సైన్యం పశ్చిమ-దక్షిణ కమాండ్ (పీపుల్స్ లిబరేషన్ ఆర్మీ లేదా PLA) లో నియామకాలు పొందారు.
Pakistan and China: చైనా..పాకిస్తాన్ కలిసి భారతదేశానికి వ్యతిరేకంగా కుట్ర చేస్తున్నాయి. ఒక మీడియా నివేదిక ప్రకారం, పాకిస్తాన్ సైనిక అధికారులు చైనా సైన్యం పశ్చిమ-దక్షిణ కమాండ్ (పీపుల్స్ లిబరేషన్ ఆర్మీ లేదా PLA) లో నియామకాలు పొందారు. పశ్చిమ కమాండ్ లడఖ్లో మోహరించబడింది. అయితే, దక్షిణ కమాండ్ టిబెట్ ప్రాంతాల్లో ఉంది. భారత రక్షణ మంత్రిత్వ శాఖ.. సైన్యం ఈ విషయాలను నిశితంగా గమనిస్తున్నాయి.
ప్రధాన కార్యాలయంలో పోస్టింగ్..
ఇంటెలిజెన్స్ నివేదికలను ఉటంకిస్తూ ఒక జాతీయ మీడియాలో చైనా .. పాకిస్తాన్ల ఈ చేష్టల గురించి సమాచారం ఇచ్చింది. నివేదికల ప్రకారం, పాకిస్తాన్ సైనిక అధికారులకు ఈ రెండు ఆదేశాల ప్రధాన కార్యాలయంలో పోస్టింగ్ ఇచ్చారు. చైనా గత నెలలో పశ్చిమ థియేటర్ కమాండ్ బాధ్యతను జనరల్ వాంగ్ హెజియాంగ్కు అప్పగించింది.
ప్రత్యేక విషయం ఏమిటంటే, ఒక వైపు, చైనా ఈ ప్రాంతం నుండి దళాలను తొలగించడం గురించి మాట్లాడుతుంటే, మరోవైపు, మరొక మార్గం ద్వారా లడఖ్లో దళాలు..ఆయుధాల విస్తరణను పెంచుతోంది. ఈ విషయాన్ని విదేశాంగ శాఖ ప్రతినిధి అరిందమ్ బాగ్చి ఇప్పటికే ధృవీకరించారు.
దక్షిణ థియేటర్ కమాండ్ టిబెట్తో పాటు, హాంకాంగ్, మకావు వంటి చైనా ప్రత్యేక పరిపాలనా ప్రాంతాలతో పాటు ముఖ్యమైన దక్షిణ థియేటర్ కమాండ్కు కూడా బాధ్యత వహిస్తుంది. నివేదికల ప్రకారం, పాకిస్తాన్ కు చెందిన కొంతమంది కల్నల్ ర్యాంక్ అధికారులను పీపుల్ లిబరేషన్ ఆర్మీ పశ్చిమ- దక్షిణ కమాండ్కు పంపించారు. వారికి పోరాట ప్రణాళిక, శిక్షణ , వ్యూహం బాధ్యతలు అప్పగించారు. .
సమాచారం ప్రకారం, బీజింగ్లోని చైనా రాయబార కార్యాలయంలో దాదాపు 10 మంది పాకిస్థాన్ సైనిక అధికారులు కూడా నియమితులయ్యారు. వారికి వేరే పని అప్పగించారు. అయితే, చైనాలో ప్రస్తుతం ఎంతమంది పాక్ ఆర్మీ ఆఫీసర్లు ఉన్నారనేది స్పష్టంగా తేలడం లేదు.
CPEC కోసం ప్రత్యేక దళాన్ని
నిజానికి పాకిస్తాన్ వార్తాపత్రిక ‘ది డాన్’ 2016 లో ఈ విషయాన్ని ప్రచురించింది. చైనా-పాకిస్తాన్ ఎకనామిక్ కారిడార్ (CPEC) భద్రత కోసం మొత్తం 15,000 మంది సైనికులతో ఒక ప్రత్యేక యూనిట్ సిద్ధం చేశరని ఆ ప్రచురణలో పేర్కొన్నారు. ఏదేమైనా, పాకిస్తాన్ నుండి ఇటీవలి మీడియా నివేదికలు CPEC పని దాదాపు రెండు సంవత్సరాల పాటు నిలిచిపోయినట్లు సూచిస్తున్నాయి.
భారత విదేశాంగ, రక్షణ మంత్రిత్వ శాఖ చైనా- పాకిస్తాన్ ఈ చేష్టలను నిశితంగా గమనిస్తోంది. ఒక అధికారి మాట్లాడుతూ – పాకిస్తాన్ సైన్యం CPEC, చైనా పౌరులకు నిరంతరం భద్రతను అందిస్తోంది. ఇది రెండు దేశాల సైన్యానికి పని చేయడానికి సులభతరం చేస్తుంది.