Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 51 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 151767 దేశ వ్యాప్తంగా యాక్టీవ్ కేసులు: 83004 కరోనా నుంచి డిశ్చార్జ్ అయిన బాధితులు: 64426 దేశం మొత్తం కరోనా తో మృతుల సంఖ్య : 4337 కేంద్ర ఆరోగ్య మంత్రిత్వ శాఖ
  • అమరావతి: ఎల్జీ పాలిమర్స్ వ్యవహారం పై హైకోర్టులో విచారణ. ఎమెర్జెన్సీ పనులు నిమిత్తం తమను కంపెనీలోకి అనుమతించాలని హైకోర్టులో పిటిషన్ దాఖలు చేసిన ఎల్జీ పాలిమర్స్. రోజు వారీ కార్యకలాపాల కోసం కంపెనీలోనికి వెళ్లేందుకు సుప్రీంకోర్టు 30 మందికి అనుమతి. రాష్ట్ర ప్రభుత్వం అనుమతి పత్రం ఇవ్వలేదన్న కంపెనీ తరుపు న్యాయవాది.
  • ఈ రోజు ఒకరికి CRPF జవాన్ కి కరోనా పాజిటివ్ ఉన్నట్లు దృవీకరించిన వైద్యులు. దేశ వ్యాప్తంగా మొత్తం 369 CRPF సిబ్బందికి కరోనా పాజిటివ్ ఉన్నట్లు దృవీకరణ 141 యాక్టీవ్ కేస్ లు. 226 మంది డిశ్చార్జ్. ఇద్దరు మృతి.
  • ఢిల్లీ: తబ్లిఘి జమాత్ కేసుకు సంబంధించి 294 మంది విదేశీయుల పై 15 చార్జిషీట్లను సాకేత్ కోర్టులో దాఖలు చేయనున్న ఢిల్లీ పోలీసులు.
  • ఢిల్లీ: ఆర్మీ చీఫ్ జనరల్ ఎంఎం నారావనే అధ్యక్షత ప్రారంభమైన ఆర్మీ కమాండర్ల సమావేశం. ఆర్మీ ఫోర్స్ టాప్ కమాండర్లు ఈ సమావేశానికి హాజరు. లడఖ్లో చైనా దురాక్రమణతో సహా అన్ని భద్రతా సమస్యల పై చర్చ.
  • భారత్-చైనా సరిహద్దులకు రిజర్వు బలగాల మొహరింపు. రక్షణ దళాల అధిపతి బిపిన్ రావత్, త్రివిధ దళాల అధిపతులతో సమావేశమైన ప్రధాని, రక్షణశాఖ మంత్రి. సరిహద్దుల్లో రోడ్లు, ఇతర నిర్మాణ పనులు ఆపొద్దని ఆదేశం. సరిహద్దుల్లో రోడ్డు నిర్మాణంపై అభ్యంతరం చెబుతున్న చైనా. మరోవైపు చైనాలో విస్తృతంగా రోడ్లు, ఎయిర్‌బేస్ ల నిర్మాణం. నేడు కోర్ కమాండర్లు, ఇతర ఉన్నతాధికారులతో ఆర్మీ సమావేశం.

నెలరోజుల బాలింత… కరోనాపై పోరులో వెరవని వనిత

ఆమె ఓ విమెన్ ఆఫీసర్. నెల రోజుల క్రితమే ఓ పండంటి బిడ్డకు జన్మనిచ్చారు. ఆమె కావాలనుకుంటే దాదాపు 9 నెలల పాటు మెటర్నిటీ లీవులు తీసుకుని... ఇంటి పట్టునే వుంటూ బిడ్డ ఆలనాపాలనా చూసుకునే వెసులుబాటు వుంది. కానీ దేశం ఇపుడు కరోనాపై యుద్దం చేస్తున్న సంగతి ఆమెను ఊరికే ఉండనివ్వలేదు. మాతృత్వపు సెలవులు రద్దు చేసుకుని మరీ విధినిర్వహణలో చేరిపోయారు.
woman officer in corona fight, నెలరోజుల బాలింత… కరోనాపై పోరులో వెరవని వనిత

విశాఖ మహానగరంపై కరోనా మహమ్మారి కోరలు చాచింది. అంతకంతకూ విస్తరిస్తూ నాయకులకు అధికారులకు సవాల్‌ విసురుతోంది. దీంతో కనిపించని శత్రువుతో యుద్ధం చేస్తున్నారు విశాఖ వాసులు. అయితే ప్రజలను, అధికార యంత్రాంగాన్ని, సిబ్బందిని సైనికుల్లా ముందుండి నడిపించేందుకు ఒక బాలింత రంగంలోకి దిగారు. ఈమె పేరు సృజన.

జీవీఎమ్‌సీ కమిషనర్‌గా పని చేస్తున్నారు. కొద్ది రోజుల క్రితమే పండంటి బిడ్డకు జన్మనిచ్చారు. అయితే కరోనా రక్కసి వేగంగా వ్యాపిస్తుండటంతో తన మెటర్నిటీ లీవులను సైతం రద్దు చేసుకున్నారామె! బిడ్డ ఆలనాపాలనా చూసుకునే బాధ్యత ఉన్నా విపత్కర పరిస్థితులలో ప్రజలను కాపాడే బాధ్యత కూడా తనపై ఉందని గుర్తించారు. వెంటనే విధుల్లో చేరిపోయారు.

woman officer in corona fight, నెలరోజుల బాలింత… కరోనాపై పోరులో వెరవని వనిత

గతంలో జిల్లా జాయింట్ కలెక్టర్‌గా పని చేసిన సృజన తర్వాత జీవీఎమ్‌సీ కమిషనర్‌గా పదవీబాధ్యతలను చేపట్టారు. కరోనా కమ్మేస్తుండటంతో ఇంట్లో ఉండలేక ప్రజాసేవకే మొగ్గుచూపారు. బిడ్డ బాగోగులను భర్తకు, తల్లికి అప్పగించి ఆఫీసుకు వెళుతున్నారు. కరోనా నివారణ చర్యల్లో భాగంగా క్షేత్రస్థాయిలో పర్యటిస్తున్నారు. అందరిలో ధైర్యం నింపే ప్రయత్నం చేస్తున్నారు. కరోనాను తరిమేందుకు జరుగుతున్న పోరాటంలో నేను సైతం అంటున్నారు.

నగరంలో పారిశుద్ధ్యం మెరుగుపర్చడం, లాక్‌డౌన్‌ను సక్రమంగా అమలు చేయడం, ప్రజలకు సహాయక చర్యలు, నైట్‌ షెల్టర్లు నిర్వహణ వంటి వాటిల్లో కీలకపాత్ర పోషిస్తున్నారు. ఓవైపు చంటిబిడ్డను చూసుకుంటూనే మరోవైపు కరోనాను తరిమేందుకు శ్రమిస్తున్నారు. సమీక్షలు, సమావేశాలు, ఉన్నతాధికారులతో టెలికాన్ఫరెన్స్‌లు నిర్వహిస్తూ క్షణం తీరిక లేకుండా ఉంటున్నారు. ఆఖరికి ప్రజాప్రతినిధులు సైతం సృజన సేవలను గుర్తించి అభినందిస్తున్నారు.

Related Tags