Breaking News
  • 77 లక్షల 61 వేలు దాటిన కరోనా పాజిటివ్ కేసుల సంఖ్య . గడచిన 24 గంటలలో 54,366 కరోనా పాజిటివ్ కేసులు నమోదు. .గడచిన 24 గంటలలో దేశంలో “కరోనా” వల్ల మొత్తం 690 మంది మృతి . గడచిన 24 గంటలలో దేశ వ్యాప్తంగా డిశ్ఛార్జ్ అయిన వారి సంఖ్య 73,979 .దేశంలో ఇప్పటివరకు నమోదయిన “కరోనా” పాజిటివ్ కేసుల సంఖ్య 77,61,312 .దేశ వ్యాప్తంగా యాక్టీవ్ కేసులు 6,95,509 .“కరోనా” కు చికిత్స పొంది డిశ్చార్జ్ అయిన వారి సంఖ్య 69,48,497 .“కరోనా” వల్ల దేశంలో మొత్తం మృతి చెందిన వారి సంఖ్య 1,17,306 . దేశంలో 89.53 శాతం కరోనా రోగుల రికవరీ రేటు . దేశంలో నమోదయిన మొత్తం కేసులలో యాక్టివ్ కేసుల శాతం 8.96 శాతం . దేశంలో మొత్తం నమోదయిన కేసులలో 1.51 శాతానికి తగ్గిన మరణాల రేటు . గడచిన 24 గంటలలో దేశవ్యాప్తంగా నిర్వహించిన కరోనా టెస్ట్ ల సంఖ్య 14,42,722 . ఇప్పటి వరకు దేశంలో నిర్వహించిన మొత్తం కరోనా టెస్ట్ ల సంఖ్య 10,01,13,085.
  • టీవీ9 తో ప్రముఖ డెర్మటాలజిస్ట్ స్వప్న ప్రియ. కలుషిత నీటితో తో చర్మ రోగాలు, ఇన్ఫెక్షన్స్ సోకే ప్రమాదాలు ఉన్నాయి. తామర, ఇంటర్ trigo, ప్రూ రైగో, ఫంగల్ ఇన్ఫెక్షన్స్, ఎక్తైమా, ఇన్ సెక్ట్స్ బైట్ రియాక్షన్స్ వంటి వ్యాధులు వచ్చే అవకాశం. వీలైనంత వరకు వరద లోని మురుగు నీటికి దూరంగా ఉంటే మంచిది. షుగర్ పేషెంట్లు గాయాలు కాకుండా మరీ జాగ్రత్తగా ఉండాలి. ఒకవేళ నీటిలోకి వెళ్లాల్సి వస్తే తర్వాత శుభ్రంగా కడిగి పొడి బట్టలు వేసుకోవాలి. బురద ఇంటిని శుభ్రం చేసే సమయంలో చాలా జాగ్రత్తలు తీసుకోవాలి. చిన్న పిల్లలు, వృద్ధుల విషయంలో మరిన్ని జాగ్రత్తలు తీసుకోవాలి. కాళ్ళకి దురద, పుండ్లు లాంటివి వస్తే వెంటనే డాక్టర్ని సంప్రదించాలి.
  • డాలర్ బాయ్ అరెస్ట్ చేసిన సీసీఎస్ పోలీసులు . 139 మంది తనపై అత్యాచారం చేశారని ఆగస్టు 20 న పంజాగుట్ట పీఎస్ లో పిర్యాదు చేసిన మహిళ. ప్రత్యేక దర్యాప్తు కోసం ఈ కేసును సీసీఎస్ కు బదిలీ చేసిన పోలీసులు. ఈ కేసు ఆరోపణలు ఎదుర్కున్న కొంత మందిని ఇప్పటికే విచారించిన పోలీసులు. ఈ కేసులో ప్రధాన నిందితుడు డాలర్ బాయ్ ని అరెస్ట్ చేసి విచారిస్తున్న పోలీసులు. ఈ రోజు రిమాండ్ కి తరలించే అవకాశం.
  • మహబూబాబాద్ : ఈరోజు ఉదయం11:00 లకు మహబూబాబాద్ టౌన్ పోలీస్ స్టేషన్ కాన్ఫరెన్స్ హాల్ లో మహబూబాబాద్ జిల్లా ఎస్పీ ఎన్.కోటిరెడ్డి గారి ప్రెస్ మీట్. దీక్షిత్ హత్య కేసులో మరిన్ని వివరాలు వెల్లడి చేయనున్న SP కోటిరెడ్డి.
  • నగరంలోని వరద ముంపు ప్రాంతాల్లో రెండు రోజు పర్యటిస్తున్న కేంద్ర బృందం. కేంద్ర హోం శాఖ సంయుక్త కార్యదర్శి ప్రవీణ్ వశిష్ఠ నాయకత్వం లో, కేంద్ర జలవనరుల విభాగం సూపరింటెండెంట్ ఇంజనీర్ ఎం రఘురామ్, కేంద్ర రోడ్ ట్రాన్స్పోర్ట్ విభాగం సూపరింటెండెంట్ ఇంజనీర్ ఎస్ కె కుష్వారా లు నగరంలో పర్యటిస్తున్నారు. నాగోల్, బండ్లగూడ చెరువుల నుండి ఓవర్ ఫ్లో అయి నాలాలులోకి వస్తున్న, వరద నీరు, వరద ముంపుతో జరిగిన నష్టం గురించి అధికారులు, స్థానిక ప్రజల నుండి వివరాలు తెలుసుకున్నారు. ఎల్బీ నగర్ జోన్ హయత్ నగర్ సర్కిల్ నాగోల్ రాజరాజేశ్వరి కాలనీ లో ముంపుకు గురైన ప్రాంతాలను పరిశీలించిన లించిన కేంద్రబృందం.
  • రవాణాశాఖ ప్రిన్సిపాల్ సెక్రెటరి సునీల్ శర్మ తో భేటి tsrtc అధికారులు . రోడ్స్ అండ్ ట్రాన్స్పోర్ట్ భవనం లో మొదలయిన సమావేశం. సమావేశం లో పాల్గొన్న తెలంగాణ రవాణాశాఖ ఆపేరేషన్స్ ఈ.డి లు . ఈరోజు అంతరాష్ట్ర బస్సు సర్వుసుల ఒప్పందంపై తుది నిర్ణయం తీసుకునే అవకాశం.

కనకదుర్గ ఫ్లైఓవర్‌ ప్రారంభించిన కేంద్రమంత్రి గడ్కరీ

ఆంధ్రప్రదేశ్ ప్రభుత్వం ప్రతిష్టాత్మకంగా నిర్మించిన విజయవాడ కనకదుర్గ ఫ్లైఓవర్‌ ప్రారంభమైంది. వర్చువల్‌ విధానం ద్వారా కేంద్ర మంత్రి నితిన్‌ గడ్కరీ, ఏపీ సీఎం వైఎస్ జగన్ లాంఛనంగా ప్రారంభించారు.

Kanaka Durga flyover inauguration, కనకదుర్గ ఫ్లైఓవర్‌ ప్రారంభించిన కేంద్రమంత్రి గడ్కరీ

ఆంధ్రప్రదేశ్ ప్రభుత్వం ప్రతిష్టాత్మకంగా నిర్మించిన విజయవాడ కనకదుర్గ ఫ్లైఓవర్‌ ప్రారంభమైంది. వర్చువల్‌ విధానం ద్వారా కేంద్ర ఉపరితల రవాణాశాఖ మంత్రి నితిన్‌ గడ్కరీ, ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి ఫ్లైఓవర్ ను లాంఛనంగా ప్రారంభించారు. దీనితో పాటు రాష్ట్రంలోని మరో 9 జాతీయ రహదారుల ప్రాజెక్టులను జాతికి అంకితం చేశారు. అలాగే ఈ సందర్భంగా రూ. 15,592 కోట్లుతో చేపడుతున్న16 వంతెనలకు గడ్కరీ శంకుస్థాపన చేశారు. కార్యక్రమంలో కేంద్రమంత్రులు వీకే సింగ్‌, కిషన్‌రెడ్డి తదితరులు పాల్గొన్నారు.

2.6 కి.మీల పొడవున్న కనకదుర్గ ఫ్లైఓవర్‌ నిర్మాణాన్ని 2015లో ప్రారంభించారు. దీనికి మొత్తం రూ.502 కోట్లు ఖర్చు చేసిన నిర్మాణం చేపట్టారు. ఇందులో కేంద్రం వాటా రూ.355.8 కోట్లు కాగా.. రాష్ట్ర ప్రభుత్వం వాటా రూ.146.2కోట్లు ఖర్చు చేసింది.. 46 స్పాన్లతో ఈ వంతెన నిర్మాణం జరుగుతోంది. 900 పనిదినాల్లో ఫ్లైఓవర్‌ నిర్మాణాన్ని పూర్తి చేసింది ఆంధ్రప్రదేశ్ ప్రభుత్వం. ఎలివేటెడ్‌ బ్రిడ్జిలు సాధారణంగా నాలుగు వరసలే ఉంటాయి. కానీ, కనకదుర్గ ఫ్లైఓవర్ ఆరు వరసలుగా నిర్మాణం చేయడంతో దక్షిణాదిలో తొలి ప్రాజెక్టుగా, దేశంలో మూడో ప్రాజెక్టుగా రికార్డుల్లోకెక్కింది. తొలి రెండు ఆరు వరసల ఫ్లైఓవర్లు ముంబయి, దిల్లీలో మాత్రమే అందుబాటులో ఉన్నాయి. వాస్తవానికి రెండేళ్లలోనే దీని నిర్మాణం పూర్తికావల్సి ఉండగా, పలు అవాంతరాలతో జాప్యం జరుగుతూ వచ్చింది. గత ఏడాది ముఖ్యమంత్రి వైఎస్‌ జగన్‌మోహన్‌రెడ్డి అధికారంలోకి వచ్చాక ఈ ఫ్లైఓవర్‌ను సత్వరమే పూర్తిచేసి అందుబాటులోకి తీసుకురావాలని ఆదేశించడంతో గడిచిన ఆరేడు నెలల్లో నిర్మాణ పనులు ఊపందుకున్నాయి.

దుర్గగుడి ఫ్లై ఓవర్ ప్రారంభం కావడం సంతోషకర పరిణామమని వైసీపీ ఎంపీ విజయసాయిరెడ్డి పేర్కొన్నారు. ఫ్లైఓవర్ నిర్మాణానికి కృషి చేసిన సీఎం, కేంద్ర పెద్దలకు ట్విట్టర్ వేదికగా ధన్యవాదాలు తెలిపారు. 2016 కృష్ణా పుష్కరాలకి ముందే దుర్గగుడి ఫ్లైఓవర్ కట్టేస్తా అని ప్రగల్భాలు పలికి, చేతకాక వదిలేసిన వారు కూడా ఆనందపడవచ్చని విజయసాయిరెడ్డి పేర్కొన్నారు.

Related Tags