Viral Video: బిజీ రోడ్డుపైకి బుజ్జి కుక్కలు.. దారి తప్పిన వాటిని ఓ దరి చేర్చిన మహిళంటూ నెటిజన్ల భావోద్వేగం! వైరలవుతోన్న వీడియో
ఆ రోడ్డు చాలా బిజీగా ఉంది. వేలాది కార్లతో రద్దీగా మారిన ఆ రోడ్డుపైకి మూడు బుజ్జి కుక్కలు వచ్చాయి. కార్ల శబ్దంతోపాటు రోడ్డు అవతలకు వెళ్లే దారి తెలియక అరుస్తున్నాయి.
Viral Video: ఆ రోడ్డు చాలా బిజీగా ఉంది. వేలాది కార్లతో రద్దీగా మారిన ఆ రోడ్డుపైకి మూడు బుజ్జి కుక్కలు వచ్చాయి. కార్ల శబ్దంతోపాటు రోడ్డు అవతలకు వెళ్లే దారి తెలియక అరుస్తున్నాయి. ఇంతలో ఓ జంతు ప్రేమికురాలు వాటి బాధను చూసింది. ఎలాగైన వాటిని కాపాడాలనుకుంది. రోడ్డు పక్కకు కారును ఆపింది. తన కార్ డోర్‌లు ఓపెన్ చేసి వాటిని కారులోపలికి ఎక్కించే ప్రయత్నం చేస్తోంది. అవి అటూ ఇటూ చూస్తూ ఉన్నాయే తప్ప ఎంతకీ కారులోకి ఎక్కడం లేదు. ఇంతలో ఒ కుక్క ఎలాగో కారులో దూకింది. మరో పక్క నుంచి ఓ మహిళ వచ్చి కుక్కలను కారులో ఎక్కించేందుకు ఆమెకు సహాయం చేసింది. దీన్ని వెనకాల కారులో ఉన్నవారు రికార్డు చేశారు. బ్రియాన్ మోగ్‌కు అనే యూజర్ నెక్స్ట్‌డోర్ అనే ఖాతాతో ఇన్‌స్టాగ్రామ్‌లో పోస్ట్ చేశాడు. ఈ వీడియో ప్రస్తుతం ఈ వీడియో వైరల్‌ గా మారింది. కొంతమంది చాలామంచి పనిచేశావంటూ మెచ్చుకోగా, నీకు సహాయం చేసిన వారికి కూడా ధన్యవాదాలు అంటూ కామెంట్లు రాసుకొచ్చారు.
“ఎత్తైన హీల్స్‌తోనూ ఆమె సాధించింది” ఒక యూజర్ అంటే, “ఇది నన్ను ఏడిపించింది. కొంతమందైనా ఇలాంటి అద్భుతమైన హృదయాలు ఉన్నాయి” అంటూ మరో యూజర్ భావోద్వేగంతో కామెంట్ చేశారు. “జంతువులను కాపాడేవారిని దేవుడు ఆశీర్వదిస్తాడని” మరొక యూజర్ కామెంట్ చేశాడు. “నాకు చాలా నచ్చిందని” ఒకరు అనగా, ” నాకు నిజంగా ఏడుపొచ్చింది. ఇలాంటి పరిస్థితుల్లో నా బేబీ ని ఊహించుకోలేను. కాపాడినవారికి చాలా ధన్యవాదాలు” అంటూ మరో యూజర్ కామెంట్ చేశారు.
Also Read:
Viral Video: పాపం ఈ అక్క కష్టం ఎవరికీ రావొద్దు.. వీడియోను నవ్వకుండా చూడండి మీకోసమే.!
Sreekutty: ‘శ్రీకుట్టి’ ఇక లేదు; పాపం ఈ ఏనుగు పిల్లకు అన్నీ కష్టాలే అంటూ నెటిజన్ల నివాళులు!