రైలు మెట్లపై నిల్చొని యువతుల ప్రయాణం.. షాకింగ్ వీడియో వైరల్‌

ఇలా ప్రమాదకర జర్నీ చేసిన యువతులను ఇదేమన్నా బస్సు అనుకున్నారా అంటూ ప్రయాణికులు మందలించారు. రైల్వే అధికారుల తీరును కూడా కొందరు తప్పుబట్టారు. రైలు ఆలస్యం కావడంతోనే విధిలేక యువతులు ఇలాంటి జర్నీలు చేయాల్సి వస్తోందని అన్నారు. వీడియోను కొందరు రైలు సేవకు ట్యాగ్ చేశారు. ఈ అంశంపై దృష్టి సారించాలని అన్నారు. దీనికి స్పందించిన రైలు సేవ విషయానికి సంబంధించి అధికారుల దృష్టికి తీసుకెళ్లినట్లు పేర్కొంది. మరికొందరు సెంట్రల్ రైల్వే పోలీసులను కూడా ట్యాగ్ చేశారు. ఈ విషయంపై దృష్టి సారించాలని విజ్ఞప్తి చేశారు. ఆఫీసుకు వెళ్ళేవారు కాస్త అంత ముందుగా ఇంటి నుంచి బయలుదేరాలన్న విషయాన్ని మరచిపోకూడదు. దీంతో ఇలాంటి ప్రమాదకర ప్రయాణాల అవసరం ఉండదు. బతుకు తెరువు కోసం వాళ్లు ఈ కష్టాలు పడుతున్నారు. కానీ ఇలాంటి తప్పిదాలు శాశ్వత వైకల్యానికి దారితీస్తాయని ఓ వ్యక్తి కామెంట్ చేశాడు. ఇలాంటి ఘటనలు తరచూ వెలుగుచూస్తున్నాయని మరొకరు విచారం వ్యక్తం చేశారు. ఇలా రకరకాల కామెంట్స్ మధ్య ఈ ఘటన తెగ ట్రెండ్ అవుతోంది.