Krishna District: కాలం బాలేదు.. ఫీట్లు చేస్తే కానీ కడుపు నిండటం లేదు..

ప్రస్తుతం పీక్ సమ్మర్ నడుస్తోంది. దీంతో జీవాలకు మేత కరువైపోయింది. గొర్రెలు, మేకలు మేత దొరక్క అల్లాడిపోతున్నాయి. ఈ క్రమంలో కృష్ణా జిల్లాలో ఓ ఆసక్తికర దృశ్యం కెమెరా కంటికి చిక్కింది.  మేక తన కడుపు నింపుకోవడానికి ఫీట్లు చేయడం ఆసక్తికరంగా మారింది. వేసవి కాలం కావటంతో రోడ్ల వెంబడి జీవాలకు గడ్డి, పచ్చిక దొరకడం లేదు. దీంతో.. ఓ ఎత్తైన చెట్ల ఆకులు తినేందుకు ఈ మేక ఫీట్లు చేసింది. ద్విచక్ర వాహనం హ్యాండిల్ వరకు పైకి ఎక్కి చెట్టు ఆకులతో కడుపు నింపుకుంది. గుడివాడ పట్టణంలోని ఏలూరు రోడ్డులో మేక ఈ విధంగా తన కడుపు నింపుకుంటున్న దృశ్యాలు వైరల్‌గా మారింది. ఆకలి ఎలాంటి ఫీట్లు అయినా చేయిస్తుంది.. ఎన్ని పాట్లు అయినా పడేలా చేస్తుంది అని కామెంట్స్ పెడుతున్నారు.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి