ఏఐతో రిస్క్ తప్పదు.. అయినా ఆపలేం!

కృత్రిమ మేధ సాంకేతికత వల్ల కొన్ని చెడు పరిణామాలు, తీవ్రమైన ప్రమాదాలు ఎదురవుతాయని తెలిసినప్పటికీ, అది అందించే అపారమైన ప్రయోజనాల కోసం ప్రపంచం ఆ రిస్కును అంగీకరించాల్సిందేనని ఓపెన్‌ఏఐ సీఈవో శామ్ ఆల్ట్‌మన్ సంచలన వ్యాఖ్యలు చేశారు. ఇటీవల ఓ ఇంటర్వ్యూలో ఆయన ఈ అభిప్రాయాన్ని వ్యక్తం చేశారు. ఏఐ సాంకేతికత మానవాళికి మేలు చేయాలంటే, దాని వల్ల వచ్చే కొన్ని ప్రతికూలతలను స్వీకరించక తప్పదని ఆయన స్పష్టం చేశారు. ఏఐ సాంకేతికతను కేవలం ఒకే రీసెర్చ్ ల్యాబ్ లేదా సంస్థ నియంత్రణలో ఉంచి, ఎలాంటి ప్రమాదాలు జరగకుండా చూడాలనే వాదనను ఆల్ట్‌మన్ తీవ్రంగా తోసిపుచ్చారు. అది ఆమోదయోగ్యం కాని రాజీ అవుతుందని పేర్కొన్నారు. “ప్రజలకు ఈ టెక్నాలజీపై సంపూర్ణ నియంత్రణ ఉండాలన్నా, దాని ఫలితాలు అందరికీ అందాలన్నా.. కొన్ని చెడు పరిణామాలు జరగడాన్ని ప్రపంచం అంగీకరించాల్సి ఉంటుందని తాము నమ్ముతున్నామని ఆల్ట్‌మన్ వివరించారు. హ్యాకింగ్, ఆన్‌లైన్ స్కామ్‌లు లేదా ఇతర దుర్వినియోగాలకు భయపడి ఏఐ అభివృద్ధిని నిలిపివేయడం ఏమాత్రం సరైన పద్ధతి కాదని ఆయన అభిప్రాయపడ్డారు. ప్రజలు ఏఐని దుర్వినియోగం చేయడం కంటే, దానితో ఎంతో ఎక్కువ మేలు చేస్తారని తాను దృఢంగా విశ్వసిస్తున్నట్లు తెలిపారు. ఈ క్రమంలోనే తమ సంస్థ ఓపెన్‌ఏఐ తేలికపాటి నియంత్రణలనే సమర్థిస్తుందని, ఈ విషయంలో మరో ఏఐ దిగ్గజ సంస్థ ‘ఆంత్రోపిక్’ దృక్పథానికి, తమ విధానాలకు చాలా వ్యత్యాసముందని పేర్కొన్నారు. మొత్తానికి ఏఐ భవిష్యత్తు పురోగతి కోసం కొన్ని రిస్కులను భరించడం తప్పనిసరి అనే అభిప్రాయాన్ని ఆల్ట్‌మన్ బలంగా వినిపించారు.

మరిన్ని వీడియోల కోసం ఇక్కడ క్లిక్ చేయండి

Also Watch:

బెంగళూరు బిజీ లైఫ్‌పై ఓ డాక్టర్ ఆసక్తికర పోస్ట్.. నెటిజన్ల రియాక్షన్‌ ఇదే

Rashmika Mandanna: ఓవరాక్షన్, క్రింజ్ అంటారా.. ట్రోలర్స్‌కు ఇచ్చిపడేసిన రష్మిక

చిరు – ఓదెల సినిమాపై.. నాని షాకింగ్ కామెంట్స్! ఉన్నట్టా.. లేనట్టా.. అంటే..?

దిమ్మతిరిగే ఫోక్‌ సాంగ్‌తో.. కంబ్యాక్‌ ఇచ్చిన మాధురి రాథోడ్‌

Allu Arjun: శివాజీ మహరాజ్‌ గడ్డపై.. ఐకాన్ స్టార్‌ సేవా కార్యక్రమం