Watch: వామ్మో.. తుని రైల్వే స్టేషన్‌లో పాముల కలకలం..ఇదిగో వీడియో

కాకినాడ జిల్లా తుని రైల్వే స్టేషన్‌లో ఇటీవల విషసర్పాల సంచారం తీవ్ర కలకలం రేపింది. ప్రయాణికులు, స్థానికులను తీవ్ర భయాందోళనకు గురిచేసింది. రైల్వే స్టేషన్‌లోని వాష్‌రూం, టికెట్ కౌంటర్‌తో పాటు పార్సెల్ కార్యాలయం సమీపంలో పలు పాములు దర్శనమిచ్చాయి. ఒక్కసారిగా ఈ విషసర్పాలను చూసిన ప్రయాణికులు భయంతో పరుగులు తీశారు. రైల్వే స్టేషన్‌లో పాములు కనిపించడం స్థానికులలో, ప్రయాణికులలో ప్రయాణికుల భద్రతపై తీవ్ర ఆందోళనను రేకెత్తించింది. స్టేషన్ పరిసరాల్లో పరిశుభ్రత లోపించడం, పొదలు పెరగడం వల్లే పాములు బయటకు వస్తున్నాయని స్థానికులు ఆరోపిస్తున్నారు. ఈ సమస్యను తక్షణమే పరిష్కరించాలని వారు రైల్వే అధికారులను డిమాండ్ చేస్తున్నారు. స్టేషన్ పరిసరాల్లో తక్షణమే శుభ్రత పనులు చేపట్టి, పాములు సంచరించకుండా పొదలను తొలగించాలని వారు కోరారు. రైల్వే అధికారులు వెంటనే ఈ విషయంపై స్పందించి, ప్రయాణికులకు సురక్షితమైన వాతావరణాన్ని కల్పించడానికి తగిన చర్యలు తీసుకోవాలని స్థానికులు, ప్రయాణికులు డిమాండ్ చేశారు.