Raptadu Incident: వాడిని బతకనీయద్దు.. లక్ష్మి చెప్పింది ఇదే!
అనంతపురం రప్తాడ్ పాఠశాలలో ఎలక్ట్రిక్ రంపంతో జరిగిన దాడిలో స్నేహితురాలిని కాపాడేందుకు లక్ష్మి ధైర్యంగా అడ్డుకుంది. ఈ క్రమంలో ఆమె కూడా గాయపడింది. నిందితుడు హేమంత్‌కు చికిత్స అందించడం పట్ల ఆగ్రహం వ్యక్తం చేస్తూ, అతన్ని అక్కడే చంపేయాలని లక్ష్మి పేర్కొంది.
అనంతపురం జిల్లా రప్తాడ్ మండలంలోని జిల్లా పరిషత్ ప్రభుత్వ పాఠశాలలో తోటి విద్యార్థినిపై హేమంత్ అనే వ్యక్తి ఎలక్ట్రిక్ రంపంతో అత్యంత దారుణంగా దాడి చేశాడు. ఈ భయానక ఘటనలో తరగతి గదిలోని విద్యార్థులు, ఉపాధ్యాయులు భయంతో పారిపోగా, లక్ష్మి అనే విద్యార్థిని మాత్రం ప్రాణాలకు తెగించి తన స్నేహితురాలిని కాపాడే ప్రయత్నం చేసింది. రక్తం చిందుతున్నా భయపడకుండా, రంపం దాడికి గురవుతున్న స్నేహితురాలిని పక్కకు లాగేందుకు లక్ష్మి ప్రయత్నించింది. దీంతో ఆగ్రహించిన దాడి చేసిన వ్యక్తి, లక్ష్మిపై కూడా దాడి చేయడంతో ఆమెకు గాయాలయ్యాయి. ఈ సంఘటన తలచుకుంటే ఒళ్లు గగురుపొడుస్తుందని లక్ష్మి పేర్కొంది. తన ప్రాణాన్ని కాపాడుకోవాలనే ఆలోచన కాకుండా, తన స్నేహితురాలిని కాపాడాలనే తపనతోనే తాను అడ్డుకున్నానని లక్ష్మి టీవీ9కి వివరించింది. ఈ దాడిని చూస్తూ ఊరుకోలేకపోయానని ఆమె తెలిపింది. నిందితుడు హేమంత్‌ను అక్కడే కాల్చి చంపేయాలని, అతనికి చికిత్స అందించడం సరికాదని లక్ష్మి తీవ్రంగా అభిప్రాయపడింది.
మరిన్ని వీడియోల కోసం ఇక్కడ క్లిక్ చేయండి
Also Watch:
Gautam Gambhir: టీమిండియాను గౌతమ్ గంభీర్ వదిలేస్తున్నారా? కోచ్ పదవికి గుడ్ బై చెప్పనున్నారా?
WhatsApp: వాట్సప్‌లో బిగ్ చేంజ్.. మీ పిల్లల ఖాతాపై ఇక మీదే కంట్రోల్!
సోలార్ వెలుగులతో స్వయం సమృద్ధి దిశగా అంకోల్ క్యాంపు