నీళ్లను ఏపీ దోచుకెళ్లాక ఇప్పుడు ధర్నా చేసి ఏం ప్రయోజనం
కృష్ణా జలాల విషయంలో కాంగ్రెస్ తీరుపై బీఆర్ఎస్ తీవ్ర విమర్శలు చేసింది. ఏపీ నీళ్లను దోచుకెళ్ళాక ఇప్పుడు ధర్నా చేయడం అనవసరమని, ఇది కేవలం డ్రామా అని నిరంజన్ రెడ్డి ఆగ్రహం వ్యక్తం చేశారు. పాలమూరు ప్రాజెక్టును పూర్తి చేసి ఉంటే ఈ పరిస్థితి ఉండేది కాదని, తక్షణమే ప్రాజెక్టును పూర్తి చేయాలని డిమాండ్ చేశారు.
కృష్ణా నది జలాల పంపిణీ విషయంలో కాంగ్రెస్ ప్రభుత్వం అనుసరిస్తున్న విధానాలపై బీఆర్ఎస్ తీవ్ర అభ్యంతరం వ్యక్తం చేసింది. ఆంధ్రప్రదేశ్ నిస్సిగ్గుగా నీళ్లను తరలించుకుపోయిన తర్వాత ఇప్పుడు ధర్నా చేయడం వల్ల ఎటువంటి ప్రయోజనం ఉండదని బీఆర్ఎస్ నాయకులు నిరంజన్ రెడ్డి ప్రశ్నించారు. ఏపీ జలవిద్యుత్ పేరు మీద నీటిని తరలిస్తున్నప్పుడు అడ్డుకోలేకపోయారని, ఇప్పుడు పంటలు ఎండిపోయాక ధర్నాలు చేయడం డ్రామాలేనని ఆయన ఆగ్రహం వ్యక్తం చేశారు. కేంద్రానికి, అపెక్స్ కౌన్సిల్కు లేఖలు రాయకుండా ముఖ్యమంత్రి తన కర్తవ్యాన్ని విస్మరించారని నిరంజన్ రెడ్డి విమర్శించారు. కాంగ్రెస్ అసమర్థత వల్లే రాష్ట్రానికి నష్టం జరుగుతోందని, పాలమూరు-రంగారెడ్డి ప్రాజెక్టును పూర్తి చేసి ఉంటే ఈ పరిస్థితి ఉండేది కాదన్నారు. వెంటనే పాలమూరు-రంగారెడ్డి ప్రాజెక్టును పూర్తి చేయాలని నిరంజన్ రెడ్డి డిమాండ్ చేశారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఇరాన్ – ఇజ్రాయెల్ వార్లోకి కేఏ పాల్ ఎంట్రీ!
ఒక్క పాటతో రేంజ్ మారిపోతుందిగా.. వాట్ ఏ ప్లాన్
Peddi: అందర్నీ కార్నర్ చేస్తున్న రామ్ చరణ్