PM Modi: కాంగ్రెస్ వల్లే ఈశాన్య రాష్ట్రాలకు ఈ దుస్థితి.. మోదీ ఫైర్..

కాంగ్రెస్ కేవలం ఓటుబ్యాంకు రాజకీయాలకే పరిమితమైందని ప్రధాని నరేంద్ర మోదీ విమర్శించారు. కానీ తమ ప్రభుత్వం ఈశాన్య రాష్ట్రాల అభివృద్ధికి కట్టుబడి ఉందని స్పష్టం చేశారు. మిజోరాం రాష్ట్రంలో పర్యటించిన మోదీ పలు అభివృద్ధి పనులకు శ్రీకారం చుట్టారు. ఈ పర్యటనలో భాగంగా రూ.8,070 కోట్ల వ్యయంతో నిర్మించిన బైరాబీ – సైరాంగ్ రైల్వే లైన్‌ను ఆయన ప్రారంభించారు. ఈ సందర్భంగా ఏర్పాటు చేసిన బహిరంగ సభలో కాంగ్రెస్ పార్టీపై తీవ్ర స్థాయిలో విరుచుకుపడ్డారు. “కొందరి స్వార్థపూరిత రాజకీయాల వల్లే ఈశాన్య రాష్ట్రాలు అభివృద్ధిలో వెనుకబడ్డాయి. కాంగ్రెస్ ప్రభుత్వం ఈ ప్రాంత ప్రజలపై భారీగా పన్నులు విధించి వారిని ఆర్థికంగా ఇబ్బందులకు గురిచేసింది” అని ఆరోపించారు.

బైరాబీ – సైరాంగ్ రైల్వే లైన్ ప్రారంభం ఈ ప్రాంతానికి ఒక కొత్త శకానికి నాంది పలికిందని మోదీ అన్నారు. ఈ రైల్వే లైన్ ద్వారా మిజోరాంతో పాటు మొత్తం ఈశాన్య రాష్ట్రాలకు మెరుగైన రవాణా సదుపాయాలు అందుబాటులోకి వస్తాయని, ఇది ఆర్థిక వృద్ధికి, ఉద్యోగాల సృష్టికి దోహదపడుతుందని ప్రధాని పేర్కొన్నారు. భవిష్యత్తులో కూడా ఈ ప్రాంతానికి మరిన్ని అభివృద్ధి కార్యక్రమాలు చేపడతామని ఆయన హామీ ఇచ్చారు.

మరిన్ని జాతీయ వార్తల కోసం ఇక్కడ క్లిక్‌ చేయండి..