కోటప్పకొండ తిరునాళ్లలో ఒరిగిపోయిన భారీ ప్రభ

పల్నాడు జిల్లాలోని ఆధ్యాత్మిక క్షేత్రం కోటప్పకొండలో మహాశివరాత్రి పురస్కరించుకుని జరిగిన తిరునాళ్లలో తృటిలో పెను ప్రమాదం తప్పింది. కోటప్పకొండ త్రికోటేశ్వరుని దర్శించుకుని, తిరునాళ్ల ఉత్సవాల్లో పాల్గొని తిరిగి వస్తున్న క్రమంలో మద్దిరాల గ్రామానికి చెందిన ప్రభ ప్రమాదానికి గురైంది. మహాశివరాత్రి పర్వదినాన్ని పురస్కరించుకుని చిలకలూరిపేట నియోజకవర్గ పరిధిలోని మద్దిరాల గ్రామం నుండి గ్రామస్థులు ఎంతో ఉత్సాహంగా ప్రభను కట్టుకుని కొండకు వెళ్లారు. మొక్కులు తీర్చుకుని, తిరునాళ్ల వేడుకలు ముగించుకుని తిరిగి వస్తున్న సమయంలో, కోటప్పకొండ దిగువన ఘాట్ రోడ్డు ప్రాంతంలో ప్రభ అదుపుతప్పింది. ఒక్కసారిగా ప్రభ పక్కకు ఒరగడంతో అక్కడ ఉన్న భక్తులు, గ్రామస్థులు భయాందోళనకు గురయ్యారు. ప్రభ పడిపోతున్న సమయంలో అక్కడున్న వారు అప్రమత్తం కావడంతో ప్రాణాపాయం తప్పింది. ఈ ఘటనలో ఎవరికీ ఎటువంటి తీవ్ర గాయాలు కాకపోవడంతో అందరూ ఊపిరి పీల్చుకున్నారు. ప్రభను తిరిగి యథాస్థితికి తీసుకువచ్చేందుకు గ్రామస్థులు, పోలీసులు, వాలంటీర్లు శ్రమించారు. రద్దీ ఎక్కువగా ఉండటం, భూభాగం హెచ్చుతగ్గులుగా ఉండటమే ఈ ప్రమాదానికి కారణమని భావిస్తున్నారు. పల్నాడు జిల్లా యంత్రాంగం మరియు పోలీసులు వెంటనే స్పందించి ట్రాఫిక్‌ను క్రమబద్ధీకరించి, మిగిలిన ప్రభల రాకపోకలకు ఇబ్బంది కలగకుండా చర్యలు తీసుకున్నారు. శివయ్య ఆశీస్సులతోనే పెద్ద ప్రమాదం తప్పిందని మద్దిరాల గ్రామస్థులు స్వామివారికి నమస్కరిస్తూ కృతజ్ఞతలు తెలుపుకున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

శివపార్వతుల కల్యాణంలో సాక్షాత్కరించిన నాగరాజు

కోటి దీపాల వెలుగుల్లో..మహాశివరాత్రి వైభవం

Trisha Krishnan: అనవసర వివాదాల్లోకి లాగితే చట్టపరమైన చర్యలు

Gold Price Today: తగ్గిన బంగారం ధర.. కానీ వెండి ధరలు మాత్రం.?

చింతలమోరి శివాలయంలో వైభవంగా శివరాత్రి వేడుకలు