అమెరికన్ల కంటే భారతీయులకే జీతాలు ఎక్కువా?
అమెరికాలో భారతీయ హెచ్1బి వీసా ఉద్యోగులు అమెరికాలో పుట్టిన గ్రాడ్యుయేట్ల కంటే ఎక్కువ జీతాలు సంపాదిస్తున్నారని తాజా నివేదికలు వెల్లడిస్తున్నాయి. టెక్నాలజీ, ఇంజనీరింగ్ వంటి అధిక వేతన రంగాల్లో వారి ప్రాబల్యం దీనికి ప్రధాన కారణం. అయితే, హెచ్1బి వీసా కార్యక్రమంపై వేతన అసమానతలు, నైపుణ్యం కొరత వంటి చర్చలు కొనసాగుతున్నాయి.
అమెరికాలో పనిచేస్తున్న భారతీయ హెచ్1బి వీసా ఉద్యోగులు, అమెరికాలో పుట్టిన గ్రాడ్యుయేట్ల కంటే అధిక వేతనాలను పొందుతున్నారని తాజా నివేదికలు వెల్లడిస్తున్నాయి. విద్య, అనుభవం సమానంగా ఉన్నప్పటికీ, భారతీయ ఉద్యోగులు సగటున ఎక్కువ సంపాదిస్తున్నట్లు స్టూడెంట్ ఈబి5 నివేదిక పేర్కొంది. ఈ నివేదిక ప్రకారం, హెచ్1బి వీసాలపై అమెరికాకు వెళ్లిన భారతీయుల సగటు వార్షిక ఆదాయం సుమారు 1.15 లక్షల డాలర్లు కాగా, అమెరికాలో పుట్టి చదువుకున్న గ్రాడ్యుయేట్ల ఆదాయం 87,000 డాలర్లుగా నమోదైంది. ఈ డేటాను ఎకనామిక్ ఇన్నోవేషన్ గ్రూప్ విశ్లేషించింది.
భారతీయుల సగటు ఆదాయం ఎక్కువగా ఉండటానికి ప్రధాన కారణం వారు టెక్నాలజీ, ఇంజనీరింగ్, కంప్యూటర్ సైన్స్ వంటి అధిక వేతనం ఇచ్చే రంగాల్లో పనిచేయడమే. అమెరికాలోని హెచ్1బి వీసాదారులలో 70% కంటే ఎక్కువ మంది భారతీయులే ఉన్నారు. వీరి వార్షిక వేతనం లక్ష డాలర్లకు పైగానే ఉందని నివేదికలు స్పష్టం చేస్తున్నాయి
మరిన్ని వీడియోల కోసం :