క్యాబేజీ తిన్న యువతి మెదడులో పురుగులు వీడియో

Share

నీట్‌కు సిద్ధమవుతున్న 18 ఏళ్ల విద్యార్థిని ఫాస్ట్‌ ఫుడ్‌ తిని మరణించింది. ఆమె మెదడులోకి క్యాబేజీలో ఉండే పురుగు ప్రవేశించడం వల్లే చనిపోయిందని డాక్టర్లు తెలిపారు. ఉత్తర్‌ప్రదేశ్‌లోని​ అమ్రోహా జిల్లా చుచైలా కలాన్ గ్రామ నివాసి ఇల్మా ఇంటర్‌ చదువుతూ నీట్‌ కు సిద్ధమవుతోంది. అయితే, ఇల్మాకు నెల రోజుల క్రితం టైఫాయిడ్ సోకింది. అప్పటి నుంచి ఆమె ఆరోగ్యం క్రమంగా క్షీణించింది. నోయిడాలోని ఆసుపత్రిలో ఆమెకు సిటీ స్కాన్, ఎంఆర్​ఐ పరీక్షలు చేయగా బ్రెయిన్ ట్యూమర్ ఉన్నట్లు గుర్తించారు. మెదడులో 25కి పైగా ట్యూమర్లు భయపెట్టాయి. డాక్టర్లు ఇల్మా మెదడుకు ఆపరేషన్ చేశారు. ఆస్పత్రిలో చికిత్స పొందుతూ డిసెంబర్ 29న ఇల్మా మరణించింది. ఫుడ్ తినడం వల్ల క్యాబేజ్‌ ద్వారా ఆమె శరీరంలోకి పురుగులు ప్రవేశించడమే కారణమని తేలింది. ఈ పురుగు వల్ల ఆమె మెదడులో 25 ట్యూమర్లు ఏర్పడ్డాయని డాక్టర్లు తెలిపారు.