కేరళ స్టోరీ 2 విడుదలకు అంతా సిద్ధమేనా.. అసలు వస్తుందా..?

సాధారణంగా ఒక సినిమాలో ఒకే ఒక్క డైలాగ్ వివాదాస్పదంగా ఉన్నా సెన్సార్ బోర్డు అభ్యంతరం చెబుతుంది. అలాంటిది సినిమా మొత్తం వివాదాస్పదంగా ఉంటే దానిని కేరళ స్టోరీ 2 అంటారని చెప్పవచ్చు. ఈ చిత్రం విడుదల తేదీ దగ్గరపడుతున్న కొద్దీ వివాదాలు మరింత ముదురుతున్నాయి. ఫిబ్రవరి 27న ఈ సినిమా విడుదల కానుంది, అయితే విడుదల అంత సులభంగా జరిగేలా కనిపించడం లేదు. కేరళ స్టోరీ 2 వస్తుందని ప్రకటించినప్పటి నుంచే వివాదాలు తప్పవని చిత్ర నిర్మాతలు భావించారు. మొదటి భాగం ది కేరళ స్టోరీ మాదిరిగానే, ఈ సినిమాలో కూడా వివాదాలు తీవ్ర స్థాయిలో ఉన్నాయి. ఇప్పటికే కేరళ ముఖ్యమంత్రి పినరయి విజయన్ తన రాష్ట్రంలో ఈ సినిమాను నిషేధించే అవకాశం ఉందని సంకేతాలు ఇచ్చారు. కామాఖ్య నారాయణ్ సింగ్ దర్శకత్వం వహించిన ఈ చిత్రాన్ని విపుల్ అమృత్ లాల్ షా నిర్మించారు.