Hyderabad: నారాయణగూడలో అనుమానాస్పదంగా ఇద్దరు వ్యక్తులు.. తనిఖీ చేయగా..

హైదరాబాద్‌లోని నారాయణగూడలో పోలీసులు భారీగా రద్దు చేసిన నోట్లను స్వాధీనం చేసుకున్నారు. ఈస్ట్ జోన్ టాస్క్ ఫోర్స్ పోలీసులు నారాయణగూడ శాంతి థియేటర్ ఎదురుగా ఉన్న కెనరా బ్యాంకు దగ్గర ఇద్దరిని, వాటర్ వర్క్స్ కార్యాలయం దగ్గర మరో ఇద్దరిని అదుపులోకి తీసుకున్నారు. నెహ్రునగర్ దగ్గర మూడు బ్యాగులను తనిఖీ చేయగా, అందులో 500, 1000 రూపాయల నోట్లు ఉన్నట్లు గుర్తించారు. అధికారులు చెబుతున్న వివరాల ప్రకారం, స్వాధీనం చేసుకున్న నోట్ల మొత్తం విలువ రెండు కోట్ల రూపాయలకు పైగా ఉంటుంది. పట్టుబడిన నలుగురినీ నారాయణగూడ పోలీస్ స్టేషన్‌కు తరలించి, నోట్ల మూలం గురించి విచారణ కొనసాగుతోంది.