దడ పుట్టిస్తోన్న కొవిడ్‌ కొత్త వేరియెంట్‌.. టీకాలు వేసినా ఉపయోగం లేదా

కరోనా.. రెండున్నరేళ్లు ప్రపంచాన్ని గడగడలాడించిన మహమ్మారి. ఇప్పుడిప్పుడే దీనిగురించి పూర్తిగా మర్చిపోతున్నారు ప్రజలు. అంతలోనే నిన్నొదలా బొమ్మాళీ అంటూ … మళీ కొత్త కొత్త రూపాలలో మానవాళిపై దాడి చేస్తోంది. ఇప్పుడు మరోసారి కరోనా కొత్త వేరియంట్ ‘FLiRT’ దాడి మొదలుపెట్టింది. దీంతో ప్రజలు మరోసారి ఈ వ్యాధిపై భయాందోళనలకు గురవుతున్నారు. గత కొన్ని రోజులుగా అమెరికాలో ఈ కొత్త వేరియంట్ కేసులు నిరంతరంగా పుట్టుకొస్తున్నాయి. శాస్త్రవేత్తలు ఈ కొత్త వేరియంట్‌కు FLiRT అని పేరు పెట్టారు. ఈ కొత్త వేరియంట్ ఓమిక్రాన్ కుటుంబానికి చెందినదిగా చెబుతున్నారు. ప్రపంచవ్యాప్తంగా అత్యంత వినాశనానికి కారణమైన కరోనా వైరస్ అదే జాతి ఒమిక్రాన్. భారతదేశంలో రెండవ కరోనా వేవ్‌కు ఓమిక్రాన్ కూడా కారణమైంది. ఆరోగ్య నిపుణులు, శాస్త్రవేత్తల ప్రకారం.. ఈ కొత్త కరోనా వేరియంట్ ప్రస్తుతం అమెరికాలోని కొన్ని ప్రాంతాలలో విస్తరిస్తోంది. ఈ కొత్త జాతి పెరుగుతున్న కేసుల దృష్ట్యా ఈ వేరియంట్ ప్రపంచంలోని ఇతర ప్రాంతాలకు కూడా వ్యాపించవచ్చని భయపడుతున్నారు. ఇది మాత్రమే కాదు, బూస్టర్ డోస్ తీసుకున్న తర్వాత కూడా, ఈ స్ట్రెయిన్ బారిన పడే ఛాన్స్‌ ఉందంటున్నారు.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

నిమిషాల్లో వజ్రాలు తయారీ.. ఎక్కడంటే ??