దారుణంగా పడిపోయిన రూపాయి విలువ.. చరిత్రలో తొలిసారి

అంతర్జాతీయంగా నెలకొన్న ప్రతికూల పరిణామాల నేపథ్యంలో అమెరికా డాలర్‌తో పోలిస్తే భారత రూపాయి విలువ చారిత్రక కనిష్ఠ స్థాయికి పడిపోయింది. పశ్చిమాసియాలో పెరుగుతున్న ఉద్రిక్తతలు, ప్రపంచ సరఫరా వ్యవస్థలో అంతరాయాల కారణంగా శుక్రవారం ట్రేడింగ్‌లో రూపాయి భారీగా బలహీనపడింది. ఒకే రోజు 0.55 శాతం క్షీణించి, డాలర్‌కు 93.12 వద్ద కొన‌సాగుతోంది. బుధవారం నమోదైన 92.63 కనిష్ఠ స్థాయిని కూడా ఇది అధిగమించింది. పశ్చిమాసియాలో సంక్షోభం ప్రారంభమైనప్పటి నుంచి రూపాయి విలువ దాదాపు 2 శాతం క్షీణించడం గమనార్హం. రూపాయి విలువ కుప్పకూలినప్పటికీ, దేశీయ స్టాక్ మార్కెట్లు మాత్రం అనూహ్యంగా పుంజుకున్నాయి. శుక్రవారం ట్రేడింగ్‌ను భారీ లాభాలతో ప్రారంభించాయి. అంతర్జాతీయ మార్కెట్ల నుంచి మిశ్రమ సంకేతాలు అందుతున్నప్పటికీ, భారత సూచీలు మాత్రం ఇన్వెస్టర్ల కొనుగోళ్ల మద్దతుతో దూసుకుపోతున్నాయి. ముఖ్యంగా గత సెషన్‌లో భారీ నష్టాలను చవిచూసిన ఇన్వెస్టర్లు, తక్కువ ధరల వద్ద షేర్లను కొనుగోలు చేసేందుకు ఆసక్తి చూపడం మార్కెట్లకు కలిసొచ్చింది. ఉదయం 9:36 నిమిషాల సమయానికి సెన్సెక్స్ 895 పాయింట్ల లాభంతో 75,123 వద్ద, నిఫ్టీ 292 పాయింట్లు పుంజుకొని 23,294 వద్ద ట్రేడవుతున్నాయి. ఒక దశలో సెన్సెక్స్ ఏకంగా 900 పాయింట్లకు పైగా లాభపడటం విశేషం. మరోవైపు స్టాక్ మార్కెట్లు లాభాల్లో ఉన్నా.. కరెన్సీ మార్కెట్లో పరిణామాలు ఆందోళన కలిగిస్తున్నాయి. అంతర్జాతీయ పరిణామాల నేపథ్యంలో భారత రూపాయి విలువ చరిత్రలో మొదటిసారి రూ. 93 మార్కును దాటి పతనమైంది. ఇరాన్ యుద్ధ మేఘాల వల్ల ముడి చమురు ధరలు భగ్గుమంటున్నాయి. చమురు దిగుమతుల బిల్లు పెరగడం రూపాయిపై ఒత్తిడి పెంచుతోంది. మరోవైపు విదేశీ సంస్థాగత పెట్టుబడిదారులు (FIIs) భారత మార్కెట్ల నుంచి నగదును వెనక్కి తీసుకోవడం రూపాయి బలహీనపడటానికి ప్రధాన కారణంగా కనిపిస్తోంది. అమెరికా మరియు ఆసియా మార్కెట్లు మిశ్రమంగా ఉన్నప్పటికీ, భారతీయ ఇన్వెస్టర్లు మాత్రం ప్రస్తుతానికి సానుకూల ధోరణితోనే కనిపిస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

సీసీ కెమెరాలోనే రోజూ కూతుర్ని పలకరిస్తున్న అమ్మానాన్న

వాణిజ్య ఎల్పీజీ వాడకంపై కేంద్రం కీలక నిర్ణయం

గ్యాస్ కష్టాలకు ‘రాకెట్’ పరిష్కారం.. రిటైర్డ్ ఇంజనీర్ అద్భుత ఆవిష్కరణ