నా గర్ల్‌ఫ్రెండ్‌కు థ్యాంక్స్: యూపీఎస్సీ టాపర్

శుక్రవారం విడుదలైన యూపీఎస్సీ ఫలితాల్లో రాజస్థాన్‌కు చెందిన కనిషక్ కటారియా ఆలిండియా టాపర్‌గా నిలిచిన విషయం తెలిసిందే. ఈ సందర్భంగా ఇచ్చిన ఓ ఇంటర్వ్యూలో తన గర్ల్‌ఫ్రెండ్‌కు థ్యాంక్స్ చెప్పాడు కనిషక్.

‘‘ఈ విజయ సాధనలో నాకు తోడుగా నిలిచిన కుటుంబ సభ్యులకు, నా గర్ల్‌ఫ్రెండ్‌కు, స్నేహితులకు ధన్యవాదాలు. మీరిచ్చిన మద్దతును నేను ఎప్పటికీ మరిచిపోలేను. యూపీఎస్సీలో నేను మొదటి ర్యాంక్ సాధించానన్న విషయాన్ని ఇప్పటికీ నమ్మలేకపోతున్నా. ప్రజలు నన్ను మంచి అధికారిగా చూడాలని కోరుకుంటున్నారు. నా ఉద్దేశం కూడా అదే’’ అంటూ కనిషక్ చెప్పుకొచ్చాడు. కాగా కనిషక్ ఐఐటీ ముంబయిలో కంప్యూటర్ సైన్స్‌లో బీటెక్ చదివారు.